Hoxe cociñamos: pastel de froitos vermellos!

 Hoxe na escola foi día de cociña!!

Papirus deixou para nós unha nova receita PASTEL DE FROITOS VERMELLOS!! UMMMMMM

Traballando coa receita descubrimos que precisábamos un forno para facer os nosos pasteis, así que... puxemos rumbo ao cole de primaria para usar o forno que teñen no comedor.

Mirade que expertas e expertos cociñeiros son estas trasniñas e trasniños...

Hoxe cociñamos: xeados de froita

Esta semana chegounos unha nova receita que fixo que as trasniñas e trasniños nos puxéramos súper felices 

 "XEADOS DE FROITA"

Collimos o gorro de cociñeiros e cociñeiras, colocamos o mandil e saímos á horta na procura de amorodos; despois, xunto coas laranxas que Papirus deixou para nós, subimos ao comedor do cole. Seguimos un por un os seis pasos da receita e... un día máis tarde......ahí estaban  as nosas creacións, deliciosos xeados de amorodos, laranxa ou mestura de amorodo e laranxa, 100% naturais, 100% pura froita , deliciosos!!!!

Hoxe cociñamos: batido de amorodos

Hoxe as trasniñas e trasniños atopámonos unha nova receita "batido de amorodos", así que fomos a nosa horta a recoleitar todos os amorodos que puidemos e seguimos todos os pasos da receita para facer o noso propio batido de amorodos. Foi unha pasada face todo nós!! quedaron deliciosos, mirade que ben o fixemos!!!

Hoxe cocinamos... Petiscos de froita!

 Os trasniños e as trasniñas hoxe voltamos a converternos en cociñeiras e cociñeiros, Papirus deixou unha nova receita para nós e felices puxémonos a traballar. Mirade....

A nosa colleita

Durante as vacacións do verán as nosas hortas non deixaron de medrar; aqueles trasniñ@s que estiveron no cole no campamento de verán xa puideron saborear o ricos que estaban os  amorodos que tiñamos prantados; hoxe todas as trasniñas e trasniños saímos a recoller amorodos, tomates e pementos para levar e degustar coas nosas familias; cada un de nós escolleu o que máis lle apetcía levar e con moito coidado  arrancouno da pranta. Se seguen medrando así de ben, nos vindeiros días poderemos levar máis tomates e pementos!!!!!

Merendamos batido!!!

Na pizarra máxica das trasniñas e trasniños temos un xogo moi divertido para facer postres; o profe David axúdanos cada día a escoller receita, mesturar ingredientes, botar as cantidades precisas.... Un deses postres é o batido, así que un bo día o profe David tivo unha idea moi especial, podíamos facer o noso propio batido.

O primeiro paso foi escoller de que froita queríamos que fose o batido; plátano, amorodo, piña...colocamos pratos coas distintas opcións e de un en un votamos para ver cal era a nosa opción favorita, a torre máis alta sería a gañadora.

Co batido de amorodos no primeiro lugar o profe David preparou a receita para poder seguir os pasos e que o noso batido fose perfecto. Compuxemos o nome da receita, completamos coas que letras que faltaban os ingredientes e ordenamos a secuencia dos seis pasos que tiñamos que seguir para conseguilo, dende lavar a froita ata decorar o noso vasiño.

                                Puxémonos mans a obra e.... lavamos e cortamos os amorodos

despois botamos os amorodos e o leite dentro da xerra

Prememos no botón "batidos" e..... pouco a pouco todos os amorodos trituráronse e  mesturánronse co leite

enchemos os vasiños e os decoramos con palliñas super chulis, parasois e froitas de papel...

e como non podía ser doutro xeito...... ummmm delicioso!!!!! 

Profe David, moitas grazas, xa estamos desexando repetir e facer un novo batido!!!! Estaba súper súper rico!!!!!

O noso horto

Fai uns días apareceron no cole uns aros de cemento cheos de terra. Despois de observar e pensar que eran e para que poderían servir, chegamos a unha conclusión: Son hortos para plantar!!!!!

Puxémonos a investigar que tiñamos que facer.... pero non sabíamos nin que se podía plantar, nin cando, nin como.... A nosa trasniña Naia tivo unha idea. O seu papi, Julián, ten unha agraria. Podíamos preguntarlle a el os pasos que temos que seguir para ter e coidar o noso horto escolar.

No cole buscamos información e entre todos e todas pensamos en plantar Cenorias!!!! Fixemos a lista das cousas que tiñamos que mercar. Precisamos: as sementes, a terra e uns sementeiros. 

Hoxe saímos do cole, tiñamos que atopar o cartel da agraria do papá de Naia.

Unha vez alí pedímoslle a Julián as tres cousiñas que tiñamos que mercar e o máis importante preguntámoslle cantos euros tiñamos que pagarlle. 

Antes de marchar, Naia convidounos a todos e a todas unha bolsiña de larpeiradas que tomamos despois da merenda.

Despois no patio todos e todas xuntiños seguimos todos os pasos que Julián nos explicou: botamos terra no sementeiro, puxemos dúas sementes , enchemos ata arriba e pulverizamos con auga 4 veces ata que a terra quedou ben mollada.

Agora temos que lembrarnos de botarlle auga á terra e agardar a que as nosas sementes xermolen para transplantalas ao horto!!!

Queremos agradecer a Julián que nos recibiu na súa tenda e nos deu moi bos consellos. E tamén á ANPA do noso cole que fixo posible que o noso horto sexa unha realidade. GRAZAS!!!!

Froita na escola

A través do programa "Aliméntate ben" queremos fomentar hábitos saudables no noso alumando; Coa actividade “FROITA NA ESCOLA” estas dúas semanas estivemos repartindo na hora da merenda froita fresca e de tempada aos nosos trasniñ@s; melón, laranxa, mazá, kiwi.... primeiro as observamos, aprendimos como se di coas mans, en lingua de signos, miramos a súa cor por fóra, por dentro, o seu tamaño, se son duras ou brandiñas.......e despois e o momento de probálas..... algunhas como o plátano ou a mazá xa sabemos que nos gustan moito, e son das nosas favoritas para a merenda dos venres, pero outras como a piña ou o kiwi foi a primeira vez que as probamos. 

Todos e todas son uns campións!!!