23 de febreiro, día de Rosalía

O pasado venres 23 de febreiro conmemorábase o aniversario do nacemento de Rosalía de Castro; o tempo  impediu que fixeramos o acto para a súa homexane, así que hoxe, por fin puidemos festexalo como esta gran poetisa e escritora merece. 

Despois do patio as trasniñas e trasniños subimos ao cole de primaria xunto as nosas e nosos compis de infantil levando as casiñas que todo o ciclo elaboramos cun anaco dun poema de Rosalía.

Alí desfrutamos dos poemas de Rosalía que os nenos e nenas maiores cantaron, rapearon e recitaron. Despois todo o cole cantamos e signamos o poema "Adiós ríos, adiós fontes"

Deixámovos un pequeno vídeo do día de hoxe e o vídeo da canción  no que todo o cole signamos coa axuda de Rosa Louro, a intérprete en lingua de signos.

Dia Escolar da Non Violencia e a Paz

Hoxe, como cada 30 de xaneiro, festéxase o día Escolar da Non Violencia e a Paz; as trasniñas e trasniños estivemos traballando sobre que é a paz para todos e todas nós: falamos con cariño, damos aloumiños, axudamos aos amigos e amigas cando teñen un problema, cando están tristes.... 

Neste días todo o alumnado de infantil fixemos unha pomba da paz para levar posta de pulseira; pintamos o pico, compuxemos a palabra PAZ e puxémoslle uns ollos chulísimos.

Despois do patio subimos ao cole de primaria para participar nunha xornada de convivencia co resto do cole; escoitamos os manifestos da paz, cantamos "Terra" das Tanxugueiras acompañando a Olaia unha das Tanxus que veu ata o cole para compartir esta xornada con nós,  e "Someday"; convivimos un anaquiño cos nosos irmáns, curmáns e amigos e amigas maiores!!!

Foi un día fantástico!! mirade!!!

A nosa paz construímola día a día, xuntos, xuntas, falándonos con respecto e tratando ás persoas como nos gustaría que o fixeran con nós. 

AS TRASNIÑAS E OS TRASNIÑOS QUEREMOS A PAZ

25 N

Esta semana os trasniños e as trasniñas realizamos diversas actividades para conmemorar o 25 de Novembro:

• Falamos e reflexionamos sobre a importancia de vivir en igualdade e de respectarmos

• Cada aula creou, un verso octosílabo tendo como referencia a temática do 25 de novembro, para participar na creación conxunta co resto do cole dunha canción que pronto poderes ver e escoitar. 

Os nosos versos din:

"Colle o teu lazo morado"

"Pono preto do corazón"

• Gravamos un video onde representábamos cun xesto o noso verso, nós decidimos usar para isto a lingua de signos así que no noso video saímos facendo o signo de morado e o de corazón.

• Coa profe Elsa gravamos os versos que creamos, cantando a melodía que nos ensinou, foi moi divertido colocarnos diante do micrófono como auténtic@s artistas.

• Estampamos as nosas mans pintadas de morado nuns ladrillos cos que construímos simbólicamente un muro de igualdade e ademais participamos na creación dun fermoso mural feito con todas e todos os nosos compañeiros e compañeiras de infantil!!

Mirade que ben traballamos!!!

e aquí tendes a fermosa composición musical "Nelas temos que crer" creada por todo o cole e orquestada pola nosa super profe de música ELSA

Obradoiro de igualdade

 Hoxe os trasniños e as trasniñas participamos nun obradoiro de igualdade ao que nos convidou o Concello de Bueu, coñecimos a Uxía unha actriz, que chegou ao noso cole para falarnos de cousas que a ela lle parecen inxustas.

Con Uxía falamos de igualdade, rimos, saltamos, fixemos teatro e axudamos á pirata Daniela a superar as probas para poder formar parte da tripulación!

O Samaín chega ás nosas aulas

Os trasniños e as transitas estamos traballando arreo no noso proxecto As festas do outono! 

Comezamos co Samaín, unha das nosas festas preferidas, e como xa sabemos unha morea de cousas sobre esta festa;  preguntámoslle aos nenos e nenas que lles gustaría facer este ano para festexar a festa das cabazas no cole.... entre todas e todos fixemos unha lista inmensa de ideas súper chulas que pouco a pouco estamos materializando.

Queríamos decorar o cole con cousas terroríficas e para iso fixemos unhas arañas peludas con pompóns, limpiapipas e uns ollos saltóns, cun novelo de lá creamos unha gran tea de araña entre as portas das dúas aulas e penduramos dela as nosas arañas....

Decoramos as aulas con banderíns que fixemos con debuxos terroríficos, colgamos cabazas, bruxas, esqueletes, pantasmas, ata decoramos a nosa porta da aula cun monstro de pelo verde... sacamos do baúl os disfraces terroríficos e pegamos a nosa foto ao corpo que máis nos gustou para crear entre todos e todas un mural do Samaín con morcegos, demos, bruxas, esqueletes e vampiros do máis divertido.

Dentro la lista de cousas que os trasnos querían facer para o Samaín no cole, había unha especialmente complicada... un túnel do terror e unha casiña terrorífica que tiñan que ser escuros porque, ao falar dos medos na aula decatámonos de que moitos de nós temos medo á escuridade, queríamos ter un lugar escuro no que poder facer cousas divertidas e vencer ese medo e.... conseguímolo!!!

Transformamos a casiña da aula no noso túnel/casiña escura; un lugar máxico, onde están pasando cousas incríbles!

Dentro da casiña descubrimos á bruxa morada, que co seu gorro e o seu nariz de bruxa convidounos a pintar cuns rotuladores sobre un papel branco e logo na escuridade mostrounos a maxia da sua luz morada que facía que os nosos debuxos brilaran moitísimo!!! 

A luz da bruxa morada gustounos tanto que despois do patio deixamos as clases a escuras e puxémosnos a pintar mollando o pincel nos platos de ingredientes da bruxa (pis de unicornio, moco de becho verde, sangue de cabaza e veleno de araña peluda) usando a luz da bruxa, ao ritmo de cancións pintamos na escuridade

Con esta instalación artística de luz negra potenciamos a experimentación sensorial ao tempo que verbalizamos e vivenciamos un dos nosos medos dende unha experiencia positiva, conseguindo sentirnos a gusto nun entorno onde a escuridade é a protagonista. As profes estamos felices co resultado da experiencia, foi maxia pura ver as súas reaccións ao comprobar os efectos da luz negra sobre os rotuladores e as témperas luminiscentes.

Día internacional da muller

Hoxe, 8 de marzo, os trasniños e trasniñas conmemoramos o día internacional da muller. 

Aproveitamos o noso proxecto sobre Bueu para traballar a MATILDE BARES. Coa axuda do conto "Pequena biografía de Matilde Bares, da colección mulleres galegas" (Lela edicións), descubrimos a esta mestra que exerceu a docencia e contribuiu a alfabetización e formación de moitas persoas da nosa vila. Descubrimos tamén a súa casa e ata unha rúa que leva o seu nome aquí en Bueu.

25 - N co profe David

 Hoxe, 25 de Novembro, conmemórase o día da NON violencia de xénero, e o profe David quixo contarlles aos trasniños e trasniñas porque era tan importante este día e que cousiñas podíamos facer nós contra a violencia de xénero: non empurrar, non pegar, falarlle con cariño aos nosos amig@s, dicirlle aos nosos compis o que non nos gusta.... todos e todas tiñámolo moi claro, por iso, para lembrar moi ben esta data os trasniñ@s tivemos dúas misións!!!!

Primeiro cun rodillo, pintamos unha das nosas mans con témpera morada para estampala con moito coidado dentro dun gran lazo baixo as siglas 25-N. Cando todos e todas estampamos e quedou ben sequiño, puxemos o noso nome dentro da man.

A segunda actividade era súper difícil pero conseguimos facela súper súper ben!!!. O profe David preparou  unha morea de "abalorios/contas" rosas e moradas cos números "2"e "5" e a letra "N". A nosa misión era coller un cordel, o número 2, o número 5 e a letra N e metelo todo polo buraquiño do abalorio para conseguir unha pulseira que puxese "25N". 

Todos e todas fixémolo fenomenal e levamos as nosas pulseiras para casa para lembrarnos hoxe, "25-N" e sempre que queremos a VIOLENCIA moi moi lonxe de nós!!!

Moitas grazas profe David, pasámolo moi ben, foi un día e un traballo fantástico!!!!