Facemos unha curtametraxe coa profe Lara!!!

 A raíz da lectura do conto “Polo camiño”, os trasnos e trasnas, decidiron facer unha gravación.

Para motivalos aínda máis, fixemos un breve trailer, para que así visen como ía quedar a curta.

De seguido, tivemos que traballar moito, preparar as máscaras e aprendernos ben o relato.

Durante aproximadamente dúas semanas de moitoooo esforzo, filmamos as diferentes tomas e escenas. Apesares de ser unha tarefa complexa, saíunos xenial porque somos todos/as uns artistas!!

Tamén manipulamos un recurso cos protagonistas da historia, para practicar e potenciar o conteo ata 10.

Certo é que non só traballamos a posta en escena e o conteo, senón que tamén reforzamos o esquema corporal e ampliamos o noso repertorio coa lingua de signos.

Foi toda unha aventura facer esta curta!

Hoxe antes de marchar para casa xuntámonos todas e todos para facer a estrea da nosa curta, encantounos vernos na pantalla!!!

Queremos compartila con todos e todas, mirade que artista é a profe Lara e os trasniños e as trasniñas!!

Grazas profe Lara, encantounos facer esta aventura de cine contigo!!!

Fic Bueu alá imos!!!!!

Hoxe foi un día moi especial, as trasniñas e trasniños fixemos a nosa primeira saída de 5 anos fomos ao Centro Social do Mar para desfrutar das curtas da sección cativa do MiniFIC. 

Cando chegamos unhas chicas moi simpáticas con camiseta granate guiáronnos á entrada onde deixamos alimentos non perecedoiros a nosa pequena aportación para a iniciativa de colaboración do FICBUEU co Banco de Alimentos.

Despois fixémonos unha foto todas e todos no photocall do FICBUEU!!!!

A sesión que visionamos tiña un total de oito curtametraxes! Dalgunhas curtas sabíamos xa o título, doutras coñecíamos aos protagonistas, outras sorprendéronnos moitísimo!!!!! porque nos días previos á nosa visita traballamos na aula coa proposta didáctica que elaborou o FIC para nós que dentro das suas actividades nos invitaba a imaxinar a historia que había detrás de cada curta observando só un dos seus fotogramas.

Ao rematar a proxección, entregáronnos unhas papeletas de votación para que valoráramos as curtas que vimos, ao chegar ao cole fixemos esa valoración e analizando os datos descubrimos que as curtas favoritas dos trasn@s foron Mishou, Polgariña e O canario Kiki. 

Foi un día xenial!!!!! Moitísimas grazas por invitarnos ao MiniFIC. 

Recordade que este venres pola tarde haberá ás 17 horas o CONSERTASSO NA HORTA de Brais das Hortas co que apañaremos kiwis; e ás 18:30 a sesión de curtas en familia; una selección de curtametraxes para todos os públicos á que poderemos asistir coa nosa familia e amigos (lembrade retirar os convites gratuítos no despacho de billetes para asistir á proxección).