No mar hai moitos peixes...

Hoxe era un día moi especial, os nosos compis de 5 anos festexaban a súa graduación, un bonito acto para despedir estos tres anos en infantil.

As trasniñas e trasniños preparamos con moito agarimo e a axuda da nosa querida mestra Pilar un baile moi divertido.

Mirade que ben o fixemos!!!

O galo canta

Hoxe as nosas e nosos compis de 5 anos festexaron a súa graduación, xa son maiores e o curso que vén comezaran as súas aventuras no cole de primaria. 

As trasniñas e trasniños participamos na súa festa cantando e signando unha canción que nos ensinou a profe Elsa, "O galo canta"

No cole escollemos personaxes, preparamos con moito agarimo accesorios para poder converternos en galos, galiñas e pitiños e ensaiamos a nosa coreografía. E con todo listo hoxe subimos ao escenario.

Mirade.....

Aniversarios de Decembro

Hoxe no cole foi un día de festa rachada; ademáis dos obradoiros de Nadal festexamos os aniversarios da trasniña e trasniños que cumpliron ou faltan por cumplir os 3 anos neste mes de Decembro.

Saúl, Leo Ferradás, Elin e Leo Calvar sopraron as candeas mentres todos cantabamos o "Parabéns para ti". Convidáronnos a un delicioso biscoito e a unha festa con música e luces chulísima.

PARABÉNS TRASNIÑOS!!!! 

Festival de Nadal

Hoxe foi un día moi emocionante, a profe Elsa levaba moitos días ensaiando coas trasniñas e trasniños dúas panxoliñas súper chulas, que hoxe, porfin, era o turno de cantar e bailar para as nosas e os nosos compis de 4 e 5 anos.

Puxemos na cabeza unhas diademas de árbore que elaboramos durante estes días na clase con moito cariño, preparámonos e puxemos rumbo ao IES Johan Carballeira.

Despois de recibir unha morea de aplausos subimos ao escenario para cantar FOLERPIÑA

 

E tamén cantamos e bailamos CHEGOU O NADAL!

   

Fixémolo xenial!!!!

Ademáis desfrutamos un montón vendo ao alumnado de 4 anos cantar e bailar "A árbore de Nadal" e "El reno Rodolfo" 

E ao alumnado de 5 anos coas panxoliñas "Todo é mellor cando é Nadal" e "Volver a casa por Nadal".

Antes de marchar, as profes subiron ao escenario e cantaron e bailaron un marchoso FELIZ NAVIDAD!!

Grazas profe Elsa, pasámolo xenial!!!

Ata sempre trasniñas e trasniños

Despois de moitas semanas agardando, onte chegou o día; era a festa da nosa graduación. Lara e Hugo de Montis foron os encargados de presentar todas as actuacións do festival. Os nosos compis de 3 e 4 anos prepararon un baile para a nosa festa, e nós representamos as obras de teatro que tanto tempo levábamos ensaiando.....

 

Ademáis todas e todos xuntos subimos ao escenario para cantar, bailar e signar unha canción de despedida que creamos entre tod@s!!!

Despois chegou o momento da graduación, primeiro os chicos e chicas de 5 anos A subían a recoller o seu birrete e a súa orla da man da profe María, o profe David e a profe Lucía; despois era a quenda  do alumando de 5 anos B, a profe Cris, a profe Alicia e a profe Lucía agardábamolos no escenario para darlles unha gran aperta.

Foron momentos moi moi emotivos e moi especiais, polas nosas cabeciñas pasaban todas esas experiencias vividas xunto aos vosos fillos e fillas, mascarillas, equipos, confinamentos, bágoas, risas, aventuras, complicidade, cariño, ilusión... pero sobre todo CONFIANZA, a que depositástedes en nós cada mañá ao longo destes tres anos, deixando ao voso maior tesouro ao noso lado. Sentímonos moi afortundas e orgullosas de ter sido as profes de cada un destes trasniños e trasniñas. Comeza unha nova etapa para todos, pero recordade que aquí sempre teredes ás vosas profes de infantil para todo. 

Desfrutade das novas aventuras no cole dos maiores GRAZAS GRAZAS E MIL GRAZAS!!!!

O entroido dos trasnos

Por fin chegou outra das nosas festas favoritas!!!!! Durante toda  esta semana cumprimos as premisas do mandadiño, así que ademáis de vir con diferentes complementos carnavalescos non puxemos mandilón en toda a semana!!!! En pixama, con gorros, con lazos ou colares tivemos que traballar moitísmo para a súper festa de hoxe!!!

Como somos os maiores do noso cole fomos os encargados de facer unha pancarta para o desfile: colocamos as letras, por un lado "INFANTIL" e polo outro "MOITO MÁIS QUE XOGO", puxemos un Papirus xigante, moitas pezas de dominó, antifaces, serpentinas..... tivemos unhas ideas xeniales, así que a nosa pancarata quedou impresionante!!!!

Ademáis, preparamos uns carteliños de cada curso, para que todo o alumando de primaria soubera onde colocarse ao chegar ao noso patio. 

Fixemos antifaces, disfrazámonos na casiña de súper man, princesas, heroínas... con faldas, tutús, gorros... e fixemos o noso disfraz de ficha de dominó!!!

Cada trasniña e cada trasniño escolleu que ficha prefería ser, para así despois poder xogar un dominó humano xigante. Recortamos tiras, colocamos puntiños, unimos as dúas partes.... foi unha experiencia xenial porque cada un elaborou o disfraz co que hoxe  desfilamos, bailamos e xogamos no cole.

Sobre as 10.45 a  música festeira soaba no noso altavoz, as pompas voaban por todo o patio e @s nos@s compis de primaria estaban chegando!!! así que colocamos o noso disfraz, saímos e nos puxemos na parte do parque para poder desfrutar da festa!!!!! desfilamos coa nosa pancarta, bailamos cos desfiles dos maiores, escoitamos as murgas dos Mulos.... despois despedimos aos maiores e as familias e fomos a encher a barriguiña cunha morea de lambetadas!!!!!Moitas grazas a todas as familias pola vosa colaboración!!!! Deixámosvos un vídeo-resumo para que poidades desfrutar en familia do ben que o pasamos no cole neste entroido.

 Recordade que voltamos ao cole o vindeiro VENRES 24 DE FEBREIRO e que podemos vir disfrazamos como queiramos que a festa continúa!!!!!!

O ENTROIDO

Hoxe fixemos unha súper festa para rematar unha das semanas máis especiais e divertidas para os trasniñ@s: O entroido.

Ao longo destes días traballamos en equipo para decorar as aulas e que o entroido enchera todos os recunchiños do noso cole: colgamos banderíns, pegamos bonecos, disfrazámonos todos os días e trouleamos no patio coa nosa música favorita de festa!!!!

Tamén fixemos brazaletes de superheroes e superheroínas: collimos tubos de papel hixiénico que pintamos con pincel, puxemoslles formas con goma eva de purpurina (círculos, corazóns, estrelas...) e un lazo para poder enganchalo 

 Fixemos antefaces con brilli brilli e plumas suaves de moitas cores, quedaron chulísmos....

O equipo de dinamización lingüística do cole propuxo un mandadiño co que todas e todas viñemos estes días ao cole para desfrutar un montón.

O martes o mandadiño dicía...... PODES VIR DEREITO DA CAMA, TRAE O COLE O TEU PIXAMA e, por suposto.......

O mércores fundiuse o entroido co día de Rosalía e o mandadiño dicía: HOXE É SEU DÍA, VÉN DE ESCURO, DE VERSO, CANTIGA OU DA MESMÍSIMA ROSALÍA, e... queredes ver o ben que quedamos coas nosas vestimentas e a máscara de Rosalía? tiñamos ata un mouchiño protagonista dun dos poemas de Cantares Gallegos. 

O xoves DÍA ARGALLEIRO AS DE VIR DE MASCALLEIRO, camisas de irmáns maiores, saias, blusas, gorros chulis e graciosos... calqueira cousiña das que tiñamos na casa axudaron a que os nosos disfraces fosen moi moi divertidos

E... por fin chegou o día máis esperado polos trasniñ@s!!!! o Venres TRAE O DISFRACE QUE QUEIRAS, ADIVIÑAREMOS A QUEN SEMELLAS

Fixemos unha gran festa no cole na que non podía faltar un súper desfile no patio cos nosos veciños e veciñas para ensinarlles a todos e todas o disfraz escollido por cada un... Elsa, Spiderman, Hulk, batwoman, médicos.... ninguén quixo perder a festa rachada que fixemos hoxe no cole

Fixemos unha super merendola para repoñer forzas na que non faltaron orellas, filloas e unha morea de lambetadas que estaban deliciosas, bailamos, cantamos e tivemos a gran sorte de desfrutar da comparsa OS MULOS, moitísimas grazas por vir ao noso cole e acompañarnos neste díade festa!

Foi unha semana súper divertida, pasámolo moi moi ben!!!! E todo grazas a vosa colaboración, moitísimas grazas familias por axudarnos a que este entroido fose xenial!!!

Pasade un entroido marabilloso, vémonos o xoves 3 de marzo!!!!