Excursión de fin de curso!

 O martes os trasniños e as trasniñas saímos da escola rumbo ao Grove, tiñamos unha misión, conseguir ver un polbo!!

Como ben sabedes este curso dentro do proxecto Imos de Romaría, os trasniños e trasniñas asumimos o papel de polbeiras e polbeiros e fixemos na aula un proxecto de investigación sobre os polbos.

O proxecto foi todo un éxito e sabemos moitas cousas sobre os polbos pero ao noso proxecto faltáballe algo... "queremos ver un polbo" foi a petición dos nenos e nenas e as profes tentámolo..., fomos ao museo do mar en Vigo, e alí había moitas especies mariñas nos seus acuarios pero non había polbos; visitamos a lonxa e o mercado de Bueu onde aprendemos moitas cousas pero o polbo estaba en veda e non había ni un... así que decidimos tentalo no Acuario que está no Grove e ata alá fomos moi ilusionados.

E xa que íamos, aproveitamos a viaxe para vivir unha máxica aventura nun bosque da illa da Toxa onde hai unha fermosa aldea onde viven os trasnos.

Pasamos unha xornada de convivencia, aprendizaxe e moita diversión; unha estupenda forma de poñer o broche de ouro a un curso fantástico!!!

Visitamos a lonxa e o mercado de Bueu!

Os trasniños e as trasniñas seguimos traballando no noso proxecto sobre os polbos, e para seguir aprendendo decidimos visitar dous lugares da nosa vila onde hai personas que saben moitas cousas sobre os polbos!

Primeiro visitamos a Lonxa de Bueu, onde o patrón maior da confraría mostrounos as artes de pesca do polbo e contounos unha chea de cousas moi interesantes.

Logo pedimos axuda a Silvia Carballo responsable as actividades do Mes do Polbo de Bueu que está tendo lugar na nosa vila; Silvia levounos a unha exposición fotográfica e a visitar o mercado.

Foi unha xornada moi moi interesante onde grazas a xenerosidade das persoas da nosa vila puidemos seguir avanzando nas nosas pescudas. Aínda que non piudemos ver polbos porque non se poden pescar que están en veda para protexelos, aprendemos moitas cousas!!

Mirade todo o que fixemos!!

Queremos agradecer a Rosana e a Jose Manuel da Confraría San Martiño de Bueu e a Silvia Carballo e as praceiras e praceiros do noso Mercado, o seu agarimo! 

Moitas grazas a todas e a todos por axudarnos!!

Imos ao teatro. Que suba o pano!

Hoxe os trasniños e trasniñas fomos ata o Centro Social do Mar para asistir, xunto cos nosos compis de infantil e o alumnado de primeiro e segundo de primaria, á representación teatral de monicreques " A pita xefa" unha adaptación da obra de Marta Lado a cargo de Títeres Alakran.

Pasámolo en grande!

Saída ao museo Massó

Seguindo coas nosas investigacións sobre os polbos e o seu hábitat, o venres as trasniñas e trasniños achegámonos ata o museo da nosa vila, o museo Massó.

Alí a nosa amiga Graciela explicounos como o museo está nas antigas naves dunha importantísima conservera; a través dun xogo e da construcción dun barco pirata descubrimos a sala dedicada á navegación. Na planta baixa descubrimos unha morea de obxectos da antiga fábrica de salazón e conservas, así como unha das nosas partes favoritas a sala das baleas.

David tiña preparado un obradoiro super divertido para nós; descubrimos os distintos tipos de area das praias da nosa vila e afondamos no coñecemento das especies mariñas.

Despois do museo, fixemos unha paradiña no parque do concello, onde Lisi, a avoa de Leo Calvar convidounos a unhas deliciosas madalenas. 

Mirade que ben o pasamos!!!

Andaina solidaria de Pascua!

 Hoxe os trasniños e trasniñas saímos da escola por unha boa causa, os nosos veciños do IES Johan Carballeira organizaron unha Andaina Solidaria de Pascua para reacadar fondos destinados a Asociación Accem que traballa mellorando as condicións de vida de persoas en situación de vulnerabilidade e que está a traballar cos refuxiados que están na nosa vila.

Foi unha xornada fantástica de convivencia que desfrutamos moito! 

Mirade!

Moitas grazas por convidarnos!

AMARO E THIAGO SON OS PROTAS

Esta semana Thiago Gómez e Amaro foron os protagonistas nas aulas das trasniñas e dos trasniños.

O pai de Thiago traballa nunha batea, de onde saen uns mexillóns deliciosos. Thiago e a súa familia fixeron unha réplica dunha batea para poder explicar como funciona e os elementos dos que se compón. 

E a avoa de Thiago veu ao cole a ensinarnos a facer pompas xigantes coas mans!!

 

 O pai de Amaro ten unha empresa de solucións gráficas, e convidounos ao seu traballo para ensinarnos todo o proceso e creación de pegatas, cartelería e todo tipo de obxectos que podamos imaxinar. 

   

A nai de Amaro ensinounos en que consitía o seu traballo ao longo de toda a xornada grabando, facendo entrevistas e montando un vídeo chulísimo que vos deixamos para que disfrutedes tanto coma nós.

 

 Moitas grazas familias!!!

Imos ao museo do mar!

 Os trasniños e as trasniñas seguimos buscando fontes de información que nos axuden a avanzar nas nosas pescudas sobre os polbos e outros animais mariños; hoxe saímos da escola para visitar o museo do mar en Vigo.

Foi unha xornada moi interesante onde aprendemos moitas moitas cousas e pasámolo moi ben! 

Mirade...

SOMOS PANADEIRAS E PANADEIROS!!

Os trasniños e as trasniñas deixamos a escola para converternos en panadeiras e panadeiros!! O noso amigo Martín convidounos a todas e todos a coñecer a panadaría dos seus avós. 

Mirade todo o que fixemos!!

Moitísimas grazas familia foi xenial!

A NOVA AVENTURA DOS TRASNOS: IMOS DE ROMARÍA

Os trasniños e as trasniñas comezamos unha nova aventura na que imos traballar arreo coa finalidade de participar na Romaría que imos facer no noso cole!!

Para comezar preguntamos aos nenos e nenas: QUE É UNHA ROMARÍA?

"una tienda de chuches" "un bote de miel" "unha boneca" "unha tenda que vende romero" "unha pizza"... foron algunhas das ideas que saíron. Como non eramos quen de poñernos dacordo decidimos investigar e grazas á axuda de Papirus descubrimos que é unha festa!!!!

Buscamos Romarías que se fixeran en Bueu e falamos sobre elas, onde se fan como se chaman e cando se celebran, sabemos que nunha hai roscón, noutra zume de mazá... fomos recompilando a información nas corticeiras da nosa clase e no noso portfolio

Papirus foinos enviando información sobre as persoas que podemos atopar nunha romaría

Ata que chegou esta imaxe:

Algúns trasniños e trasniñas recoñeceron o debuxo que nos mandaba Papirus: 

"Esa señora de piedra yo sé donde está, está con un señor montado en una barca, en el parque del barco pirata"

Iso tiñamos que ir a comprobalo de modo que...saímos do cole en busca da señora de pedra.

Na banda do río atopamos as dúas esculturas! xunto a elas estaban Silvia e Luis!!

Silvia traballa no Concello de Bueu é foi a persoa que tivo a idea de facer estas fermosas esculturas.

Luis Davila é artista, contounos que o que máis lle gusta é debuxar e ten moita sorte porque ese é o seu traballo. Luis contounos quenes eran os personaxes que estaban nas esculturas: a polbeira chámase DORA e ao seu carón está CHUCO un mariñeiro que vai na súa dorna a pescar polbo.

Ao carón das esculturas descubrimos un agasallo para nós. Uns fermosisísimos mandís coa imaxe da Polbeira Dora de Luis Davila!

Queremos darlle as grazas a Silvia Carballo pola súa implicación e a Luis Davila pola súa xenerosidade, non só veu ata as súas esculturas para falarnos dos seus personaxes se non que, nos prestou a súa imaxe da Polbeira Dora para os nosos mandís.

GRAZAS!!!

Visita ao Museo de Pontevedra

Hoxe as trasniñas e trasniños estabamos moi emocionadas e emocionados, no noso calendario tiñamos debuxado un autobus, hoxe era o día da nosa excursión.

Fomos ata o Museo de Pontevedra para realizar un obradoiro sobre educación emocional a través da arte. Foi unha actividade moi moi interesante na que da man da Bruxa Grandía falamos de cores e emocións.

Queredes ver  canto aprendimos e que ben o pasamos? 

 

Queremos agradecer á Deputación de Pontevedra que nos convidara a vivir esta fantástica experiencia e á nosa guía Sabela que nos acompañou a descubrir un dos misterios máis chulos do Museo de Pontevedra.

Animávosvos a visitar o Sexto edificio do Museo de Pontevedra cos vosos fillos e fillas, se ides á terceira pranta poderedes ver á Bruxa Grandía, os trasniños e as trasniñas serán uns fantásticos guías e vos contarán a súa historia.

Unhas galletas deliciosas!!

A trasniña Lara trouxo a semana pasada unhas galletas de chocolate que fixera na casa coa súa nai; tiñan moi boa pinta así que Lara trouxo a receita por se queríamos facelas. Moitos pensamos que sería unha boa idea facer as galletas no cole, pero a profe Cris e profe María dixeron que non podíamos que no cole non había forno, ohhhhh!!!!

Martín rápidamente recordounos a todas e todos que a súa avoa tiña unha panadería cun forno xigante, e que podíamos ir alí a meter as nosas galletas no forno. Martín pediulle permiso avoa Ana e esta dixo que siiiii, así que mercamos os ingredientes da receita de Lara  e hoxe..... merendamos galletas.

Deliciosasssssss

Grazas familias!!!

O FICBUEU

 Hoxe foi un día especial para os trasniños e as trasniñas, saímos do cole para ir ata o FICBUEU!!!

Levamos días traballando na escola cos materiais didácticos que nos achegaron desde o festival e tiñamos moitas ganas de que chegara o día de hoxe para levar as nosas flores, e asistir á proxección para saber se fomos quen de adiviñar de que trataban as curtas das que só miráramos un fotograma...

E hoxe foi o día de saír da escola e percorrer a nosa vila, mirade o que fixemos...

Graciñas por convidarnos!!

Exploradores e exploradoras en Cabo Udra

Onte as trasniñas e trasniños atopamos na biblio unha sorpresa; había dúas caixas, unha tiña unha listaxe de explorad@r coa nosa foto, un rotu e unha lupa. Na outra caixiña gorros para tod@s de explorador@s. 

Tiñámos a derradeira misión deste curso: converternos en exploradores e exploradoras e percorrer Cabo Udra para explorar!!!

Queredes ver que tal o pasamos? Mirade, mirade.... 

Pasámolo moi moi ben!!! foi un día xenial

Centro de día CONTIGO e misión de Papirus

 Hoxe os trasniños e as trasniñas tivemos unha xornada moi moi intensa, ao chegar ao cole, estábamos preparándonos para saír cara o CENTRO DE DÍA CONTIGO pero na entrada, atopamos un carro da compra e unha mensaxe de Papirus.

Así que.. saímos do cole para ir ao supermercado!!

Logo de facer a compra fixemos unha paradiña nun dos nosos parques preferidos de Bueu, o do barco pirata!!

E para repoñer forzas merendamos na banda do río

Co bandullo cheo, fomos ata o centro de día Contigo, os nosos amigos e amigas estaban agardándonos para facer xuntos un MAIO!!

Queremos agradecer ao personal e as e os usuarios do centro de día Contigo o convite, grazas polo agarimo, foi unha xuntanza interxeneracional fantántica onde compartimos, sorrisos, cancións, flores e aprendemos moitas moitas cousas. GRAZAS!!!

Saída polo concello

Despois do festival de Nadal as trasniñas e trasniños quixemos continuar co día de festa e fixemos unha pequena saída por Bueu; esta actividade tivo como obxectivo: compartir nun espazo natural a nosa ledicia navideña e deixar unha importante mensaxe na nosa vila. 

Mirade que ben o pasamos!!! 

O xogo dos trasnos é unha realidade!!!

Hoxe foi un día moi feliz, hoxe fixemos realidade un soño; soamente temos palabras de agradecemento ao Concello de Bueu por apoiarnos e axudarnos financiando "o xogo dos trasnos" para que cada trasniño e trasniña poda ter a sua baralla e desfrutala cos seus familiares e amigos.

As imaxes reflicten o que foi o día de hoxe para nós... mirade

 

Que orgullosas estamos dos trasniños e as trasniñas!!!

O xogo dos trasnos nos Centros de día Contigo e Pescadoira!

Os trasniños, as trasniñas e as profes estamos felices!!

O xogo dos trasnos chegou ao cole dende a fábrica e quedamos alucinad@s co resultado, é un xogo de verdade!!!

Ao recibir as primeiras unidades do xogo pensamos a quen poderíamos levarllo... e xurdiu unha idea que nos encantou:

"profe podemos llevárselo a donde están los abuelitos que a mi abuelo le gusta mucho jugar a las cartas"

Puxémonos en contacto cos dous centros de día que temos en Bueu, explicámoslle a nosa proposta de visita para ensinarlles o noso xogo e regalarlle un. No centro de día Contigo e no centro de día Pescadoira aceptaron encantad@s a nosa proposta así que alá fomos.

Foron dúas xornadas fantásticas nas que coñecemos unha chea de personas marabillosas coas que compartimos momentos que xamais esqueceremos.

Queremos agrader a todo o persoal que traballa nos centros de día Contigo e Pescadoira o seu cariño e os seus coidados, e as usuarias e usuarios o seu tempo e os seus sorrisos, foi un verdadeiro prazer coñecervos, compartir e xogar xuntos.

Deixamos nos centros de día o Xogo dos Trasnos e trouxemos a barriga chea de delicioso biscoito, galletas e Chupa Chups, xogos de tres en raia para a escola, divertidas pompas de xabrón e sobre todo a ledicia de tervos coñecido.

Moitísimas Grazas!!!!

Xornada de convivencia na Asociación Juan XXIII

Os trasniños, as trasniñas e as profes estamos cheas de ledicia, logo de tres anos desenvolvendo actividades conxuntas de sensibilización coa Asociación Juan XXIII, hoxe por fin puidemos ir a visitalos ao seu centro de Cangas.

Foi unha jornada máxica chea de sorrisos, nervios, ilusión, aprendizaxe e moito moito moito amor. 

Non temos palabras para expresar todo o vivido nestes tres anos cos nosos compañeiros e amigos de Juan XXIII dos que tanto aprendemos e cos que tanto disfrutamos.

Convidámosvos a que vexades as imaxes da actividade de convivencia que hoxe realizamos onde, grazas á xenerosidade e o bo facer de todas as pesoas que forman Juan XXIII, os trasnos e as profes medramos en todos os sentidos.

 

 Nunca esquerecemos este día. Grazas, grazas, grazas!!

A ILLA DE ONS!

 Por fin chegou o día, os trasniños e as trasniñas hoxe fomos a explorar a Illa de Ons!!!

Hai uns días Papirus enviounos unha carta na que nos contaba que sabía que estabamos traballando moito no noso proxecto de investigación sobre Bueu e nos invitaba a descubrir mediante un código secreto o máxico lugar a onde iamos ir de excursión de fin de curso todas e todos xuntos...

Fomos quen de descifrar o código secreto e así descubrimos que o noso destino era a Illa de Ons!!

Nas clases preparamos a saída... fixemos o plan do día marcando as cousas que iamos facer...

1º Saimos do peirao de Bueu

2º O barco nos leva á Illa de Ons

3º Facemos a ruta do castelo

4º Comemos

5º Xogamos na praia 

6º O barco nos trae de volta para Bueu.

Tivemos que trazar a ruta que o barco faría pola ría, descubrimos a historia de Benxamín un cachalote da illa de Ons que quería ser golfiño... e marcamos como obxectivo descubir os restos do castelo que grazas aos libros que trouxeron os trasniños ao cole sabíamos que había na illa...

Traballamos moito moitísimo e por fin, logo de tanta preparación, chegou o día sinalado no noso calendario, e comezamos a nosa aventura!!

Foi super emocionante chegar ao peirao de Bueu!! Grazas Familias!!!

SAÍDA Á PRAIA DA BANDA DO RÍO

Dentro do noso proxecto sobre Bueu, hai uns días preguntábamos as familias dos trasniños e trasniñas cal era a praia que máis lles gustaba do concello de Bueu: Agrelo, Lapamán, Portomaior..... pero a que conseguiu máis votos foi a PRAIA DA BANDA DO RÍO. Así que hoxe decidimos ir a pasar o día a nosa praia favorita.

Ao chegar nos preparamos, escollemos a un amigo ou amiga e...... saímos rumbo á praia!!!!

Como non podía ser doutro xeito, paramos no skate do que tantas cousiñas contamos no cole; despois camiñamos un anaquiño e chegamos á Banda do río; tiñamos unha misión moi importante, atopar o coche da profe María no que onte cargamos cubos, palas, pelotas e as bolsas para recoller o lixo. 

Buscábamos un coche de cor branco, moitos coches eran brancos, pero..... os números non coincidían cos do seu coche. Tiñámos que atopar os 4 números e as 4 letras para poder coller os nosos cubos!!!!Cando o atopamos nos puxemos súper contentas e contentos e baixamos á praia a xogar!!!!

Merendamos para repoñer forzas e por equipos percorrimos a praia, dun lado ao outro, buscando e recollendo o lixo: unha chancleta, un anaco de cepillo de dentes, chapas de refresco, panos sucios, restos de plásticos..... 

Misión cumprida!!!!!! Pensamos que fomos quen de deixar a praia moi limpiña; non era moito lixo, pero aínda así temos unha bolsa chea, seguro que atopamos un xeito de darlle unha nova vida a ese material de refugallo!!!

Antes de regresar ao cole paramos un anaco no parque do barco pirata, é un dos nosos favoritos, aínda que outro día baixaremos ao parque que máis votos conseguiu polos trasniñ@s.

Foi un día xenial, chegamos moi cansos, pero pasámolo moi moi ben!!!!!