Entroido 2019

Como ben sabedes este ano no cole estamos a traballar os dereiros humanos, aproveitando o 70 aniversario da súa declaración; Así que neste entroido os nenas e nenas de infantil quixemos reivindicar o Dereito a Sanidade disfrazándonos de doutoras e doutores.

Despois de traballar arreo nas aulas, chegou o día do desfile do entroido; Enchemos as barrigolas, antes de saír, coa merendola tan especial que troxemos: galletas, filloas, orellas....
Despois fixemos grupos de 5 amigos e amigas coas que ir trouleando no desfile e...... as 11 os trasnos saímos rumbo á praza do concello.

Baixamos cantando e bailando ata a praza do concello, alí cantamos e escoitamos as coplas do Entroido de todo o cole; ao chegar ás aulas, a merenda especial e os zumes agardaban por nós para repoñer forzas.

Foi un día fantástico, Moitas grazas aos papis e mamis que viñeron disfrazados con nós e a todos e todas por acompañarnos no desfile.

Lembrade que os disfraces de doutores e doutoras poderédelos usar no enterro da sardiniña. Vémonos o xoves  7 de volta no cole.