UNHA VISITA MOI ESPECIAL

 O luns recibimos na escola unha visita moi especial, ao chegar descubrimos que Santi da asociación Terrícola e Kara estaban na aula! Coñecimos a Santi e e Kara na andaina solidaria de pascua e ao saber que Kara era mestre no seu país pareceunos unha idea xenial que se achegara un día ata o cole para contarnos cousas do seu país e de como é o cole alí.

Kara naceu en Gambia, o país máis pequeno de África!, ensinounos a bandeira e explicounos que simbolizaban as súas cores: o vermello polo sol, xa que en Gambia fai moito sol e somentes chove tres meses ao ano xuño, xullo e agosto... que diferente a Bueu!! o branco simboliza a amabilidade das persoas que viven alí, o azul o río que cruza o país e o verde a agricultura porque moitas das persoas que viven en Gambia traballan no campo cultivando arroz, millo, mango ou boniato...

Falamos das tradicións e ata puidemos ver un video de unha festa típica que eles denominan ZIMBA onde os tambores e as máscaras africanas son as protagonistas.

Falamos dos animais que hai no seu país, un dos nosos temas preferidos alí hai leóns, moitos crocodilos, serpes, monos e tamén vacas!

O cole onde traballaba Kara é moi distinto ao noso e alí hai moitos nenos e nenas en cada clase, pero aos nenos e nenas de Gambia tamén lles gusta xogar e aprender coma a nós!

Queremos agradecer a Accem, a Asociación Terrícola, a Santi e a Kara a súa visita; foi xenial poder viaxar ata Gambia e aprender tantas cousas!!

Animación á lectura de Kalandraka: Pablo Nogueiras visita o noso cole

Hoxe as trasniñas e trasniños recibimos, xunto co resto de alumando de infantil, unha visita moi especial, Paco Nogueiras. Chegou a nosa escola dende KALANDRAKA, a fábrica dos libros para soñar, con el trouxo o seu acordeón, o ukelele e unha maleta chea de contos.

Paco contounos e cantounos "tarde de sapo" a historia dunha tarde calquera de sapo e outros bechiños, fixemos os sons do tambor, das campás, dos bicos de papá acompañando a Paco Nogueiras co conto de "violín". Xunt@s acompañamos a "cinco ratiños" que sairon do seu tobo na procura de comida, contando cara adiante e contando cara atrás atopamos saborosos manxares ata chegar a un gran perigo!!!

Disfrutamos dun día de praia con "bim, bam, bum" e viaxamos ao fondo do mar para coñecer algúns dos seus habitantes grazas a "polo mar salgado"

Para rematar a sesión de animación Paco Nogueiras contou e cantou un dos seus contos favoritos "un, dous, tres, que ves?"

Queremos agradecer á fabrica de contos Kalandraka esta xornada de animación á lectura, coa que rimos, imaxinamos, cantamos e contamos a través das súas historias da man do grandísimo Paco Nogueiras.

Lara e Zoe son as protagonistas

 Esta semana, Lara e Zoe foron as protagonistas nas aulas dos trasnos. 

Logo de cumplir á perfección con todas as responsabilidades de protas, hoxe recibimos no cole as súas familias para compartir experiencias.

Zoe quixo que viñera ao cole a súa mami e xuntas contáronnos a historia do monstro de cores, con elas falamos, xogamos e ata degustamos as emocións.

Lara estivo acompañada polo seu papi e a súa mami cos que descubrimos cousas moi interesantes, construímos un monicreque, e fixemos maxia cociñando.

Moitas grazas familias foi fantástico tervos con nós no cole!

SÍA E XIÁN SON OS PROTAS

As trasniñas e trasniños comezamos esta semana unha nova actividade, "a actividade do protagonista".

Cada semana un trasniño ou trasniña é o protagonista da súa clase; cada día ten asignadas unha morea de tarefas: escribir o seu nome e apelidos e sumar cantas letras ten en total, descompoñer números cos number blocks, escribir palabras que comecen pola súa inicial.... O/A prota cóntalles a tod@s cal é a súa comida e cor favorito ou que número de pe calza, información que o resto de compis empregan para completar unha ficha do noso prota da semana.

O mellor de ser prota é pode disfrutar dun día na que a familia vén ao cole a pasar un anaquiño de tempo con nós. Esta semana Sía e Xián foron os nosos protas, os pais de Xián foron os primeiros en vir xunto co seu irmán Abel, un orgullo ver como medran os nosos trasniños maiores. 

A familia de Sía preparou para nós unha actividade xenial onde aprendimos moitas cousas sobre os bonsais e creamos a nosa propia árbore en miniatura.

Mirade que ben o pasamos!!!

 

Moitas grazas familias!!!

Ponte a Zero

hoxe na escola, os trasniños e as trasniñas participamos no "pekerecicla", unha actividade enmarcada dentro PONTE A ZERO un programa da Deputación de Pontevedra que ten como finalidade educar e sensibilizar sobre a redución e a boa xestión dos residuos urbanos.

A través de xogos e contos descubrimos a importancia da separación dos residuos nos colectores axeitados, descubrimos ideas para reutilizar e concienciámonos da importancia de reducir o lixo que xeramos así coma de coidar os recursos naturais.

Aprendemos moitas cousas e pasámolo xenial!!

 

O marabilloso mundo dos bechos

Hoxe estivo con nós Miguel, biólogo de Mundo Bichos, que organizou un obradoiro para ensinarnos a importancia de respectar e valorar a estos pequenos invertebrados e transmitirnos a súa paixón polos insectos dende a cercanía.

Ademáis de coñecer aos bechos e de aprender a diferenciar insectos, arácnidos, crustáceos e miriápodos; observamos como son, cantas patiñas teñen ou que comen, sentimos na nosa pel como se moven ou cal é o seu tamaño real.

Miguel trouxo dende bolboretas ata escorpións ou tarántulas, foi una xornada moi especial.

Grazas por vir Miguel, quedamos abraiadas e abraiados!!!

Coñecendo as Illas Atlánticas

 Hoxe os trasniños e as trasniñas tivemos a sorte de coñecer a Ana e Eva que viñeron ata o cole para falarnos do seu traballo, contarnos unha morea de cousas interesantísimas e para presentarnos ao seu amigo Martiño, o corvo mariño. 

Ana e Eva traballan no Parque Nacional das Illas Atlánticas e con elas a través de distintos xogos e actividades, aprendemos o que é unha illa, que illas conforman o parque, e que nos podemos atopar nelas.

Organizámonos por equipos para participar nos xogos que nos tiñan preparados:

Cunha cana tivemos que pescar distintos elementos dunha gran cesta e logo colocalos no panel, tendo en conta o lugar donde vivían: na illa, no mar, no ceo....

Tamén xogamos a adiviñar que eran os elementos misteriosos que estaban na cesta e en que lugar da illa podíamos atopalos: no bosque, na praia, no cantil...

Para rematar a xornada descubrimos a historia de Martiño, o corvo Mariño que naceu nun galiñeiro, e levamos de agasallo para casa un marcapáxinas coa imaxe de Martiño.

Foi unha actividade fantástica coa que aprendemos moitas cousas e o pasamos xenial!!

Grazas por vir!!!

Unha hora de ler moi especial!!

Cada día despois do patio os contos chegan as aulas dos trasnos na hora de ler, hoxe ese momento foi moi especial porque os contos chegaron da man das axudantas de Papirus que, viñeron dende o Bibliocastelo para agasallarnos coa representación de dous fermosísimos contos.

As axudantas de Papirus convertéronse nun dragón, unha princesa, a cabra cabresa, o coelliño branco….

Asistimos encantadas e encantados ao espectáculo e quedamos alucinad@s co ben que o fixeron estas artistazas!!

Grazas por vir!!! 

O aniversario de Papirus

O pasado 24 de outubro, día das bibliotecas, foi o aniversario de Papirus, a mascota da nosa biblioteca; por mor do mal tempo non puidemos festexalo e hoxe, por fin, foi un día de festa!!!

O alumnado de 6ºA e 6ºB baixou ao cole de infantil para exercer de madriñas e padriños lectores das nosas trasniñas e trasniños. Chegaron moi emocionados de voltar ao seu cole no que tan bos momentos pasaron. Cada parella de sexto escolleu a un trasniñ@ e da man buscaron un rinconciño do cole no que vivir un momento moi especial compartindo lecturas.

As trasniños e trasniños déronlle a cada nen@ de sexto un recordo cunha sorpresiña doce para agradecer esta xornada tan marabillosa.

 

 Moitas grazas nenos, nenas e titores. Agardamos poder repetir a experiencia.

Recollida de tapóns solidarios con JUAN XXIII

Hoxe tivemos na escola unha visita moi moi moi especial, os nosos amigos e amigas da Asociación Juan XXIII viñeron ata o noso cole para convidarnos a participar na recollida de tapóns solidarios.

Xuntámonos no ximnasio e alí descubrimos un enorme contenedor que traían para deixar no noso cole!! Con Alejandra, Jacobo e Eva aprendemos moitas cousas sobre a reciclaxe e descubrimos a importante labor que a Asociación Juan XXII no obradoiro de manipulados no seu centro de Cangas; para reciclar os envases e tapóns e darlles una nova vida.

Fixemos unha proba para aprender que cousas podemos meter dentro do contenedor de Juan XXIII e cales non serven e temos de desbotalas no colector amarelo. 

Xa somos uns expertos e expertas!!!!

 

Estamos emocionadas e emocionados por participar nesta fermosa iniciativa cos nosos amigos e amigas de Juan XXII e animávosvos a participar dende casa gardando os tapóns e depositándoos no colector que temos na entrada da escola!!

Magosto 2023

 Hoxe as trasniñas e os trasniños tivemos festa rachada na escola, por fin chegou o noso MAGOSTO!!! levábamos días preparándonos para a festa e creando con todo o noso agarimo unhas fermosas cestas para poder meter as castañas asadas o día da festa!!

Por mor do mal tempo non puidemos gozar dos xogos tradicionais que a Asociación Corredoiras ía traer ao patio do cole pero, levamos a festa ás aulas, cantamos, bailamos, comemos riquisimas castañas asadas bebemos zume e tivemos a fortuna de poder compartir a festa do magosto cos amigos e amigas do Centro de día Contigo que se achegaron ata o noso cole para festexar canda nós a festa das castañas!

Mirade que ben o pasamos!!

A banda de Música Artística de Bueu

 Hoxe tivemos no cole unha visita moi especial, recibimos á Banda de Música Artística de Bueu!!

Xuntámonos no patio da escola para disfrutar da música e aprender moitas cousas, Víctor o director da banda, foinos presentando as familias de instrumentos e así coñecemos instrumentos de vento madeira, de vento metal e de percusión, ao tempo que descubríamos como se chamaban e como sonaban.

Gozamos coas interpretacións da banda ao completo, apredemos moitas cousas e ata tivemos oportunidade de dirixir a banda e de probar a tocar os seus instrumentos!!! Mirade...

 

 Foi unha actividade moi moi enriquecedora! Moitas grazas por vir ata a escola!!!

Día do libro

Este ano os trasniños e as trasniñas festexamos o día do libro dun xeito moi moi especial; convidamos aos nosos veciños e veciñas da Galiña Azul a vir á Biblio do noso cole para compartir lecturas.

Como queríamos que o día do libro fose especial, preparamos con todo o noso agarimo un agasallo para as nosas e os nosos convidados, pintamos e decoramos uns Papirus para que coñeceran á mascota da nosa biblio que sempre nos está animando a achegarnos aos contos.

Recibimos as convidadas e convidados e xuntos fomos á biblio onde lles contamos e signamos o conto "Animais" foi moi divertido aprender xuntos a contar contos falando coas mans.

Logo exploramos xunt@s a biblioteca e compartimos lecturas

Ensinámoslles as nosas aulas e compartimos xogos

E como despedida entregámoslles o noso agasallo

Foi un día lo libro moi especial. Veciñas e veciños, grazas por vir!

Contos en lingua de signos co alumnado do Johan Carballeira!

Hoxe tivemos na escola unha visita moi moi moi especial, o alumnado do Johan Carballeira acompañado pola súa profe Noelia, achegouse á nosa escola para contarnos contos falando coas mans!!

Xuntámonos todas e todos no ximnasio e con eles cantamos, contamos e signamos. "Lúa" "Animais" e "Violín" gustáronnos moito e aprendemos signos novos pero sen dúbida o noso preferido foi "¡Que llega el Lobo!" unha historia que nos enganchou dende o primeiro momento e que rematou cun gran sorriso de todas e todos co seu final inesperado.

E ademáis trouxeron para cada aula un agasallo que nos encantou

Este libro onde están os contos de hoxe en lingua de signos para que poidamos contalos e signalos na clase!!

Pasámolo xenial compartindo cos chicos e chicas do cole de maiores, maiores, maiores! e para as profes foi moi emocionante volver a ter na escola a esta rapazada que fai uns cantos anos estaba nestas aulas con nós compartindo aventuras nos seus primeiros pasos no ensino, nun cole que hoxe lles pareceu moi pequeno; será que elas eles medraron moito...

Moitas grazas chicos e chicas, voltade cando queirades ao que sempre será o voso cole, estamos moi orgullosas de vós!

Un contacontos moi especial

"Un día, o pequeno coello mirou a súa mamá e dixo:

- Mamá, estás moi gorda. Creo que vas ter un bebé!

- Pois si, dentro de pouco seremos máis "

Así comeza a historia do conto "UN MÁIS" dos nosos benqueridos Olalla Gónzalez e Marc Taeger. Unha historia moi familiar que Mariña, Carmen, Noa e Ofelia, unhas ex-trasniñas que xa son moi moi maiores, quixeron compartir con todas e todos nós. Onte, despois de moitos días preparando a visita viñeron as nosas aulas. Foi unha auténtica pasada, fixéronno fenomenal, estamos súper orgullosas delas!!!! 

Moitas grazas a Susana, a súa súper profe, por facer posible este contacontos tan especial, prometemos devolver a visita!!!!!

Obradoiro de igualdade

 Hoxe os trasniños e as trasniñas participamos nun obradoiro de igualdade ao que nos convidou o Concello de Bueu, coñecimos a Uxía unha actriz, que chegou ao noso cole para falarnos de cousas que a ela lle parecen inxustas.

Con Uxía falamos de igualdade, rimos, saltamos, fixemos teatro e axudamos á pirata Daniela a superar as probas para poder formar parte da tripulación!

Martiño, o corvo mariño

Hoxe na escola recibimos unha visita moi moi especial, Suso e Ana viñeron dende o Parque Nacional das Illas Atánticas para compartir os seus coñementos con nós. Apredemos moitas cousas e foi unha xornada moi interesante e divertida!

Xuntámonos todas e todos nunha aula e na pizarra máxica puidemos ver unha presentación que Suso e Ana trouxeron para nós. Descubrimos que o Parque Nacional das Illas Atlánticas está formado polas illas Cies, Ons, Sálvora e Cortegada, e centrámonos na nosa illa, a Illa de Ons!. Aprendimos que na illa hai catro espazos ben diferenciados: a praia, o bosque, os cantís e a zona habitada. Descubrimos moitas especies animais e vexetais que viven na illa e centrámonos nos corvos mariños.

Dividímonos en dous equipos para participar en dúas dinámicas moi chulas con Suso e Ana.

Nunha tivemos que pescar cunha cana chulísima diferentes especies e unha vez pescadas tiñamos que situalas no seu hábitat, así colocamos ao polbo no mar, aos ratiños no bosque e a gaivota no ceo.

Na outra actividade tivemos que observar os elementos que estaban dentro das catro cestas que nos presentaron para tentar adiviñar a zona da illa á que pertence cada cesta: a praia, o bosque, os cantís, a zona habitada... fixémolo xenial e identificamos todos os elementos da cesta deixando a Suso e a Ana alucinados ao recoñecer o saquiño que protexe os ovos das raias entre os obxectos.

Para rematar a xornada, Ana contounos o conto de Martiño e descubrimos como unha mariñeira atopou un ovo nas súas redes levouno para a súa casa e púxollo no galiñeiro ás galiñas, dese ovo naceu o noso amigo Martiño que non era un pito coma os demáis, acompañamos da man de Ana a Martiño na súa aventura ata descubrir que non era unha galiña senon un corvo mariño.

Antes de marchar Suso e Ana entregáronnos un marcapáxinas de agasallo no que puidemos pintar a Martiño.

Grazas Suso e Ana pasámolo xenial e aprendemos moitas moitas moitas cousas!!

Lingua de signos coas amigas e amigos da Asociación Juan XXIII

Hoxe recibimos no cole aos amigos e amigas da Asociación Juan XXIII cos que compartimos unha experiencia marabillosa, na que a lingua de signos foi a protagonista!

Unha usuaria de Juan XXIII usa a lingua de signos para comunicarse, e hoxe quixo vir ao cole para coñecernos! 

Con ela viñeron o seu compañeiro Jacobo, Alexandra que é monitora na Asociación e Vida que a acompaña e lle axuda a comunicarse. 

Recibímolos na aula e desfrutamos de todo o que nos tiñan preparado. 

Aprendemos moitas cousas sobre a lingua de signos da man dos Bolechas, signos novos, divertidísimas formas de aplaudir, como se comunican as personas xordocegas, compartimos experiencias, sorrisos, xogos e pasámolo xenial!!

Hoxe saímos da escola felices pola experiencia vivida e ademais levamos para casa o libro dos Bolechas sobre a lingua de signos que os nosos amigos e amigas de Juan XXIII nos regalaron, grazas á colaboración da Asociación de Xordos. 

Moitísimas grazas por vir, por compartir e por ensinarnos tantas cousas; encantounos a experiencia!!!

O Serpicán e o Gatipedro historias de trasnos con Anxo

 Hoxe estivo no cole Anxo González, compartindo canda nós a hora de ler.

Grazas a Anxo coñecemos ao Gatipedro e a Serpicán, dous máxicos trasnos que el descubriu cando era pequeno e cos que compartiu aventuras acompañado do seu avó.

Foi fantástico poder gozar das historias da nosa tradición oral da man de Anxo do que sabemos que foi mestre; como xa traballou moito, agora está xubilado e como é tan xeneroso comparte o seu tempo e a súa sabedoría con nenos e nenas coma nós.

Moitísimas grazas Anxo, estaremos atentas e atentos para dicirlle ho, ho, ho ou ha, ha, ha se miramos ao Serpicán!

Peter Punk no noso cole!!!

Como de seguro xa vos contaron os trasniños e as trasniñas, estamos a colaborar cos nosos veciños e veciñas do IES Johan Carballeira nun proxecto chulísimo: Art for Change, un festival artístico solidario que se vai a celebrar o vindeiro 30 de abril en Bueu. 

Parte dos fondo recaudados no Art for Change irán destinados  Payasos sin fronteras, unha entidade sen ánimo de lucro que intenta mellorar a situación emocional da infancia mediante espectáculos cómicos; Peter Punk é un deses paiasos sen froteiras e achegouse a Bueu para contarlles aos chicos do IES como é o seu traballo nesa organización.

Así que....tivemos a gran sorte de contar cunha visita moi moi especial no cole, Peter Punk estivo no noso patio co seu espectáculo "Circo", convidado polos nosos veciños do insti. 

Todas e todas xuntos sentamos no patio e pasámolo en grande!!!