9 de febreiro de 2024

O entroido dos trasnos 2024

Por fin chegou outra das nosas festas favoritas, o entroido!!! as trasniñas e trasniños levamos moitos días preparando esta gran festa, fixemos máscaras, disfrazámonos na casiña de súper man, princesas, batmans, heroínas, spidermans... con faldas, tutús, gorros...

Da man de Papirus investigamos sobre o deporte olímpico de tiro con arco, fomos a unha exhibición  de Ramón e practicamos moito co arco e as frechas. Así, súper motivados por facer cada un o noso propio disfraz e poder ir todas e todos de diana puxémonos mans á obra. Traballamos as formas xeométricas e as cores, ademáis da motricidade fina; Observamos ben as cores para poder pintar seguindo a mesma secuencia e compuxemos o disfraz unindo as dúas partes e pegando a nosa diana no medio da tea.

Ademáis durante toda  esta semana cumprimos as premisas do mandadiño, en pixama, con gorros e peiteados divertidos, de mascalleiras e mascalleiros ou co noso disfraz favorito, foi unha semana moi moi divertida!!!

O tempo non nos permitiu facer o desfile ata o cole dos maiores, así que as trasniños e trasniños fixemos o noso propio desfile, cantando e bailando; despois repuxemos as forzas cunha súper merendola e continuamos a festa rachada!!!!!

Deixámosvos un vídeo-resumo para que poidades desfrutar en familia do ben que o pasamos no cole neste entroido olímpico.

Ningún comentario: