Hoxe, 8 de marzo, os trasniños e trasniñas conmemoramos o día internacional da muller.
Aproveitamos o noso proxecto sobre Bueu para traballar a MATILDE BARES. Coa axuda do conto "Pequena biografía de Matilde Bares, da colección mulleres galegas" (Lela edicións), descubrimos a esta mestra que exerceu a docencia e contribuiu a alfabetización e formación de moitas persoas da nosa vila. Descubrimos tamén a súa casa e ata unha rúa que leva o seu nome aquí en Bueu.
Hoxe, 8 de marzo, conmemórase o Día Internacional da Muller, así que Papirus non quixo desaproveitar unha data tan importante no noso calendario, para seguir traballando cos trasniñ@s os obxectivos do desenvolvemento sostible (ODS):
"Igualdade de xénero" e "Reducción das desigualdades".
Queredes saber o que fixo? Papirus deixounos a súa caixiña cunha nova misión.
Dentro da caixa atopamos as fotos das mulleres máis importantes das nosas vidas, as nosas nais, avoas, irmáns, tías... mulleres únicas e moi moi especiais para nós.
Collimos un corpo e buscamos entre todas a foto da nosa muller especial; con moito cariño coloreamos a roupa de cor morada.
Despois unimos o corpo coa cara e ...... mision cumprida!!!! Xa temos un novo selo no noso carné!!!!
Hoxe a nosa homenaxe, a homenaxe d@s trasniñ@s vai por todas esas mulleres que nos rodean: a que coida de nós, a que cura as nosas feridas, a que nós fai cóxegas cando estamos content@s e dános bicos e aloumiños cando estamos tristes.
Por esa muller que xoga con nós, pola que nos fai a comidiña que máis nos gusta, pola que nos lee contos pola noite, por esa muller coa que ás veces rifamos, pola que nos convida a súa casiña e a que nos leva a sitios guachis. Pola que nos agasalla con flores, pola que sempre sabe o que precisamos sen pedilo, por todas, porque sempre tendes un sorriso para nós.
Porque cada unha de vós sodes únicas e moi moi especiais para nós e porque co voso apoio conseguiremos todo o que nos propoñamos!!!
A todas as mulleres GRAZAS!
