A cerimonia de clausura

 Hoxe na escola puxemos fin a este segundo trimestre onde vivimos unha aventura apaixoante. Da man de Papirus tivemos que traballar arreo para poder crear as Olimpíadas dos trasnos.

Foi un trimestre fantástico onde aprendemos moitas moitas cousas, creamos, decidimos, nos organizamos, descubrimos, xogamos e medramos!!

Con moito esforzo e grazas á axuda das nosas familias puidemos facer realidade o noso obxectivo e gozar das nosas propias olimpíadas!

As profes estamos moi moi orgullosas do traballo destes nenos e nenas que non deixan de sorprendernos cada día!

Deixámosvos un resumo en imaxes da que foi a última xornada das nosas olimpíadas onde tivo lugar unha fermosa cerimonia de clausura e entrega de medallas onde non faltou a festa! 

Atletismo

Hoxe foi a nosa derradeira xornada de deportes olímpicos, hoxe foi a quenda do atletismo. 

Escollimos catro modalidades de probas, un membro de cada equipo xuntouse cos compis que tiñan o mesmo número ca eles na camiseta e fixeron "salto de lonxitude", tentando saltar o máis lonxe posible no areeiro; "lanzamento de peso", onde despois de colocar ben a pelota no ombreiro lanzábamos forte, outra das modalidades que practicamos foi a carreira de "velocidade"e unha das máis divertidas a "a carreira de relevos", onde cada equipo foille pasando o testigo ao resto de compoñentes ata completar todo o equipo o percorrido!!!

Deixámosvos o vídeo para que vexades que ben o pasamos e o súper atletas que estamos feitos!!!

Ciclismo

E por fin chegou o día, hoxe era a quenda dun dos deportes que tantas e tantas ganas tíñamos de practicar: 

                                                                "O CICLISMO"

As trasniñas e trasniños trouxeron as bicicletas ao cole, había de todo tipo, con ruedíns, de equilibrio, con pedais, rosas, laranxas, vermellas, con lazos, con timbres... eran todas chulísimas!!!!

No patio un circuíto agardaba por nós; cada equipo enviaba a un participante a cada rolda, mentres o resto do equipo animaba; as ciclistas e os ciclistas tiñan que estar moi atentas e atentos para pasar polas zonas marcadas!!!!

Mírade que ben o pasamos, somos unhas campionas e uns campións!!!

 

Moitas grazas familias pola vosa colaboración, foi unha xornada xenial!!! 

Voleibol e baloncesto

As nosas olimpíadas están chegando á súa fase final; os equipos de volei (equipo laranxa e equipo verde) e os equipos de baloncesto (equipo azul e amarelo) ensinaron a todas as trasniñas e trasniños como xogar e cales son as regras do xogo: golpear a pelota, botar, encestar, pasar.... A coordinación nestes dous deportes e súper importante, así que tentamos estar moi moi concentrados para facerlles a demostración  aos nosos compis; despois convidaron a todas e todos a practicar e probar sorte coa canasta e pasando a pelota de volei por encima da rede. 

Mirade que ben o pasamos!!!

Deportes olímpicos

E chegou a quenda das exhibicións dos deportes que cada un de nós escolleu. Ximnasia rítmica, equitación, tiro con arco, golf, bádminton e tenis foron os seis deportes nos que un membro de cada equipo ensinaba e demostraba ao resto de trasniñas e trasniños o ben que o facían. Despois chegou a quenda de probar e practicar todas e todos. Foron tres xornadas fantásticas e moi divertidas, aquí vos deixamos o vídeo para que o disfrutedes con eles e vos conten cales están sendo os seus deportes favoritos.

Balonmán e futbol sala!

As olimpíadas dos trasnos están en marcha e o noso calendario olímpico indicaba que hoxe tiñamos que participar nas disciplinas de balonmán e fútbol sala. 

Desta volta non xogamos na sede olímpica do cole, se non que fomos ata un lugar onde cada fin de semana podemos animar e ver xogar ao Bueu Atlético Balonmán e ao ADFS Bueu, dous equipos do noso concello onde temos irmás, irmáns, curmáns e amigas que xogan.

Foi moi emocionante coñecer o pavillón e poder xogar ao balonmán e ao fútbol sala como verdadeiros e verdadeiras profesionais!

Queremos agradecer a Fran do ADSF Bueu e a Ricar, Concelleiro de Deportes a súa axuda para poder xestionar esta visita e facela posible! GRAZASSSSS!!!

A cerimonia inaugural das olimpíadas dos trasnos!!!

Que emoción! hoxe comezaron as nosas olimpíadas!!

Logo dun trimeste de moito moito traballo, hoxe foi a primeira xornada das Olimpíadas dos Trasnos e como non podía ser doutra maneira comezaron coa cerimonia inaugural, por mor do mal tempo tivemos que facela dentro do cole pero foi todo un éxito, mirade...

Todo listo: comezan as olimpíadas das trasniñas e trasniños

Despois de coñecer os deportes olimpícos e como se xoga a cada un deles, por fin puidemos escoller en que deportes queríamos participar cada un de nós.

Pegamos as nosas fotos no panel dos deportes e fomos coñecendo con que outros compis do resto de equipos imos participar nas distintas disciplinas olímpicas

Estamos desexando que chegue mañá para comezar coa cerimonia de apertura dos nosos xogos olimpícos!!!!!!!

Creamos as nosas propias camisetas

As trasniñas e trasniños levamos unhas semanas con moito choio; os nosos equipos xa estaban formados: amarelo, verde, azul e laranxa; tamén fixéramos as bandeiras de cada equipo, pero faltaba algo, algo que identificara a todas as nenas e nenos de cada equipo, algo que puideramos levar todas  e todos igual, tanto na cerimonia inaugural coma nas distintas disciplinas deportivas; así que decidimos facer as nosas propias camisetas.

Deixámosvos o vídeo de todo o proceso, agardamos que o desfrutedes tanto como nós facendo maxia e creando as nosas propias camisetas. 

AS MEDALLAS OLÍMPICAS

As olimpíadas dos trasnos están moi preto de celebrarse e converternos en atletas olímpicos: xa temos os aros, o facho, os equipos, as bandeiras, a mascota.... hoxe cando chegamos ao cole atopamos a caixiña de Papirus cunha nova misión. 

Círculos de cartón, témpera sólida dourada, prateada e marrón, témpera das cores dos aros olímpicos, tapóns, os números 1,2 e 3, lazo das cores dos nosos equipos olímpicos.... 

 Que é o que Papirus quere que fagamos?

Síiiii, as nosas medallas olímpicas

Cada trasniño e trasniña escolleu de que cor quería a súa medalla: ouro, prata ou bronce, despois pintamos o círculo de cartón e estampamos os aros olímpicos mollando un tapón en témpera e contando ata 5 para que a pintura quedara ben impresa; logo pegamos o número 1,2 ou 3 segundo a cor escollida e puxémoslle un lazo da cor do noso equipo.

Xa temos as medallas listas e preparadas para proceder a súa entrega na cerimonia de clausura.

Papirus.... estamos desexando que chegue unha nova misión!!

Agardámoste!!!

As mascotas olímpicas

 Hoxe os trasniños e as trasniñas recibimos unha nova mensaxe de Papirus

Da man de Papirus descubrimos outro dos sinais de identidade das olimpíadas, A MASCOTA OLÍMPICA!

Coñecemos a Cobi, Vinicius, Mitatowa, Wenlock, Phriges, e decidimos aceptar a proposta do noso benquerido polbiño de ser a mascotas das nosas olimpíadas.

Na súa caixa, Papirus deixounos pintura morada e uns papeis para que fixeramos a nosa mascota, tiñamos que facer un gran Papirus!!

E puxémonos a traballar, pintamos de morado as pezas da cabeza e os tentáculos.

Reutilizamos follas de xornais para facer bolas de papel e encher o cabezón de Papirus con elas, para que estivera ben gordiño.

con cartolina e papel fixemos os ollos, unimos a cabeza aos tentáculos

e penduramos a nosa mascota no noso recanto olímpico!!

EQUIPOS OLÍMPICOS E AS SÚAS BANDEIRAS!!

 Os trasniños e as trasniñas seguimos avanzando no noso proxecto das olimpíadas, hoxe Papirus volveunos deixar traballo na súa caixiña...

Uns paus, anacos de tecido de cores, unhas follas coas nosas fotos formando equipos e unha carta onde nos contaba cal era a nosa misión! Logo de observar e ler descubrimos o que é o DESFILE DAS NACIÓNS, un acto das olimpíadas onde os deportistas organizados por equipos desfilan coas súas bandeiras.

Papirus colleu as fotos de todas e todos e organizounas en 4 equipos olímpicos: verde, laranxa, amarelo e azul e pediunos que traballaramos en equipo para deseñar e crear a nosa bandeira!

Tivemos que tomar decisións conxuntas e poñernos de acordo, non foi doado pero conseguimos chegar a un consenso e creamos as nosas bandeiras.

Estes son os equipos olímpicos das nosas olimpíadas, cada un xa ten a súa bandeira que os representa e coa que desfilarán na cerimonia inaugural das nosas olimpíadas!!

O facho olímpico dos trasnos!!

Esta mañá na escola descubrimos que alguén estivera facendo trasnadas nas nosas aulas, había cousas forá do seu sitio... "profe: seguro que foi Papirus que veu pola noite para ver que sabíamos que eran los aros olímpicos e nos manda outra misión"

De súpeto apareceu Papirus na nosa pizarra máxica, así que nos xuntamos todas e todos para escoitar a súa mensaxe:

Seguindo as instruccións de Papirus buscamos a súa caixa e Martín atopouna dentro da casiña.

Coa axuda dos protas abrimos a caixa e analizamos todo o que había dentro....

Traballando en equipo fomos quen de construir o noso facho olímpico e tamén as dúas piras que precisamos, a da cidade grega de Olimpia onde temos que prender o noso facho e a pira que imos colocar no lugar onde celebraremos as nosas olimpíadas e que temos que encender co noso facho!!

Cando tivemos todo creado, estivemos escenificando como é que temos que proceder co facho cando fagamos as olimpíadas, repasamos a mensaxe de Papirus e probamos a ver se éramos quen de prender o facho na pira de Olimpia e trasladalo sen que se apagara, pasándolono entre todas e todos ata chegar a nosa pira para prenderla.

A proba foi todo un éxito!!

Misión cumplida, xa temos o facho e as piras para as nosas olimpíadas!!

As olimpíadas dos trasnos!!!

Os trasniños e as trasniñas estamos moi emocionadas e emocionados! na escola están a pasar cousas incríbles que nos motivan para comezar a nosa aventura deste segundo trimestre.

Cando chegamos o martes á escola descubrimos que na nosa alfombra había una caixa de cor rosa, e sobre a caixa estaba o noso benquerido Papirus. Que emoción!!

Dentro da caixa descubrimos unha carta, ao noso nome, coa nosa dirección e no remitente descubrimos que a mandaba PAPIRUS!!

Abrimos a carta e lemos a mensaxe:

Observamos os círculos que nos enviaba Papirus, contámolos: eran 5 e establecemos hipóteses sobre que poderían ser: rodas, os aneis de Sonic, pendientes, coroas, círculos para facer un sol.....

Como ninguha das opcións nos convencía decidimos pedir axuda ás nosas familias.

Logo de moito investigar na casa, os trasniños e as trasniñas descubrimos que eran os círculos misteriosos, SON OS AROS OLÍMPICOS, e Papirus está de viaxe en PARIS.

MISTERIO RESOLTO!!!

Papirus mandounos unha mensaxe en vídeo para agradecernos a nosa axuda mirade....

Coa mensaxe nos emocionamos aínda mais!! temos unha MISIÓN, crear as OLIMPÍADAS DOS TRASNOS.

Tal e como nos propuxo Papirus, pintamos os círculos de cartón para converterlos nos aros olímpicos das nosas olimpíadas.

Logo colocamos os aros na posición correcta no noso taboleiro e engadimos os trasnos. 

Esta aventura está a ser apaixonante. 

Papirus estamos preparadas e preparados para a seguinte tarefa!!!