As trasniñas e trasniños levamos moitos días traballando arreo na escola e descubrindo unha morea de cousiñas sobre o Samaín.
A través do conto "Corre, corre cabaciña" traballamos os contidos secuenciados na nosa programación de xeito vivencial, en gran grupo, en pequeno grupo e individual; e posteriormente plasmamos esas aprendizaxes en papel.
Ao longo destes días os trasniños e as trasniñas representaron o conto creando novas e divertidísimas versións; percorreron o camiño da avoiña afianzando dentro do conteo a cadea rompible, escribiron palabras e frases para avanzar no proceso lectoescritor, experimentaron, contaron, cantaron, crearon...
Unha morea de actividades que nos levaron ata a festa do Samaín no cole, unha xornada terroríficamente divertida na que desfrutamos dos obradoiros terroríficos que as mestras prepararon e dunha super merendola na que convertemos, a través dunha pócema, as cousas que mercamos en: amorodos envelenados, ósos de zombies, vermes, dentes de vampiro, arañas peludas con mocos... estes trasniños e trasniñas nunca deixan de sorprendernos coa súa creatividade!
Grazas a todas e todos por axudarnos a ter un Samaín fantástico!!!
Hai uns días o noso benquerido Papirus deixounos na súa caixiña unha chea de cousas para preparnos para o Samaín, decoramos as aulas, o noso recanto de xogo simbólico encheuse de disfraces e estamos traballando nunha secuencia didáctica baseada no conto Corre Corre Cabaciña de OQO editora.
Unha mañá na asamblea un trasniño contou que xa decorara a súa casa de "Haloween" e que puxera un morcego na porta para asustar.
Os morcegos asustan? Existen? Porque non os vemos? Teñen dentes? Morden ou chuchan o sangue?.... tivemos unha morea de preguntas das que non sabíamos a resposta así que tivemos que investigar sobre os morcegos.
Hoxe creamos o produto final do noso mini proxecto; fixemos un morcego para plasmar todos os coñecementos aprendidos: dúas ás grandes, olliños pequenos, cairos afiados, orellas de triángulo e dúas patiñas para poder colgarse e durmir polo día!!!
Dentro da nosa proposta didáctica AS FESTAS DO OUTONO, os trasniños e as trasniñas realizamos distintas actividades para coñecer unha das nosas tradicións, O SAMAÍN!!
Traballamos a lectoescritura, as matemáticas, experimentamos, realizamos divertidísimos obradoiros dentro das olimpíadas terroríficas, tivemos unha merenda especial, baleiramos cabazas, fixemos un conxuro para espantar o medo e aprendemos moitas moitas cousas ao tempo que disfrutábamos cos compañeiros e compañeiras.
Grazas a todas e todos por facer deste Samaín unha experiencia fantástica!!
Hoxe as trasniñas e trasniños traballamos moi duro; ao tempo que afondamos no coñecemento do círculo, practicamos o conteo, exercitamos a motricidade fina e a coordinación óculo-manual; fixemos unhas arañas terroríficas!!!!
Ademáis as nosas arañas agochaban unha sorpresa, se sopramos moi forte por unha palliña as arañas móvense dun lado ao outro.
Esta actividade ademáis de axudar ao control da respiración, axuda ao músculos que interveñen na fala mellorando a articulación e a pronunciación dos fonemas.
Pasámolo fenomenal xogando coas nosas arañas, xa a tendes na casiña para facelas bailar usando o sopro!
Hoxe foi un día terroríficamente divertido na escola, logo de semanas traballando o Samaín, celebramos unha gran festa!!
As aulas enchéronse de bruxas, cabazas, morcegos, demos, vampiros.... queredes ver como foi o noso día? pois mirade, mirade....
Este ano para o Samaín na escola fixemos arañas, unha casiña encantada moi escura, descubrimos a maxia da bruxa morada e a súa luz, fixemos a lista da compra para unha merenda terrorífica, decoramos as aulas e os corredores, pócemas de bruxa, pintamos o corpo con tatus e pinturas máxicas, baleiramos cabazas, fixemos un conxuro para escorrentar os nosos medos.... Unha chea de cousas que nos motivaron para seguir aprendendo dun xeito manipulativo, significativo e constructivo.
Ademáis montamos no corredor un photocall no que cada día podíamos ir, como un recanto máis da aula, para usar libremente a cámara que tiñamos no trípode, aprendemos a configurar o temporizador, a facer selfies, fotos, videos e ata timelapse. O material gráfico dos trasnos no photocall non ten desperdicio, clicando na foto poderedes ver o que fixeron no photocall, a súa imaxinación e creatividade non ten límites!!
E como mostra da creatividade dos trasniños e das trasniñas deixámosvos a nosa canción do Samaín, un experimento de improvisación que xurdiu na aula a modo de xogo, queríamos unha canción para as nosas aulas e como ningunha das que tiñamos era o suficientemente terrorífica.... tivemos que creala nós, o que fixemos foi improvisar diante do micrófono tentando enlazar unha historia e esta marabilla é o resultado!!!
Nas nosas sesións de robótica xa introducimos "o ratiño", un robot programable no que propoñemos un obxectivo (chegar a ata o queixo) e construímos un labirinto preparando a programación do rato coas tarxetas de secuencias (adiante, xiro, atrás...). Despois facemos esa programación no caparazón do rato, e prememos no botón verde, o rato comeza a moverse coas nosas orden e comprobamos si conseguimos chegar ao noso destino ou non.
Esta semana a profe Lucía tiña preparada unha sorpresa terrorífica!!! o ratiño converteuse nun morcego!!! un morcego que se atopaba moi moi triste e perdido, precisaba da nosa axuda para poder chegar ata o castelo encantado!!!!
Seremos as trasniñas/os quen de axudalo???
Co súper morcego hoxe as trasniñas e trasniños afianzamos diferentes contidos que estamos traballando da nosa programación dentro da secuencia das festas do outono (concepto espacial entre, labirinto, vocabulario do Samaín...), o obxectivo era conseguir que o morcego chegase a diferentes obxectos (araña, mostro verde, bruxa, cabaza...) construíndo o noso propio percorrido sendo diferente a dos outros trasniñ@s do resto do equipo).
Pouco a pouco coas nosas sesións de robótica seguimos avanzando no pensamento computacional (coa resolución de problemas dunha secuencia ordenada de pasos), na direccionalidade e posición dos obxectos. Traballamos ademáis diferentes intelixencias múltiples (lingüística, espacial...) e competencias clave como: comunicación lingüística, social, dixital e matemática e básica en ciencia e enxeñaría, social....
Os trasniños e as transitas estamos traballando arreo no noso proxecto As festas do outono!
Comezamos co Samaín, unha das nosas festas preferidas, e como xa sabemos unha morea de cousas sobre esta festa; preguntámoslle aos nenos e nenas que lles gustaría facer este ano para festexar a festa das cabazas no cole.... entre todas e todos fixemos unha lista inmensa de ideas súper chulas que pouco a pouco estamos materializando.
Queríamos decorar o cole con cousas terroríficas e para iso fixemos unhas arañas peludas con pompóns, limpiapipas e uns ollos saltóns, cun novelo de lá creamos unha gran tea de araña entre as portas das dúas aulas e penduramos dela as nosas arañas....
Decoramos as aulas con banderíns que fixemos con debuxos terroríficos, colgamos cabazas, bruxas, esqueletes, pantasmas, ata decoramos a nosa porta da aula cun monstro de pelo verde... sacamos do baúl os disfraces terroríficos e pegamos a nosa foto ao corpo que máis nos gustou para crear entre todos e todas un mural do Samaín con morcegos, demos, bruxas, esqueletes e vampiros do máis divertido.
Dentro la lista de cousas que os trasnos querían facer para o Samaín no cole, había unha especialmente complicada... un túnel do terror e unha casiña terrorífica que tiñan que ser escuros porque, ao falar dos medos na aula decatámonos de que moitos de nós temos medo á escuridade, queríamos ter un lugar escuro no que poder facer cousas divertidas e vencer ese medo e.... conseguímolo!!!
Transformamos a casiña da aula no noso túnel/casiña escura; un lugar máxico, onde están pasando cousas incríbles!
Dentro da casiña descubrimos á bruxa morada, que co seu gorro e o seu nariz de bruxa convidounos a pintar cuns rotuladores sobre un papel branco e logo na escuridade mostrounos a maxia da sua luz morada que facía que os nosos debuxos brilaran moitísimo!!!
A luz da bruxa morada gustounos tanto que despois do patio deixamos as clases a escuras e puxémosnos a pintar mollando o pincel nos platos de ingredientes da bruxa (pis de unicornio, moco de becho verde, sangue de cabaza e veleno de araña peluda) usando a luz da bruxa, ao ritmo de cancións pintamos na escuridade
Con esta instalación artística de luz negra potenciamos a experimentación sensorial ao tempo que verbalizamos e vivenciamos un dos nosos medos dende unha experiencia positiva, conseguindo sentirnos a gusto nun entorno onde a escuridade é a protagonista. As profes estamos felices co resultado da experiencia, foi maxia pura ver as súas reaccións ao comprobar os efectos da luz negra sobre os rotuladores e as témperas luminiscentes.
Hoxe os trasniños e as trasniñas festexamos o Samaín na escola; levábamos semanas preparándonos para esta festa que tanto nos gusta.
Queremos mostrarvos todo o que fixemos estas semanas no cole...
Xogamos coas letras para formar palabras, construímos na cortiza a palabra Samaín, cunhas fermosas cabazas, entre todas e todos fomos pensando que letra tiñamos que colocar.....
Adornamos as aulas con cabazas, pantasmas, morcegos, e tamén uns banderíns que fixemos nós pegando nun lazo laranxa as letras na orde correcta para compoñer a palabra Samaín, foi moi divertido xogar coas letras e descubrir as distintas palabras que podíamos formar se movíamos as letras de lugar...
Tamén xogamos cos números, contamos cabazas, asociamos o número á cantidade, traballamos a cadena numérica saltando na nosa alfombra, traballamos a retroconta, e creamos un código secreto para poder entrar na casa da bruxa. Este código secreto o pon o prota do día e todas e todos os que queiramos entrar na casiña embruxada, temos que marcalo no panel. Para todas estas actividades tivemos unha motivación especial, o felpudo da casa da bruxa que ten unha bruxa dentro que se rie cada vez que o tocamos!!!
Papirus pediunos que fixeramos para a biblio do noso cole unhas cabazas terroríficas para adornar o recanto da biblio onde el colocou para nós todos os contos relacionados co Samaín. Foi unha tarefa complicada porque Papirus deixounos unha cabaza para cada equipo e tivemos que organizarnos para traballar todas e todos xuntos e falar moito para chegar a acordos e tomar decisións conxuntas.
Facer as cabazas para Papirus gustounos tanto que os transiños propuxeron facer unha cabaza cada un para adornar a nosa clase.... E puxémonos, mans á obra.....
Descubrimos o xogo dos Monstros, co que reforzamos o coñecemento do dado, e as equivalencias. Xogamos de xeito vivencial cos gorros de monstros saindo a bailar tantos mostros como indicaba o dado, logo xogamos nas tarxetas colocando tantos ollos ao monstro como indicaba o dado e por último levamos o xogo ao papel.
Limos moitos contos de monstros, bruxas, barbudos, e un dos nosos contos favoritos "Corre corre cabaciña" do que decidimos converternos en protagonistas, e metémonos dentro da cabaza!!!
Falamos moito sobre os nosos medos e decidimos aproveitar a festa do Samaín para facer un conxuro para que marchara o medo.
Para que o noso conxuro funcionara precisábamos maxia.... e convertémonos en bruxas e bruxos para crear o conxuro.
Para poder levar a cabo o conxuro precisábamos cabazas do Samaín, pedimos cabazas ás familias e comezamos a baleiralas e a facerlle ollos nariz e boca!!!!
Coas cabazas listas e o conxuro ben aprendido, as profes fixeron maxia, no medio da mañá as aulas quedaron escuras; prendemos as candeas das cosas cabazas e recitamos o noso conxuro....
O conxuro funcionou as cabazas levaron os nosos medos e nós..... cantamos, bailamos, xogamos, merendamos.... Fixemos festa rachada!!!
Para que poidades festexar o Samaín na casa, deixámosvos a lista de reproducción das nosas cancións preferidas, onde poderedes cantar, bailar e tamén aprender lingua de signos!!!
E deixámosvos tamén El Baile del Esqueleto que tanto e tanto nos fixo bailar estes días e que é sen dúbida a nosa preferida
Grazas a todas e a todos pola vosa colaboración, foi un Samaín terroríficamente divertido no que aprendemos moito, moito, moito!!!
Estes días as aulas dos trasnos enchéronse de cabazas, bruxas, esqueletes, morcegos... para festexar o SAMAÍN!!
O equipo de dinamización da lingua galega propúxonos crear unha adiviña sobre un personaxe de medo galego e nós puxémonos a traballar...
Pensamos a adiviña a puxemos no ordenador dentro dunhas cabazas de Samaín e decoramos a solución... mirade...
Ademais participamos na iniciativa "Olla a palabra do día!" promovida polo Portal das palabras, unha proposta na que cada día dende o portal das palabras nos presentaron unha palabra nova relacionada co Samaín para que nós a convertamos nunha imaxe visual. Aprendemos moito coa iniciativa e nos quedou un traballo de medo mirade...
Lemos unha chea de contos de medo e tamén vimos unha curtametraxe feita a partir dun dos nosos contos preferidos "Corre, corre cabaciña" de OQO filmes.
E aprendemos unha morea de cancións sobre o Samaín, aquí vos deixamos algunhas das que máis nos gustan para que poidades cantar e bailar na casa
Ao longo de moitas xornadas, os trasniños estivemos coñecendo unha morea de cousas sobre o outono e as suas festas.
Coa chegada do Samaín e o Magosto aproveitamos para traballar e aprender moitos contidos.
Mirade cantas cousas fixemos e que ven o pasamos !!!
Os trasnos levamos semanas traballando o Samaín nas aulas, adornamos o cole, descubrimos moitas cousas sobre a festa das cabazas que foi a protagonistas das fichas de maiores que fomos facendo, contamos e cantamos "Corre, corre cabaciña" preparamos uns pratos terroficamente deliciosos, e onte, celebramos a festa do Samaín na escola todas e todos xuntos...
No cole este samaín vai ser terrorificamente delicioso, o equipo de dinamización lingüística propuxo que cada aula inventara un prato terrorífico para crear entre todas e todos un menú de Samaín...
Os trasnos puxémosnos a traballar, o primeiro que fixemos foi pensar os ingredientes, tiñan que ser moi noxentos e así falamos de: bechos, mocos, pis, ollos....
Logo cada un de nós usando esos ingredientes inventou o seu propio prato e debuxámolo..
Pizza de vermes
Tortilla con mocos
Patatas fritas con terra...
Logo de observar todas as creacións culinarias, tivemos que decidir e consensuar cal sería o prato que cada aula aportaría ao menú do Samaín, a decisión non foi doada.... pero finalmente, chegamos a un consenso.
Na clase da profe Cris escollemos "Sopa con mexo de rato" entre todas e todos eleximos os ingredientes e puxémonos a "cociñar"
e así de deliciosa quedou....
Na clase da profe María preparamos "Arroz con arañas"
Logo de metelo no forno así foi como quedou...
Cando os nosos pratos estiveron rematados xuntámonos todas e todos para contarnos o que cociñaramos en cada aula e por se alguén se atrevía a probar....
