Amosando publicacións coa etiqueta primaria. Amosar todas as publicacións
Amosando publicacións coa etiqueta primaria. Amosar todas as publicacións

7 de xuño de 2023

Coñecemos o cole dos maiores, imos de visita a primaria

Achégase o final de curso, e con el, o final da nosa etapa en infantil e o comezo de novas aventuras no cole dos maiores; onte foi un día moi especial, as trasniñas e trasniños fomos a coñecer as que serán as nosas aulas o vindeiro curso.

Cando chegamos ao cole de primaria fomos a ver cal vai ser o noso patio, ten moitos xogos pintados o chan, e ademáis imos poder merendar nel!!!!!




A profe Macu e a profe Loli, xunto coas nenas e nenos de segundo, recibíronnos formando un corredor polo que o alumando de infantil pasábamos mentres recibíamos os seus incansables aplausos;


Acompañáronos ás aulas de segundo, que serán as nosas clases o próximo curso.



Unha vez investigado os rinconciños e materiais que hai nunha aula de primaria, por equipos, ensinámoslles o noso xogo dos trasnos. Observaron moi atentos todas as cartas que lles mostramos, a que familia pertencíamos cada un de nós e por suposto como se xogaba botando unhas partidas todas e todos xuntos. 


Despois o alumnado de segundo deunos un auténtico recital de poesía e agasallounos cuns fermosos sobres personalizados para cada un de nós cunha tarxeta e un imán de diferentes animais mariños.





Foi un día moi especial, moitas grazas ás profes Macu e Loli e as nenas e nenos de segundo por este fermoso e agarimoso acollemento, estamos desexando comezar no cole dos maiores!!!