Esta semana o noso amigo Ramón chegou ao cole cargado cunha caixa enormeeeee. Dixo que era para nós, si si, para que os trasniños e as trasniñas o tiveramos uns días no noso patio; así que todos e todas xuntos tentamos adiviñar que podería estar dentro daquela caixa taaaaan grande: "unha profe", "un tobogán", "unha mesa"..... de súpeto atopamos un cartel con letras... tentamos adiviñar o que pon? bbbbbaaaaaannnnncccccoooo..... "BANCO DE LA AMISTAD"
Era un banco super chuli, con moitas cores; un banco moi especial que chegaba ao noso cole para axudarnos.
Ao longo destes días cando estábamos tristes, ou precisabamos calquer tipo de axuda, mesmo se queriamos xogar con algún amigo ou amiga, nos sentábamos no banco; nese momento o resto de trasniñ@s e profes sabían que precisabamos algo: falar con alguén, un amig@ para xogar....podíamos solicitar axuda ou entregala a quen a demandaba promovendo así valores universais positivos vinculaos ao desenvolvemento da intelixencia emocional.
A profe Ángeles, a orientadora do noso cole, contounos a historia de como un bidueiro que estaba moi moi triste converteuse neste fermoso banco de madeira, para axudar a que todos os nenos e nenas estiveran sempre moi contentos.
Foi unha experiencia moi enriquecedora que cumpriu con creces o obxectivo marcado “crear un espazo de interacción social e emocional entre os/as nenos e nenas que necesiten falar das súas emocións ou facer novos amigos".
Queremos agradecer esta fermosa iniciativa a "HABITAR LAS FORMAS", facendo clic no nome poderedes visitar a súa páxina web onde atoparedes máis información sobre eles.
