Hoxe foi un día moi especial para as trasniñas e os trasniños e tamén para as súas profes, tiñámolo marcado no calendario, estábamos convidados ao Bibliocastelo para asistir ao aniversario de Papirus!!
Papirus enviounos un convite e contounos que no seu bibliocastelo nos recibiría o alumnado de 2º de primaria para converterse nos nosos padriños e madriñas lectores. Que ben!! poderemos reencontrarnos cos nenos e nenas que foron trasnos hai uns anos!! E tamén con algúns irmáns!!
Preparamos con moito agarimo unhas pulseiras como agasallo e con moita ilusión puxemos rumbo ao Bibliocastelo, alí quedamos abraiadas e abraiados co que nos tiñan preparado!!! Mirade...
Queremos agradecer a Papirus o seu convite e as mestras e alumnado de segundo que nos acolleran e nos agasallaran coa súa arte.
Moitísimas grazas, foi moi emocionante poder estar todas e todos xuntos!!!
Papirus deixou para nós unha nova receita PASTEL DE FROITOS VERMELLOS!! UMMMMMM
Traballando coa receita descubrimos que precisábamos un forno para facer os nosos pasteis, así que... puxemos rumbo ao cole de primaria para usar o forno que teñen no comedor.
Mirade que expertas e expertos cociñeiros son estas trasniñas e trasniños...
Hoxe na escola puxemos fin a este segundo trimestre onde vivimos unha aventura apaixoante. Da man de Papirus tivemos que traballar arreo para poder crear as Olimpíadas dos trasnos.
Foi un trimestre fantástico onde aprendemos moitas moitas cousas, creamos, decidimos, nos organizamos, descubrimos, xogamos e medramos!!
Con moito esforzo e grazas á axuda das nosas familias puidemos facer realidade o noso obxectivo e gozar das nosas propias olimpíadas!
As profes estamos moi moi orgullosas do traballo destes nenos e nenas que non deixan de sorprendernos cada día!
Deixámosvos un resumo en imaxes da que foi a última xornada das nosas olimpíadas onde tivo lugar unha fermosa cerimonia de clausura e entrega de medallas onde non faltou a festa!
As olimpíadas dos trasnos están moi preto de celebrarse e converternos en atletas olímpicos: xa temos os aros, o facho, os equipos, as bandeiras, a mascota.... hoxe cando chegamos ao cole atopamos a caixiña de Papirus cunha nova misión.
Círculos de cartón, témpera sólida dourada, prateada e marrón, témpera das cores dos aros olímpicos, tapóns, os números 1,2 e 3, lazo das cores dos nosos equipos olímpicos....
Que é o que Papirus quere que fagamos?
Síiiii, as nosas medallas olímpicas
Cada trasniño e trasniña escolleu de que cor quería a súa medalla: ouro, prata ou bronce, despois pintamos o círculo de cartón e estampamos os aros olímpicos mollando un tapón en témpera e contando ata 5 para que a pintura quedara ben impresa; logo pegamos o número 1,2 ou 3 segundo a cor escollida e puxémoslle un lazo da cor do noso equipo.
Xa temos as medallas listas e preparadas para proceder a súa entrega na cerimonia de clausura.
Papirus.... estamos desexando que chegue unha nova misión!!
Hoxe os trasniños e as trasniñas recibimos unha nova mensaxe de Papirus
Da man de Papirus descubrimos outro dos sinais de identidade das olimpíadas, A MASCOTA OLÍMPICA!
Coñecemos a Cobi, Vinicius, Mitatowa, Wenlock, Phriges, e decidimos aceptar a proposta do noso benquerido polbiño de ser a mascotas das nosas olimpíadas.
Na súa caixa, Papirus deixounos pintura morada e uns papeis para que fixeramos a nosa mascota, tiñamos que facer un gran Papirus!!
E puxémonos a traballar, pintamos de morado as pezas da cabeza e os tentáculos.
Reutilizamos follas de xornais para facer bolas de papel e encher o cabezón de Papirus con elas, para que estivera ben gordiño.
con cartolina e papel fixemos os ollos, unimos a cabeza aos tentáculos
e penduramos a nosa mascota no noso recanto olímpico!!
Esta mañá na escola descubrimos que alguén estivera facendo trasnadas nas nosas aulas, había cousas forá do seu sitio... "profe: seguro que foi Papirus que veu pola noite para ver que sabíamos que eran los aros olímpicos e nos manda outra misión"
De súpeto apareceu Papirus na nosa pizarra máxica, así que nos xuntamos todas e todos para escoitar a súa mensaxe:
Seguindo as instruccións de Papirus buscamos a súa caixa e Martín atopouna dentro da casiña.
Coa axuda dos protas abrimos a caixa e analizamos todo o que había dentro....
Traballando en equipo fomos quen de construir o noso facho olímpico e tamén as dúas piras que precisamos, a da cidade grega de Olimpia onde temos que prender o noso facho e a pira que imos colocar no lugar onde celebraremos as nosas olimpíadas e que temos que encender co noso facho!!
Cando tivemos todo creado, estivemos escenificando como é que temos que proceder co facho cando fagamos as olimpíadas, repasamos a mensaxe de Papirus e probamos a ver se éramos quen de prender o facho na pira de Olimpia e trasladalo sen que se apagara, pasándolono entre todas e todos ata chegar a nosa pira para prenderla.
A proba foi todo un éxito!!
Misión cumplida, xa temos o facho e as piras para as nosas olimpíadas!!
Cada día despois do patio os contos chegan as aulas dos trasnos na hora de ler, hoxe ese momento foi moi especial porque os contos chegaron da man das axudantas de Papirus que, viñeron dende o Bibliocastelo para agasallarnos coa representación de dous fermosísimos contos.
As axudantas de Papirus convertéronse nun dragón, unha princesa, a cabra cabresa, o coelliño branco….
Asistimos encantadas e encantados ao espectáculo e quedamos alucinad@s co ben que o fixeron estas artistazas!!
O pasado 24 de outubro, día das bibliotecas, foi o aniversario de Papirus, a mascota da nosa biblioteca; por mor do mal tempo non puidemos festexalo e hoxe, por fin, foi un día de festa!!!
O alumnado de 6ºA e 6ºB baixou ao cole de infantil para exercer de madriñas e padriños lectores das nosas trasniñas e trasniños. Chegaron moi emocionados de voltar ao seu cole no que tan bos momentos pasaron. Cada parella de sexto escolleu a un trasniñ@ e da man buscaron un rinconciño do cole no que vivir un momento moi especial compartindo lecturas.
As trasniños e trasniños déronlle a cada nen@ de sexto un recordo cunha sorpresiña doce para agradecer esta xornada tan marabillosa.
Moitas grazas nenos, nenas e titores. Agardamos poder repetir a experiencia.
Hoxe recibimos unha invitación moi especial. Papirus, un polbiño moi simpático, que vive no Bibliocastelo (a biblioteca do cole dos maiores) está hoxe de aniversario coincidindo co día das bibliotecas!!!
Papirus convídanos ás trasniñas e trasniños a súa festa mañá, 25 de setembro. Queredes coñecer a historia do noso polbiño mentres agardamos a que chegue o día?
Estamos moi emocionados e desexando subir ao Bibliocastelo a festexar o aniversario de Papirus!!!!
Este ano o noso polbiño Papirus convidou a todo o cole a traballar nun proxecto moi divertido e emocionante que leva por título MOITO MÁIS QUE XOGO.
Como os trasniños e as trasniñas somos unhas expertas e expertos niso de aprender xogando non dubidamos en embarcarmos xunto a Papirus nesta aventura tan especial.
O noso obxectivo final tiñámolo ben claro.....
CREAR O NOSO PROPIO XOGO!
si si, un xogo feito por NÓS onde NÓS somos as e os protagonistas.
A misión non foi doada, tivemos que documentarnos, experimentar, tomar moitas decisións, cooperar, colaborar, contrastar, clasificar, diseñar, crear, contar, escribir, facer cálculos e operacións complexas, descubrir, concluir....
Unha aventura apaixoante na que cada día, na escola, era moi enriquecedor e súper emocionante e motivador.
As trasniñas, os trasniños e as profes queremos agradecer dun xeito moi especial ao Concello de Bueu a súa colaboración. Tensi, Silvia, Xosé e Félix, grazas por abrirnos unha vez máis as portas do Concello, grazas por recibirnos, escoitarnos e axudarnos a facer realidade o soño do alumando de 5 anos. Grazas!!!!
Estamos moi orgullosas e orgullosos do traballo feito e queremos presentarvos o noso xogo no Art For Change, o festival artístico solidario que os nosos compañeiros e compañeiras do Johan Carballeira, organizan na praza Massó este sábado 29 de abril.
Se queredes descubrir o XOGO DOS TRASNOS, achegádevos á carpa e estaremos encantadas e encantados e xogar con vós.
Hoxe, 24 de outubro, é o día das bibliotecas escolares, e o noso polbiño favorito está de aniversario!!!!
As trasniñas e trasniños recibimos un convite de Papirus para achegarnos ao bibliocastelo hoxe a primeira hora da mañá, pero a choiva non nos permitiu subir ao cole dos maiores; así que entre tod@s pensamos que podíamos ir a cantarlle o parabéns á nosa biblioteca e mandarlle o vídeo para que desfrutara do seu día.
Todas e todas cantámoslle o "parebéns para ti" e bailamos e cantamos a canción de Papirus. Podedes premer no enlace do lateral para seguir cantándoa na casa!!!!
Papirus agasallounos a cada un de nós cun marcapáxinas, que decoramos con moito agarimo, e así poder seguir desfrutando dos libros cada día.
Moitas grazas Papirus, esperamos poder visitar moi pronto o bibliocastelo.
As trasniñas e trasniñas desexámosche un día moi moi feliz!!!!
