Contos en lingua de signos co alumnado do Johan Carballeira!

Hoxe tivemos na escola unha visita moi moi moi especial, o alumnado do Johan Carballeira acompañado pola súa profe Noelia, achegouse á nosa escola para contarnos contos falando coas mans!!

Xuntámonos todas e todos no ximnasio e con eles cantamos, contamos e signamos. "Lúa" "Animais" e "Violín" gustáronnos moito e aprendemos signos novos pero sen dúbida o noso preferido foi "¡Que llega el Lobo!" unha historia que nos enganchou dende o primeiro momento e que rematou cun gran sorriso de todas e todos co seu final inesperado.

E ademáis trouxeron para cada aula un agasallo que nos encantou

Este libro onde están os contos de hoxe en lingua de signos para que poidamos contalos e signalos na clase!!

Pasámolo xenial compartindo cos chicos e chicas do cole de maiores, maiores, maiores! e para as profes foi moi emocionante volver a ter na escola a esta rapazada que fai uns cantos anos estaba nestas aulas con nós compartindo aventuras nos seus primeiros pasos no ensino, nun cole que hoxe lles pareceu moi pequeno; será que elas eles medraron moito...

Moitas grazas chicos e chicas, voltade cando queirades ao que sempre será o voso cole, estamos moi orgullosas de vós!

Bo Nadal en lingua de signos!

 A intérprete de lingua de signos do noso cole, Rosa Louro, estivo estes días ensaiando e cantando esta panxoliña que grabou  con todo o alumado de infantil con todo o seu cariño para que a poidades desfrutar.

Todos e todas as profes e todas as nenas e nenos do cole queremos desexarvos un 

Bo Nadal

As trasniñas e trasniños falamos coas mans

Este ano no noso horario temos outra novidade súper emocionante; os martes, xoves e venres a intérprete en lingua de signos do noso cole, Rosa Louro, ven á clase dos trasn@s para signar contos, cancións e aprender máis vocabulario do que xa coñecemos. Aínda que, como xa sabedes, as trasniñas e trasniños levamos dous anos aprendendo en lingua de signos diversas cancións e unha morea de palabras de uso cotiá (saúdos, días da semana, animais....) grazas a estas sesións esperamos seguir avanzando e que a lingua de signos estea cada día máis presente nas nosas vidas.

Grazas a lingua de signos, todas e todos melloramos a nosa capacidade de escoita, de concentración e de atención; pensade que estamos recibindo a mesma información por unha dobre vía, de xeito oral e de xeito visual. Cando falamos coas mans as trasniñas e trasniños imitan os nosos movementos, están atent@s e activ@s na creación e recepción das palabras que estamos signando; conseguimos así unha escoita activa real do noso alumando.

Animámosvos a todas as familias a que lles pidades aos vosos fillos que vos vaian ensinando todas as cousiñas que sabemos e que aprendemos cada día.

Lingua de signos coas amigas e amigos da Asociación Juan XXIII

Hoxe recibimos no cole aos amigos e amigas da Asociación Juan XXIII cos que compartimos unha experiencia marabillosa, na que a lingua de signos foi a protagonista!

Unha usuaria de Juan XXIII usa a lingua de signos para comunicarse, e hoxe quixo vir ao cole para coñecernos! 

Con ela viñeron o seu compañeiro Jacobo, Alexandra que é monitora na Asociación e Vida que a acompaña e lle axuda a comunicarse. 

Recibímolos na aula e desfrutamos de todo o que nos tiñan preparado. 

Aprendemos moitas cousas sobre a lingua de signos da man dos Bolechas, signos novos, divertidísimas formas de aplaudir, como se comunican as personas xordocegas, compartimos experiencias, sorrisos, xogos e pasámolo xenial!!

Hoxe saímos da escola felices pola experiencia vivida e ademais levamos para casa o libro dos Bolechas sobre a lingua de signos que os nosos amigos e amigas de Juan XXIII nos regalaron, grazas á colaboración da Asociación de Xordos. 

Moitísimas grazas por vir, por compartir e por ensinarnos tantas cousas; encantounos a experiencia!!!

Cantamos en lingua de signos!!!

Hoxe propoñémosvos un reto en familia, cantar e bailar todas e todos unha canción usando a lingua de signos, aceptades o reto?? Vai ser moi divertido!!!

O primeiro que temos que facer e poñer o seguinte video para gozar coa música, cantar, bailar e aprender a canción.


Logo temos que aprender os distintos signos que contén a nosa canción....Deixámosvos as ligazóns aos videos onde se indica como se fai cada un dos signos.

Música
Galo
Cantar
Galiña
Chorar
Pitiños: facemos galiña (que xa o sabemos) e pequeno
Durmir
Fóra
Cocorocó: faceos a crista coa man dereita
Cacaracá: facemos a crista coa man esquerda
Ir
Todos
Pasear
Excursión
Quequerequé: facemos o pico coa man dereita
Quiquiriquí: facemos o pico coa man esquerda
Galiñeiro: facemos galiña (que xa o sabemos) e casa
Querer
Se
Non
Deixar
Berrar
Outra vez

Xa os sabemos??? pois agora... a cantar coas mans!!!!

Convidámosvos a que gravedes un vídeo cantando, bailando e signando un pequeno anaco da canción en familia. Con todas as aportacións en vídeo as profes faremos maxia para estar todas e todos xuntos!!

Por favor, gravade os vídeos co móvil en horizontal e enviádeos ao noso correo electrónico:

infantilapedra4anos@gmail.com