Día do libro

Hoxe, 23 de abril é o día internacional do libro, e as trasniñas e trasniños quixemos facer a nosa hora de ler moi moi especial.

Cada un de nós contóulles a todos e todas cal é o seu conto favorito, porque é o que máis lle gusta e un pequeno resumo da historia. Despois escollimos a un amigo ou amiga e fomos a biblioteca do noso cole a buscar un conto especial, un conto que nos apetecera compartir con nosos amigos, un conto que podemos ler e contar sen axuda das profes.

Escollimos contos de buscar, contos de princesas, de dinosarios, dos bolechas, dunha pirata moi especial chamada Daniela, de Artuto e a súa amiga a verdade....

Por parellas buscamos un recunchiño cómodo na montaña e fomos compartindo os contos co resto de trasniñas e trasniñas.

Foi un día moi moi especial

O trasno Serpicán

Hoxe tivemos no cole a visita de Anxo González Guerra, avó dun alumno do cole, que veu a contarnos unha historia dun trasno; o trasno Serpicán, metade serpe, metade can,que se lle aparecía polas noites para facerlle trasnadas. Moitas grazas por compartir o teu conto con nós, Anxo!!!

Animación á lectura con Kalandraka editora

Dende a fábrica de contos de kalandraka preparáronnos unha gran sorpresa:

Hoxe recibíamos no cole unha visita moi especial, Boniface Ofogo e Marc Taeger, autor e ilustrador dun dos nosos contos favoritos "O elefante que perdeu o seu ollo".

Boniface naceu e viviu moitos anos nunha aldea no interior de Camerún, e especialista en fábulas, lendas, mitos e tradicións da África negra, entre os que destaca "O león Kandinga", outro dos contos que tanto nos gusta.

Marc Taeger, ben coñecido e querido por moitos de nós, é ilustrador e deseñador; a animación, a pintura, a escultura e a arte gráfica son as especialidades dos seus contos, entre os que os trasniños e trasniñas temos moitos moitos favoritos: "Un máis", "Garavanciño", "A verdadeira historia de Carrapuchiña", "Aquiles o puntiño"....

Hoxe xuntos viaxamos ao corazón de África a través dunha fábula para afrontar as dificultades dende a calma e tranquilidade; Boniface contou e cantou e Marc pintou "O elefante que perdeu o seu ollo"

Queremos agradecerlle a Ricardo, de kalandraka editora, por contar co noso cole para esta actividade de animación á lectura. O vindeiro sábado 10 de febreiro, ás 12h no Centro Social do Mar, poderedes gozar coma nós o fixemos hoxe:

Lúa quere viaxar a... Marte

Esta semana as trasniñas e trasniños puidemos desfrutar dun contacontos chulísimo  "Lúa quere vixar a... Marte"

Lúa, unha gatiña branca, non está disposta a renunciar ao seu soño de viaxar a Marte e ser astronauta a pesares das dificultades que atopa no seu camiño. Conseguirá Lúa viaxar a Marte?

Celtia Figueiras, autora do conto, veu cos seus títeres ao noso cole: a gatiña Lúa e o seu amigo o rato; Celtia contounos esta historia que nos fai pensar sobre a igualdade de oportunidades: unha gatiña que quere ser astronauta.

Ao rematar Celtia asinou os nosos

contiños para que sempre lembremos que podemos conseguir todo o que nos propoñamos.

Moitas grazas a Narciso, do Consorcio Galego, e a Celtia Figueiras por facer posible esta actividade; e a todas as familias do cole por agasallar ao alumando con este contiño. 

Unha hora de ler moi especial!!

Cada día despois do patio os contos chegan as aulas dos trasnos na hora de ler, hoxe ese momento foi moi especial porque os contos chegaron da man das axudantas de Papirus que, viñeron dende o Bibliocastelo para agasallarnos coa representación de dous fermosísimos contos.

As axudantas de Papirus convertéronse nun dragón, unha princesa, a cabra cabresa, o coelliño branco….

Asistimos encantadas e encantados ao espectáculo e quedamos alucinad@s co ben que o fixeron estas artistazas!!

Grazas por vir!!! 

Facemos unha curtametraxe coa profe Lara!!!

 A raíz da lectura do conto “Polo camiño”, os trasnos e trasnas, decidiron facer unha gravación.

Para motivalos aínda máis, fixemos un breve trailer, para que así visen como ía quedar a curta.

De seguido, tivemos que traballar moito, preparar as máscaras e aprendernos ben o relato.

Durante aproximadamente dúas semanas de moitoooo esforzo, filmamos as diferentes tomas e escenas. Apesares de ser unha tarefa complexa, saíunos xenial porque somos todos/as uns artistas!!

Tamén manipulamos un recurso cos protagonistas da historia, para practicar e potenciar o conteo ata 10.

Certo é que non só traballamos a posta en escena e o conteo, senón que tamén reforzamos o esquema corporal e ampliamos o noso repertorio coa lingua de signos.

Foi toda unha aventura facer esta curta!

Hoxe antes de marchar para casa xuntámonos todas e todos para facer a estrea da nosa curta, encantounos vernos na pantalla!!!

Queremos compartila con todos e todas, mirade que artista é a profe Lara e os trasniños e as trasniñas!!

Grazas profe Lara, encantounos facer esta aventura de cine contigo!!!

Animación á lectura de Kalandraka: Paco Nogueiras no noso cole!!

Esta semana recibimos no cole unha visita moi especial, o noso benquerido Paco Nogueiras estivo con nós para compartir contos, música, cancións, sorrisos e ilusións.

Paco trouxo o seu acordeón e unha maleta chea de libros de Kaladraka!! Todas e todos no ximnasio desfrutamos do canto dos paxariños de "Do re mi" contamos e cantamos cos animais "Polo Camino" acompañamos aos "Chibos Chibóns" máis aló da ponte do ogro, descubrimos que malia as diferenzas todas e todos temos "Dez dedos nas más e dez dedas nos pes" e tocamos instrumentos con "Mister Magnolia" á vez que buscábamos a bota que lle faltaba e que finalmente atopamos dentro da maleta de Paco!

Queremos agradecer á fábrica de contos Kalandraka esta xornada de animación á lectura, coa que rimos, imaxinamos, cantamos e contamos a través das súas historias da man do grandísimo Paco Nogueiras. 

Pasámolo xenial!

Un contacontos moi especial

"Un día, o pequeno coello mirou a súa mamá e dixo:

- Mamá, estás moi gorda. Creo que vas ter un bebé!

- Pois si, dentro de pouco seremos máis "

Así comeza a historia do conto "UN MÁIS" dos nosos benqueridos Olalla Gónzalez e Marc Taeger. Unha historia moi familiar que Mariña, Carmen, Noa e Ofelia, unhas ex-trasniñas que xa son moi moi maiores, quixeron compartir con todas e todos nós. Onte, despois de moitos días preparando a visita viñeron as nosas aulas. Foi unha auténtica pasada, fixéronno fenomenal, estamos súper orgullosas delas!!!! 

Moitas grazas a Susana, a súa súper profe, por facer posible este contacontos tan especial, prometemos devolver a visita!!!!!

Guía de lecturas

Baixo o lema "En galego, mil historias para descubrir" o equipo de dinamización lingüística do Morrazo nos recomenda as últimas novidades lectoras e musicais para poder agasallar aos máis pequenos da casa neste Nadal. Premede na imaxe para acceder á guía!!!! 

Felices vacacións!!!

Hoxe remata o segundo trimestre, as trasniñas e trasniños aprendemos unha morea de cousas, compartimos momentos máxicos e desfrutamos un montón; cada trasniñ@ leva hoxe para casa un conto que gañamos no sorteo "Concurso Escolar de entroido 2022 dos Bolechas", coa nosa foto titulada " Entroidando con Rosalía "

 

No terceiro trimestre seguiremos investigando, traballando e descubrindo cousas xeniais sobre a nosa vila. E viviremos novas aventuras!!

Vémonos o martes 19 de abril!!! 

Moreas de bicos 😘😘

Paco Nogueiras visita o cole

Hoxe recibimos unha carta de Paco Nogueiras; escribíunos dende Kalandraka, a fábrica de LIBROS PARA SOÑAR. Nela nos contaba que ás 11.30 estaría no noso cole para cantar e contar con todos e todas nós.

Paco trouxo unha maleta repleta de contos, abrimos moi ben os ollos e as orellas e escoitamos historias de animais, contos de bechos grandes e pequenos, de ratos que van á escola, a historia de Elmer o noso elefante favorito...

Todos e todas nós axudamos a Paco facendo ritmos, lendo, cantando e repetindo retroses como "esta granxa é xenial que apareza outro animal!!!"

Queremos agradecer a Kalandraka editora esta sesión de animación á lectura tan especial e a Paco Nogueiras a súa visita que nos encheu de contos, música, maxia, historias e sorrisos...

O aniversario de Papirus

 Hoxe os trasniños e as trasniñas fomos ata o cole dos maiores, Papirus o noso polbiño preferido estivo de aniversario o pasado domingo 24 de outubro e convidounos a visitalo no seu Bibliocastelo!!

Na aula preparamos con moito agarimo uns banderís nos que compuxemos con letras a mensaxe PARABÉNS PAPIRUS e decoramos con debuxos, cores e pegatas.

No corredor do Bibliocastelo descubrimos que estabamos debaixo do mar e alí pendurado nun recanto atopamos a Papirus, tiña unha fermosa torta de aniversario e unha chea de agasallos, nós cantámoslle o parabéns para ti, e entregámoslle os nosos banderíns como agasallo. Tamén cantamos e bailamos a súa canción... Papirus, ten tres corazóns.....

Entramos no Bibliocastelo e alucinamos co grande que é, está cheo de contos pero ademáis tamén hai uns recantos chulísimos para traballar e aprender!!

As profes contáronnos o conto Corre, corre cabaciña pero... non o contaron coma sempre... representáronno converténdose na avoíña, a neta, o lobo, o oso, o león.... foi moi moi divertido!

Antes de voltar ao cole puidemos ler uns contiños e xa de volta na aula decoramos uns fermosos marcapáxinas que Papirus nos agasallou para que lembremos o día do seu aniversario.

Do Bibliocastelo tamén trouxemos as mochilas viaxeiras, que dende xa, comezan a visitar as casas dos trasniños e das trasniñas para poder gozar dos contos en familia.

Grazas polo convite Papirus!! encantounos visitarte no Bibliocastelo!!!

Día do libro

Hoxe,23 de abril, é unha data moi importante para os trasn@s, conmemórase o día do libro, queredes saber cómo festexamos este día tan especial?

Cada trasniñ@ escolleu o seu conto favorito e  fixemos unha foto con él. Despois baixo o lema DÍA DO LIBRO pegamos as nosas fotos na porta de Papirus para poder ensinarlla ás nosas familias.  Mírade que chulo nos quedou.

Despois cada un compuxo o lema fixándonos moi ben na letra incial, na loxitude de cada palabra (curta. longa ou mediana) e o número de letras (dous, tres ou cinco), así ordenamos o título baixo o que colocamos a nosa foto co conto favorito. E o mellor e máis divertido de todo....

Por qué é o meu conto favorito? 

Unha morea de respostas chulas e divertidas encheron as nosas aulas: 

- porque es el que me lee mamá por la noche

- porque me gusta cuando Cocorico de come todo el biscoito

- porque me hace reír

- porque lo tengo en mi casa

- porque saen moitos animais

Para rematar este día tan tan especial decoramos un marcapáxinas que o equipo de biblioteca do noso cole preparou con moito agarimo. Quedóunos xenial!!!!

Disfrutade do día internacional do libro hoxe e sempre, e recordade que a lectura é a fábrica da imaxinación (Jairo Gomelsky). 

Comezamos unha nova aventura

Parece que foi onte cando os trasniñ@s comezaban as súas aventuras no cole e xa estamos no último trimestre do curso!!!

Estes días descubrimos cal será a nosa seguinte aventura na escola, unha mañá apareceron seis letras colgadas na nosa cortina, todas as letras era ben coñecidas por nós: a de Cris, a de oso, a de Noa..... siiii!!!! A palabra agochada era CONTOS , eles serán os protagonitas das cousiñas que imos traballar no cole nas vindeiras semanas.

Primeiro averiguamos cal era o conto ou contos favoritos de cada trasniña e trasniño, algúns son moi coñecidos: O Coelliño Branco, Cocorico, Os tres porquiños.... outros o son un pouquichiño menos, xuntos os descubriremos e as súas personaxes nos acompañarán e farán vivir moitos momentos únicos.

Deixámosvos a canción dun dos nosos contos favoritos: COCORICO da fábrica de contos OQO editora. Cantade e bailade con nós!!!!

Animación á lectura con Kalandraka!!

Este martes tivemos na escola unha visita moi moi especial, Sara e Alex viñeron dende a fábrica de contos de Kalandraka hasta o noso cole para contarnos, cantarnos e sobre todo animarnos á ler e a gozar cos contos!!

Pasámolo en grande!!

Graciñas por vir!!!

Os trasnos obtivemos o primeiro premio no concurso Provincial Xoga coas Manciñas

Hoxe fomos ata a Deputación Provinvial de Pontevedra para recoller o premio que obtivemos polo noso video de "A princesa do Caurel"

O fallo do concurso foi o seguinte:

3º Premio “A sinfonía de Uxía”

2º Premio “O Cocodrilo”

1º Premio “A Princesa do Caurel”, o xurado escolleu coma primeiro premiado de entre tódolos participantes o conto cantado " A Princesa do Caurel" pola súa complexidade en Lingua de Signos, por ser un vídeo cun formato visual limpo e claro, pola preparación previa que tivo que levarse a cabo tanto na montaxe do vídeo coma na formación en lingua de signos. Nenos e nenas de 3 anos do CEIP Plurilingüe A Pedra.

Vivimos unha xornada fantástica, se queredes saber máis premede nas seguintes imaxes...

Coma iso de gañar un premio é moi importante, saímos na prensa...

"profe pues si que es importante lo que hicimos porque es verdad que estamos en el periódico"

Ademáis de convidarnos a un acto de entrega de galardóns especialmente pensado para nós do que desfrutamos moito moitísimo tal e como se aprecia nos videos.... a Asociación de Xordos de Galicia, a Deputación de Pontevedra e o Concello de Pontevedra entregáronnos unha chea de agasallos...

Un diploma!!!

Un lote de libros e dvds para a biblioteca do cole!!!

Un conto dos Bolechas para cada un de nós que levamos para casa!!

E próximamente desfrutaremos todas e todos dun contacontos en Lingua de Signos que a Organización de Xordos de Galicia, Xoga vai realizar para nós na escola!!!!

Deixamos unha foto para o recordo... Somos un gran equipo!!!!

Marc, o ilustrador de contos....

Quen pinta os contos?? 

Grazas ao traballo que estamos a facer no noso proxecto dos contos, os trasnos sabemos que os contos os pintan ilustradoras e ilustradores, artistas que poñen en imaxes as historias que nos queren contar as autor@s dos contos.

Para saber máis sobre o fermoso traballo dos ilustradores decidimos invitar á escola a un dos nosos ilustradores preferidos, Marc Taeger que ademáis de ser un gran artista é o papi da nosa compañeira Matilda.

Marc aceptou encantado a nosa oferta e hoxe achegouse á escola para ensinarnos unha morea de cousas marabillosas, mirade....

Elmer!!!

Entre os contos que máis nos gustan aos trasnos está a historia dun elefante moi especial... Elmer

Hai uns días chegou a escola, dende a fábrica de contos de Kalandraka unha edición especial do conto de Elmer, e na portada o conto traía unha pegatina coa que descubrimos que Elmer está de aniversario, cumpre 30 anos!!!

Logo de ler o conto, pensamos que podiamos facer para homenaxear ao noso elefante preferido no seu trinta aniversario e sabedes que fixemos??? mirade....

Se ainda non coñecedes o conto de Elmer, podedes descubrilo no seguintes videos....

E se queredes ver a nosa obra de arte... achegádevos á porta dos trasnos na escola!!!

Os xogos de mesa dos trasnos!

Esta semana na escola os trasnos descubrimos un novo material co que aprender xogando!!

Trátase de tres xogos de mesa onde os personaxes dos contos son os protagonistas!!! Na asamblea explicamos as regras do xogos, precisamos un dado e unhas fichas e o obxectivo é chegar ao final do camiño avanzando tantos lugares como o dado indica. Pero con moito coidado porque se caemos nas casillas nas que están o lobo, a cabra cabresa ou o gato pelado; teremos que voltar a comezar!!

Xogando cos nosos taboleiros traballamos e afianzamos moitos contidos matemáticos: o conteo, a serie numérica, a identificación e memorización visual de cantidades co dado, a asociación do número á cantidade...

A nova aventura dos trasnos!!!

Estes días na escola os trasnos descubrimos a que será a nosa nova aventura, durante este terceiro trimestre os protagonistas do noso traballo na escola serán os contos!!!

Para comezar fixemos unha enquisa para saber cales eran os nosos contos preferidos, xa temos un listado cos títulos que máis nos gustan, con eles imos traballar nas vindeiras semanas!!

Ademáis de lelos algúns deses contos tamén se poden cantar e bailar!!!

Mirade.....