Hoxe foi un día moi moi máxico, a ANPA do noso cole conseguiu que as mesmísimas Maxestades viñeran dende Oriente ata o cole de A Pedra.
As trasniñas e trasniños quixemos facerlles un debuxo para que por un día foran eles quenes recibisen agasallos, así que moi cedo puxémonos a traballar.
Cando tivemos os debuxos listos subimos ao cole de primaria a agardar a nosa quenda, mentres aproveitamos para desfrutar dun dos nosos recunchos favoritos: o patio do primeiro ciclo!
Deixámosvos un video resumo do que foi este nadal 2024 cheo de maxia para os trasniños e as trasniñas.
Que disfrutedes moito das vacacións vémonos o mércores 8 de Xaneiro do 2025!!!
A nosa querida intérprete en lingua de signos, Rosa Louro, estivo esta semana gravando a todo o alumando do cole signando unha bonita panxoliña para desexarvos a todas as familias do cole A Pedra unhas felices festas. Premede na imaxe e mirade que chulada!!!
Hoxe foi un día moi especial; para despedir o trimestre a dar a benvida ao Nadal, as profes Ana, Lucía, Tania, Marina e Pilar organizaron obradoiros para todo o alumnado de infantil; neles tocamos, cantamos, bailamos, escoitamos, pintamos...pero sobre todo o pasamos fenomenal!!! Para rematar o gran día os trasniños e trasniñas preparamos unha súper merendola, na que fixemos os nosos propios árbores de pavo e nocilla que decoramos cunha estrela de chuche e unha morea de adornos de chocolate. Mirade que ben o pasamos!!!
O outro día un trasniño contounos que na súa casiña fixera un reno para o seu retrato de Papá Noel, moitos de nós quixemos facer o mesmo, un simpático Rodolfo para decorar as nosas casas e acompañar o noso Papá Noel, así que puxémosnos mans á obra.
Recortamos en cartolina marrón a silueta da cara e os cornos, puxemos dous ollos de pegatina e.. a nariz vermella moi moi brillante!
Quedounos tan chulo que decidimos poñerlle un cordel para poder penduralo na nosas árbores de nadal!!
Os nosos Rodolfos xa van camiño das nosas casas!!!
As trasniñas e trasniños estamos traballando arreo estes días previos ao Nadal. Pensamos que na nosa aula debíamos colocar unha árbore para poder colgar luces e adornos; así que.... cortamos papel, debuxamos, pintamos e... tachán..... as trasniñas e trasniños xa temos a nosa árbore de Nadal;
Decidimos poñer un carteliño coas letras de BO NADAL, colocarlle unhas luces e un simpático adorno.
Mirade que chuli quedaron as nosas árbores cos seus bonecos de neve!!
Despois de moitos días por fin volvíamos a estar todas e todos xuntos no cole!!! moi emocionados quixemos contarlles ás profes e aos amigos todos os xogos, xoguetes e contos que temos novos. Nas mesas de clase tiñamos unha gran sorpresa: unha morea de agasallos para compartir no cole!!!!
Pouquiño a pouco fomos abrindo cada paquete: xogos de construcción, de lóxica, quebracabezas, bonecos e roupa chula para vestílos ou material de perruquería e de médicos para o noso xogo simbólico, pizarras para escribir e debuxar....
Axiña comezamos a estrear todas as cousiñas novas..... foi un día moi divertido!!!
Comezamos o segundo trimestre!!! Estamos desexando vivir novas aventuras todas e todos xuntos
Hoxe foi un día moi emocionante, a profe Elsa levaba moitos días ensaiando coas trasniñas e trasniños dúas panxoliñas súper chulas, que hoxe, porfin, era o turno de cantar e bailar para as nosas e os nosos compis de 4 e 5 anos.
Puxemos na cabeza unhas diademas de árbore que elaboramos durante estes días na clase con moito cariño, preparámonos e puxemos rumbo ao IES Johan Carballeira.
Despois de recibir unha morea de aplausos subimos ao escenario para cantar FOLERPIÑA
E tamén cantamos e bailamos CHEGOU O NADAL!
Fixémolo xenial!!!!
Ademáis desfrutamos un montón vendo ao alumnado de 4 anos cantar e bailar "A árbore de Nadal" e "El reno Rodolfo"
E ao alumnado de 5 anos coas panxoliñas "Todo é mellor cando é Nadal" e "Volver a casa por Nadal".
Antes de marchar, as profes subiron ao escenario e cantaron e bailaron un marchoso FELIZ NAVIDAD!!
Despois do festival de Nadal as trasniñas e trasniños quixemos continuar co día de festa e fixemos unha pequena saída por Bueu; esta actividade tivo como obxectivo: compartir nun espazo natural a nosa ledicia navideña e deixar unha importante mensaxe na nosa vila.
Mirade que ben o pasamos!!!
A intérprete de lingua de signos do noso cole, Rosa Louro, estivo estes días ensaiando e cantando esta panxoliña que grabou con todo o alumado de infantil con todo o seu cariño para que a poidades desfrutar.
Todos e todas as profes e todas as nenas e nenos do cole queremos desexarvos un
Bo Nadal
Rematadas as festas do outono: o Samaín e o Magosto as trasniñas e trasniños tiñan moi claro que querían adicar as vindeiras semanas do cole ao NADAL!!!
Así que, por suposto, as profes puxémonos mans a obra e hoxe comezamos cun obradoiro de Nadal!!!!
Carla, unha traballadora da Escola Galega de Consumo chegou ben cedo para contarnos como nestas datas aumenta o nivel de compras e convidounos a fomentar un consumo responsable. Despois de ver varios tipos de anuncios de xogos e xoguetes, explicounos como debemos mirar as etiquetas dos xoguetes para que sexan seguros e adaptados a nosa idade. Son dúas cousiñas moi sinxelas que debemos ter en conta no etiquetado:
- as letras "CE" distintivo que acredita que o xogo ou xoguete cumpre coa normativa Europea de seguridade, e
- o símbolo de prohibición cos números 0/3 que indica que non está aconsellado para menores de tres anos e pode conter pezas pequenas.
Coas estas dúas indicacións claras buscamos nos nosos xogos de aula as etiquetas, comprobando deste xeito como cumplen coa normativa vixente.
Para finalizar fixemos un xoguete caseiro, un boneco de neve ao que despois de ponerlle o etiquetado correspondente, decoramos cun gorro, ollos, boca, botóns e purpurina; quedaron chulísimos!!!!
A vindeira semana comezaremos a decorar as aulas e corredores coas fantásticas ideas das vosas fillas e fillos.
@s Trasn@s comezamos co Nadal!!!!!
Hoxe as trasniñas e trasniños regresamos ao cole despois dunhas esperadísimas vacacións de Nadal, tiñamos moitas ganas de ver aos nosos amigos e amigas e contarlles a tod@s como foron as nosas vacacións e cales foron os nosos agasallos favoritos pero..... sabedes o que nos atopamos ao entrar na clase???
As Súas Maxestades deixaron unha morea de agasallos para nós!!!! Había dous paquetes, nun atopamos moreas de botes de plasti blandita, de todas as cores: rosas, moradas, negras, azuis..... vaia sorpesa tan grande!!! Era unha das cousiñas que máis queríamos os trasniñ@s!!!!
No outro paquete había varios xogos: unhas paletas de imán e círculos de cores para a nosa mesa de luz, un xogo de unicornios, un xogo de cartas e un conto con imáns para formar dinosauros divertidos.
Puxémonos super contentas e contentos e sen perder tempo escollimos tarxetas para poder estrear os nosos novos xogos!!!! Pasámolo moi moi ben
Hoxe foi un gran día..... as panxoliñas soaron nas clases das trasniñas e trasniños ao longo de toda a mañá. Bailamos, cantamos e recibimos unha sorpresa moi moi especial.... A profe Lucía petou nas nosas portas, estaba acompañada por un axudante e unha axudante dos Reis Magos, si si.... como escoitades, dos Reis Magos de Oriente.
Despois mendarmos Rosca con zume, gusanitos e lambetadas e bailamos e xogamos todos e todas xuntos!!!!!
Queremos agradecer, unha vez máis, a ANPA do noso cole a súa disposición e colaboración para traer ao noso cole aos axudantes dos Reis Magos cargadiños de lambetadas e facer que a maxia envolva as nosas aulas.
Moitas grazas a vós, familias pola vosa colaboración e confianza. Vémonos o luns 10 de xaneiro.
Nestas últimas semanas os trasniños e as trasniñas traballamos arreo para conseguir que a maxia do Nadal enchera as nosas aulas.
O primeiro que fixemos foi converternos en trasniños e trasniñas de nadal, collemos as nosas fotos, xuntámolas ao corpo que máis nos gustou e puxémonos un sombreiro.
