Por fin chegou unha das nosas festas favoritas!!!!! as trasniñas e trasniños levamos moitos días preparándonos: decoramos as aulas, fixemos máscaras, disfrazámonos na casiña de súper man, princesas, batmans, heroínas, spidermans... con faldas, tutús, gorros...
Da man de Papirus investigamos sobre as romarías e grazas a Luis Davila coñecemos as POLBEIRAS E POLBEIROS, personaxe da que nos íamos a disfrazar todas e todos xuntos no cole.
Así, súper motivados por facer cada un o noso disfraz elaboramos unhas deliciosas racións de polbo da ría, con moito pementón, eso sí! Traballamos a motricidade fina, as cores, o conteo, os conceptos máis que e menos que, a decena…
Ademáis durante toda esta semana cumprimos as premisas do mandadiño, homenaxeando a Rosalía, en pixama, de mascalleiras e mascalleiros ou co noso disfraz favorito, foi unha semana moi moi divertida!!!
Hoxe foi o gran día, puxemos o mandil, o pano na cabeza, collemos a tapa de polbo e sobre as 10.15 saímos do cole de infantil para xuntarnos co alumando de primaria, fixemos un pequeño pasarrúas ata chegar ao patio do cole dos maiores.
Unha vez alí desfilamos e cantamos a copla que os nosos compis de 5 anos, os maiores do cole de infantil, compuxeron con moito agarimo para todas e todos. Desfrutamos co resto de desfiles e coplas dos nosos irmáns, curmáns e amigos de primaria; logo baixamos a encher a barriguiña cunha morea de lambetadas e doces típicos de entroido!!!!!
Moitas grazas familias pola vosa colaboración!!!!
Deixámosvos un vídeo-resumo para que poidades ver o ben que o pasamos neste entroido.
