FESTA DE FIN DE CURSO!!!

 Hoxe foi un día moi especial na escola, o noso último día de cole deste marabilloso curso!

As profes preparamos unha chea de sorpresas para despedir este curso escolar, merendola e festa na clase, xogos especiais no patio e un photocall... 

FELICES VACACIÓNS TRASNIÑAS E TRASNIÑOS, VÉMONOS EN SETEMBRO PARA SEGUIR SORRINDO, XOGANDO, APRENDENDO, IMAXINANDO E MEDRANDO XUNTAS E XUNTOS!!

Biquiños!

Preparamos a nosa graduación

Os trasniños e as trasniñas levamos semanas traballando arreo e con moita ilusión para preparar o último día de cole, a nosa festa de graduación que suporá a despedida do cole de infantil.

Estamos moi ilusionad@s desexando que chegue o día 21, ao longo destas semanas fixemos unha morea de cousas e temos unhas ganas enormes de poder compartir e ensinarvos a todas as familias e aos nosos compis todo o que fixemos, mirade, mirade...

Decidimos facer unha representación teatral e para iso adaptamos e escribimos as nosas obras de teatro, escollemos as personaxes que queríamos interpretar e preparamos o noso vestiario; con goma eva cada un de nós fixo a sua diadema para a cabeza

Con tea sen tecer  fixemos os petos para o corpo, medimos a nosa altura coa regra, cortamos a tea, pegamos complementos nas barrigas....

Ideamos e creamos os decorados: fixemos casas, árbores, un reloxo, un pastel de cenorias, unha cociña... fixémolo todo con caixas de cartón, cinta de papel e pintura de cores.

Subimos ao salón de actos do instituto para ensaiar e ensaiar as nosas actuacións

Ademáis do teatro tamén decidimos crear unha canción, usamos unha base ben coñecida, inventamos unha letra entre todas e todos e grabamos as nosas voces como auténticos profesionais do mundo da música.

Para a merendola que imos ter logo da graduación escollemos un vasiño da cor que máis nos gustaba e decorámolo con rotus poñendo o noso nome.

Xa temos todo preparado, soamente falta un día para poder ensinarvos todo o que fixemos.

Estamos desexando que chegue o mércores!!!

Vai ser un último día de cole xenial!!!! 

FIN DE CURSO!!!!!

Esta semana foi unha semana moi moi especial!!!! O luns os nosos amiguiñ@s  de 5 anos despedíanse de infantil, o vindeiro curso xa non estarán aquí porque comezan no cole dos maiores; así que @s trasniñ@s quixemos acompañalos e despedilos na súa festa de graduación. Unha obra de teatro e dúas actuacións musicais fixeron que o pasáramos en grande e non deixáramos de aplaudir moi emocionados. Noraboa compañeir@s, botarémosvos moito de menos!!!

O Martes, grazas ao equipo de dinamización lingüística, estivo no noso cole o Mago Paco; durante máis dunha hora estivemos alucinando cos seus trucos de maxia, cartas que se moven de sitio, lazos que aparecen unidos cando estaban separados, variñas máxicas eternas.... pero sobre todo ledicia, complicidade, mentiras creadas e risas, moitas risas. Grazas Mago Paco foi unha gran sorte contar coa túa actuación para nós. Estamos desexando repetir!!!!

Despois de tanta maxia chegou outro momento que estabamos desexando .... A SÚPER MERENDOLA!!!! Nos días previos entre todos e todas fixemos a lista da compra: gusanitos, patatillas, galletas de pokemon, bolos de leite, zumes... e chuches moitas chuches, gusanos, corazóns, ollos, dentaduras, pementos, plátanos...... Comemos, bailamos, xogamos e rimos todas e todos xunt@s. Foi un día fantástico!!!!!

E hoxe mércores.... dende primeira hora o patio do noso cole encheuse de música e colchonetas. Por quendas fomos rotando por cada unha delas, a do mar, a de moitas cores, a do apache e a nosa favorita,  a de Harry Potter!!!!!! Saltamos, lanzámonos polo tobogán.....repuxemos forzas cunha súper merendola todas e todos xuntos e...... a seguir saltando e desfrutando!!!!!

Foi un día inesquecible!!!!! Grazas a nosa Anpa, sempre pendente de que todo o alumando disfrute o máximo do cole, no noso caso, da súa etapa de infantil. Sen o voso apoio esta festa non houbera sido posible. Sodes a mellor Anpa do mundo!!!! 

As trasniñas e trasniños rematamos outro curso, un ano no que por fin, despois de moito tempo puidemos xuntarnos, sentarnos cada día nun lugar novo, xogar cos nosos veciñ@s, e volver a ver os nosos sorrisos e darnos moitas moitas apertas.

Moitas grazas polo voso apoio, foi un ano xenial, tendes uns auténticos campións e campionas e nós estamos moi moi orgullosas de compartir con todos eles estes momentiños tan máxicos.

As profes desexamos que teñades un feliz verán familias!!!! Esperámosvos en setembro para seguir vivindo novas aventuras xunt@s!!!!!

 

Felices vacacións!!!!

Hoxe remata o noso primeiro ano no cole; foi un ano atípico, con máscaras, xel, sen saídas, con distancias de seguridade.... pero tamén foi un ano moi moi especial, cargado de aventuras, de aprendizaxes, de novas amizades, un ano no que vivimos momentos únicos e irrepetibles, onde as profes non podemos estar máis orgullosas dos trasniños e trasniñas, que dende o primeiro día foron uns auténticos campións e campionas. 

Hoxe despedíamonos ata setembro, e non podía ser de mellor xeito que facendo unha gran festa na aula na que tomamos unha morea de lambetadas, cantamos, bailamos e rimos todos e todas xunt@s.

Grazas trasniñ@s por facer posible este curso que hoxe remata, e grazas aos papis, mamis, ás familias polo voso apoio e confianza en nós.

Vémonos en setembro. Felices vacacións!!!!!

Ce orquestra pantasma

Hoxe festexamos a festa de fin de curso no cole. Pola mañá fomos super emocionad@s ao ximnasio, e alí estaba el. Baixo o nome de Cé Orquestra Pantasma había un home, era César, o home orquestra.

Tiña unha morea de instrumentos un bombo con platillos, un acordeón, unhas ferreñas e tocaba coas mans e cos pés!!!

Trouxo un conto "A voar" e a través da historia da pequena Xoana emprendemos unha viaxe na que o home orquestra nos guiaba: nadando, subindo e baixando montañas, movéndonos como animáis... pero sobre todo cantando e bailando moito!!!

Foi unha festa fantástica. Grazas ao equipo de dinamización lingüistica por facela posible!!!!

Actividades de fin de curso!

Os últimos días de curso estiveron cheos de música, baile, contos e maxia....

O xoves fomos ata o salón de actos do Johan carballeira para asistir á festa de graduación dos nosos compañeiros e compañeiras de 5 anos, que o vindeiro curso irán para o cole de primaria!!



Os trasnos aportamos á festa toda nosa marchiña interpretando O tolo chimpín e A sinfonía de Uxía. Fixémolo xenial e o máis importante... pasámolo en grande!!!!

Despois da festa, voltamos ao cole para compartir unha merendola no patio!!!




Rematamos a semana e o curso cunha sorpresa que a ANPA do noso cole preparou para nós con todo o seu agarimo.

No patio da escola había un escenario, sonaba música e estaba Esteban da compañía Tarabelos!!! Sentamos no chan e abrimos ben os ollos e as orellas para descubrir a historia de Sabela e un paxaro máxico!

Foi un fantástico broche de ouro a este curso escolar que xa rematou, agora chegan as merecidísimas vacacións. O 11 de setembro agardámosvos na escola para comezar con moita ilusión unha nova aventura, ata entón... Feliz verán para todas e todos!!!

Preparando a festa de fin de curso!!

O vindeiro xoves teremos festa rachada no cole!!

Faremos o festival de fin de curso e logo xuntarémonos todas e todos no patio para unha merendola especial!!

Cada unha das aulas do cole elexiu unha actuación para levar a cabo no festival e os trasnos escollemos dúas cancións do noso grupo de música infantil favorito... Uxía Lambona e a banda molona!!!

Os trasnos da clase da profe María cantarán e bailarán O tolo chimpín e os trasnos da profe Cris animarán a festa con A sinfonía de Uxía.

Queredes cantar e bailar con nós?? pois adiante!!!

A festa de fin de curso!!!

O pasado xoves foi o último día do noso primeiro ano no cole de A Pedra e fixemos festa rachada para celebrar a fin dun curso fantástico e o inicio das vacacións!!!!

Os trasnos levabamos semanas traballando arreo para a nosa actuación na festa de graduación dos nenos e nenas de 5 anos....

 Escollimos as personaxes e preparamos o atrezzo

Fomos varios días ata o IES Johan Carballeira para coñecer o lugar da festa, o escenario e ensaiar as nosas cancións.

E por fin chegou o día, colocamos sobre as nosas camisolas brancas os debuxos que prepararamos e puxemos rumbo ao instituto.


Ocupamos as nosas localidades e a festa  comezou....

Comezaron actuando os nenos e nenas da profe María que cantaron e signaron "A princesa do Caurel"




Logo foi a queda dos trasnos da profe Cris que nos mostraron que ben bailan o fandango cunha perna sola...



Desfrutamos dos bailes e cancións das nosas compañeiras e compañeiros de infantil e voltamos para o cole, alí agardábanos unha deliciosa merenda... mmmm

Foi unha festa fantástica!!!

O noso primeiro curso no cole rematou, en setembro agárdannos novas aventuras coas que seguir descubrindo, xogando, e medrando xunt@s. Ata entón que pasedes un verán fantástico.

Felices vacacións para todas e todos!!!