OUFF ESCOLA!!

Onte os trasniños e as trasniñas vivimos unha xornada moi moi emocionante, saímos cedo da escola para poñer rumbo a Ourense, estabamos convidados á Gala de entrega de premios do certame OUFF ESCOLA, como finalistas pola nosa curtametraxe " É o meu aniversario"

Logo dunha viaxe en bus onde tivemos tempo de falar, compartir coas compañeiras e compañeiros, cantar e coñecer novas paisaxes, chegamos ao auditorio de Ourense.

Ocupamos as nosas butacas e asistimos á Gala. O presentador anunciou que ían desvelar o nome dos traballos gañadores e entón aconteceu isto....

Os trasniños e as trasniñas subiron ao escenario para recoller o seu premio...

Puidemos ver a nosa curtametraxe proxectada na gran pantalla de cinema!!!




E para rematar voltamos subir ao escenario para facer unha foto con todas e todos os presentes no acto!






Xogamos un anaquiño na praza do auditorio e voltamos para Bueu felices pola experiencia.

Hoxe ao chegar á escola atopamos isto....

O xogo do lince, disfraces de superheróes e superheroínas, selos do Samaín, un reloxo.... e ademáis un diploma e un boli máxico para cada un!!

O premio que nos concederon ten asignados 300€ para que os invirtamos en material para a escola, hoxe preguntamos aos trasniños e ás trasniñas que querían mercar con eses cartos, xa temos algunhas ideas.... playmobil, contos novos, bonecas, dinosaurios, cascos para escoitar música, un micrófono....entre todas e todos chegaremos a un acordo e faremos a compra do material que decidamos.

Noraboa trasniños e trasniñas!!!!

Os trasnos temos que ir ata Ourense!!!!

Esta semana na escola recibimos unha noticia que nos encheu de ilusión...

Recibimos un correo electrónico dende o Festival de Cine Internacional de Ourense, para informarnos de que a nosa curtametraxe "É o meu aniversario" está seleccionada como finalista dentro do OUFF Escola, a sección escolar deste Festival. Que gran noticia!!!

Nas aulas limos o correo electrónico e descubrimos que nos convidaban a asistir á gala de entrega de premios que terá lugar o vindeiro martes 1 de outubro en Ourense!!!

Buscamos Ourense no mapa e vimos que estaba algo lonxe de Bueu e que tardaríamos en chegar unha hora e media.... preguntamos aos trasnos se querían ir ata Ourense e a resposta foi unánime... SIIIIII

De modo que o vindeiro martes os trasniños e as trasniñas iremos en autobús ata Ourense para vivir a Gala de entrega de premios do OUFF escola coma os grandes artistas que somos!!!

Os trasnos imos ao FICBUEU

Os trasnos tivemos un comezo de curso moi emocionante e marcado polo cinema!!

O primeiro día de cole logo de reencontrarnos na escola e falar de todas as cousas que fixemos no verán, saímos das aulas para ir al FICBUEU, o Festival Internacional de Curtametraxes de Bueu convidounos a asistir a unha sesión de proxección especialmente deseñada para nós!!

Baixamos camiñando e cantando cos amigos e ata fixemos unha paradiña no parque do concello para xogar!!

Ao chegar ao Centro Social do Mar, ocupamos as nosas butacas e comezou a proxección. Na sesión puidemos ver 9 curtametraxes feitas en sitios tan lonxanos coma Rusia, Alemaña, Suíza, Francia.... nove fantásticas historias coas que disfrutamos moito pero sen dúbida as que máis nos gustaron foron a do crocodilo que quería comer un neno, a do paxariño que quería aprender a voar e a das formigas, porque había unha formiga que tiña unha chea de ideas divertidas!!

Se queredes acceder á información das curtas que miramos no FIC premede na seguinte imaxe!

Logo da proxección fixemos unha foto todas e todos xuntos no photocall!

Foi un primeiro día de cole fantástico!!!

"É o meu aniversario" finalista no certame Olloboi 2019

Hoxe os trasnos estamos de celebración!!!!

Recibimos unha fantástica noticia dende o festival audiovisual escolar Olloboi.

A nosa curtametraxe "É o meu aniversario" foi seleccionada como finalista no Olloboi 2019 dentro da categoría de Arte e Música.

O vindeiro venres 10 de maio terá lugar en Boiro a gala de Olloboi onde se darán a coñecer os gañandores do certame; como Boiro está moi lonxe e o acto é a última hora da tarde, decidimos que asistan as profes o venres para representarnos e todas e todos celebrar na escola o seguinte luns. Imos preparar festa rachada!!!

Se queredes máis información sobre o certame e visualizar os excelentes traballos audiovisuais que participan no festival podedes facelo premendo na seguinte imaxe