A robótica das trasniñas e trasniños

Esta semana comezamos, da man da profe Lucía, as nosas clases de robótica; a robótica educativa entendida como ciencia, como medio para aprender a programar, un primeiro contacto moi básico coa programación e a tecnoloxía. 

En pequenos grupos traballamos aspectos como a direccionalidade e posición dos obxectos, ademáis da comunicación lingüística, social, dixital e matemática.

Hoxe coñecimos o que será o noso novo amigo de aventuras, un simpático ratiño azul, un pequeno robot programable ao que lle propoñemos un obxectivo (chegar ata o queixo) ao que ten que chegar programando no caparazón do rato os movementos a seguir (adiante, adiante, xiro...); despois prememos no botón verde e o rato comeza a moverse coas nosas ordes, así comprobamos si conseguimos chegar ao noso destino ou non!!!

Somos unhas artistas e uns artistas e o ratiño ponse súper contento cada vez que  superamos o reto e consegue desgustar o seu anaco de queixo!!!!

Doc O dragón durmiñon!!

O noso amiguiño SUPER DOC aproveitou este entroido para plantexarnos dúas misións; na primeira delas, DOC que investigou e averigou  o disfraz que estábamos a preparar para o noso desfile, propuxo as trasniñas e trasniños botar unha partida ao dominó; Sobre o taboleiro colocou as fichas deste xogo, e cada un de nós tiña que programar ao robot para conseguir chegar de cada vez a unha nova ficha que puidesemos colocar xunto a anterior seguindo as normas do dominó clásico.

SUPER DOC quixo soprendernos e regresou das vacacións de entroido disfrazado, pois si, como escoitades disfrazado de DRAGÓN. O problema é que o noso amiguiño e un DURMIÑÓN e cada vez que remata de comer ten que ir a súa cova para poder durmir e durmir....

A nosa segunda misión foi guiar ao DRAGÓN DURMIÑÓN polo taboleiro según o que lle apetecía comer en cada momento: libélulas, morcegos, flores...para conseguir o alimento concreto que precisaba o dragón tiñamos que analizar o percorrido sen mover a Super Doc da posición inicial. Unha vez interiorizado o camiño que o dragón debía seguir, empregamos os botóns da cabeza para secunciar e conseguir o obxectivo proposto. 

SÚPER DOC

O novo ano trouxo unha gran sorpresa na nosa clase de robótica....

O noso amiguiño, o rato Ratolfo, marchou de vacacións de nadal e aínda non regresou; mentres anda de viaxe polo mundo, enviounos a un moi bo amigo seu SUPER DOC, un robot de ollos verdes que ten moitas ganas de xogar con nós e plantexarnos unha morea de misións  que teremos que cumplir para ir avanzando e desbloquenado novos retos e aventuras .

Ademáis SUPER DOC garda agochadas moitas sorpresas e personaxes nos que se irá transformando ao longo deste segundo trimestre; pouquiño a pouco as trasniñas e trasniñas os descubrirán.

Benvido SUPER DOC!!!

Bo Nadal Ratolfo!!!

 E por fin as trasniñas e trasniños descubrimos a mensaxe que Ratofo quería transmitirnos; logo de superar os círcuitos que o ratiño preparou para nós averiguamos e compuxemos todas as sílabas atopadas para poder ler:

FE - LIZ  

NA - VI - DAD 

O noso ratiño favorito despídese de nós ata o vindeiro ano, no segundo trimestre volverá cargado de novos retos, aventuras e ...... unha morea de sorpresas que pouqiño a pouco iremos descubrindo.

Bo Nadal para Rotolfo vémonos á volta das vacacións!!!!

Ratolfo!!!!

O noso ratiño máis simpático está argallando algo, algo moi misterioso... Despois de superar as probas do Magosto e xogar con él coas castañas, decidiu poñernos uns novos retos para reconvertelo. 

Fixemos varios percorridos programando secuencias que nos levaban ás diferentes zonas da nosa biblioteca: o rectángulo verde que é a zona de contos de animais, a estrela dourada onde están os contos de carriño...... o obxectivo era atopar partes dun disfraz para converter ao noso rato en.... RATOLFO!!!!!

Unha vez reconvertido, Ratolfo mirou como as trasniñas e trasniños estábamos desfrutando a tope do Nadal e decidiu propoñernos un reto: cada semana tíñamos que averiguar, compoñer e programar un percorrido para Ratolfo, ao final, cando conseguíamos superar o reto, atopábamos unha pista e un sobre con letras.....

Que será?  Son sílabas? Que nos querera contar Ratolfo? Xa temos case averiguada a mensaxe, soamente nos falta unha sílaba por descubrir........seremos quen o vindeiro mércores de superar as pistas, programar o percorrido e descifrar a mensaxe??

Este Ratolfo é un auténtico pillabán!!!!!

Estamos desexando que chegue o vindeiro mércores......

O Ratiño quere vir á festa do Magosto

Hoxe, cando chegamos á clase de robótica, o noso ratiño favorito tiña unha misión preparada para nós!!! Precisaba da nosa axuda para preparar a festa do Magosto de mañá!!!

PRIMEIRO tivemos que axudar a Ramón a prender o lume para asar as castañas e levar ao ratiño polo camiño MÁIS LONGO que atopamos.

SEGUNDO axudamos ao ratiño a chegar a xunto das nosas amiguiñas e amiguiños de 3 e 4 anos, para cantar a bailar todos xuntos, a canción de Uxía Lambona "O OUTONO".

De seguido, a TERCEIRA misión, como xa  tiñamos ao ratiño desfrutando con todos e todas, puxémolo a bailar e dar voltas de festa!!!!

A CUARTA misión foi moi dificil!!! tivemos que contar ata 18 castañas, unha decena máis oito, para compartir co noso amigo ratiño e levalo polo camiño MÁIS CURTO!!!

A última misión, a QUINTA, consistía en xogar cos amigos da Asociación Juan XXIII  e axudar ao ratiño a chegar aos diferentes xogos dos que mañá poderemos desfrutar todos e todas!!!!!

Un morcego precisa a nosa axuda!!!!

Nas nosas sesións de robótica xa introducimos "o ratiño", un robot programable no que propoñemos un obxectivo (chegar a ata o queixo) e construímos un labirinto preparando a programación do rato coas tarxetas de secuencias (adiante, xiro, atrás...). Despois facemos esa programación no caparazón do rato, e prememos no botón verde, o rato comeza a moverse coas nosas orden e comprobamos si conseguimos chegar ao noso destino ou non.

Esta semana a profe Lucía tiña preparada unha sorpresa terrorífica!!! o ratiño converteuse nun morcego!!! un morcego que se atopaba moi moi triste e perdido, precisaba da nosa axuda para poder chegar ata o castelo encantado!!!!

Seremos as trasniñas/os quen de axudalo???

Co súper morcego hoxe as trasniñas e trasniños afianzamos diferentes contidos que estamos traballando da nosa programación dentro da secuencia das festas do outono (concepto espacial entre, labirinto, vocabulario do Samaín...), o obxectivo era conseguir que o morcego chegase a diferentes obxectos (araña, mostro verde, bruxa, cabaza...) construíndo o noso propio percorrido sendo diferente a dos outros trasniñ@s do resto do equipo).

Pouco a pouco coas nosas sesións de robótica seguimos avanzando no pensamento computacional (coa resolución de problemas dunha secuencia ordenada de pasos), na direccionalidade e posición dos obxectos. Traballamos ademáis diferentes intelixencias múltiples (lingüística, espacial...) e competencias clave como: comunicación lingüística, social, dixital e matemática e básica en ciencia e enxeñaría, social....

A robótica mola un motón!!!!

Robótica dos trasn@s

Esta semana comezamos, da man da profe Lucía, as nosas clases de robótica; a robótica educativa entendida como ciencia, como medio para aprender a programar, un primer contacto moi básico coa programación e a tecnoloxía.

As trasniñas e trasniños xa somos uns expertos e levamos dous anos traballando e xogando co noso ratiño dentro da aula, pero este ano temos reservada unha sesión todos os mércores para, en pequeno grupo, resolver problemas a través da ciencia, tecnoloxía, enxeñería e matemáticas (STEM). 

O primeiro pasiño fixemolo cunha serie de actividades interactivas vivenciais, onde o noso corpo experimenta e realiza os diferentes comandos e secuencias (cara diante dous pasos, xiro á dereita, parar....); deste xeito traballamos a linguaxe posicional, a direccionalidade, a secuenciación e o traballo en equipo e xogo cooperativo.

Fixemos varios circuítos, cun punto de partida e un punto de chegada, seguindo a secuenciación marcada, superando os obstáculos para conseguir o reto marcado.

Pasámolo moi ben, xa estamos desexando que chegue a vindeira semana para descubrir o noso seguinte obxectivo....