Da man do profe David, levamos semanas traballando e facendo unha morea de actividades chulas para identificar, recoñecer e comprender as nosas emocións e as dos outros. Un bo día ao chegar colgaba do teito unha especie de cabana, un tul con luces, preparado para xogar e estar cos nosos amigos e amigas tranquil@s. Co paso dos días adornámolo con coxíns, peluches, popis, contos.... convertiuse no noso RECANTO DAS EMOCIÓNS, un lugar tranquilo no que estar, compartir, descubrir, falar de como nos sentimos e aprender a xestionar.
Unha das primeiras actividades que lles propuxo aos trasniñ@s foi o PANEL DAS EMOCIÓNS, co obxectivo de descubrir e recoñecer as nosas propias emocións. Para iso escolleu cariñas de emoticonos (moi coñecidas por todas e todos nós): triste, enfadad@, content@, soprendid@.... Contounos contos para recoñecer cada emoción, contamos e vivenciamos diferentes situacións e unha vez identificada cada unha, pasamos ao seguinte obxectivo: identificar como nos sentimos en cada momento...nun panel con "emojis" colocábamos o noso nome na asamblea e contábamos porque estabamos contentos, tristes ou enfadados; ao longo da xornada movíamos o noso nome unha morea de veces!!!!
O profe David plantexounos outra actividade súper chula e divertida!!!! Para expresar os nosos sentimentos e emocións a traves da linguaxe verbal e non verbal, cada maña cada un de nós xunto coa encargada ou encargado escollíamos un TIPO DE SAÚDO de entre todos os que decidimos incluir no noso panel dos bos días: chocar as mans, dar un salto, un chasquido, chocar os pes, os cús, saudar signando... e así cada día nos saudamos dun xeito cariñoso e divertido.
Entre os moitos contos que limos estes días descubrimos as historias de Blef, un extraterrestre co que profundamos nas distintas emocións a través das súas aventuras. O profe David propúxonos crear unha caixa monstruosa que se comera os nosos medos, e así foi como convertemos unha caixa de zapatos nun gracioso mostruo ao que lle demos de comer os nosos medos en forma de debuxo.
Cos diferentes tipos de emocións descubrimos que podemos estar tristes, enoxados ou nerviosos, e que cando estamos así non nos sentimos ben e ás veces facemos ou dicimos cousas que non lles gustan aos nosos amig@s. Para iso o profe David axudounos a crear unhas BOTELLAS DA CALMA, co obxectivo de desenvolver habilidades e gestionar as propias emocións. Con auga, gomina e aceite mesturamos purpurina, estrelas, colorante, abalorios e todo tipo de brilli brilli. Cando queremos estar tranquilos ou voltar á calma, no noso rinconciño das emocións, collemos unha das botellas, axitamos forte o observamos como os abalorios e a purpurina caen lentamente ata o fondo da botella.
O profe David fixo unha foto con cada aula para gardar de recordo do seu paso polo noso cole.
E ademáis trouxo de agasallo de despedida unha flor feita de chuches, un marcapáxinas personalizado e unha bolsa con máis chuches.
Os trasniñ@s e as súas familias trouxéronlle de sorpresa un chaveiro con dous trasniñ@s que lle encantou!!!, o cole agasallouno cun portalápices de Papirus e ademáis, fixémoslle un vídeo con todos os momentos especiais que vivimos xunt@s, para que leve aos trasniñ@s no seu corazón para sempre. No noso xa quedou a súa pegada. Profe David eres e serás un profe fantástico. O teu alumando vai ser súper afortunad@.
As trasniñas, os trasniños e as profes xa fomos súper afortunados por poder aprender tanto de ti. Moitas grazas por tanto profe David!!!!!!
