Aniversarios de marzo

Hoxe foi otro día festeiro no cole, as nosas trasniñas Helena, Mai e Lara Boubeta e o noso trasniño Xián cumpriron 5 anos ao longo deste mes de marzo e fixemos unha festa para desexarlles un feliz aniversario!!!

Despois de facer unha das súas ilusións, a súa coroa con moitas pegatas chulis, escollimos globos, decoramos a aula, colocamos 5 candeas nos biscoitos e despois de cantar o parabéns para ti, cada un deles soprou con todas as súas forzas mentres recibían o aplauso de todos e todas as súas compis.

Merendamos, cantamos e bailamos todos xuntos nunha festa súper divertida. Parabéns aos catro!!!

BUEU MOLA!!!!

Co gallo do 50 aniversario do noso cole, as trasniñas e trasniños estivemos traballando, investigando e coñecendo moitas cousiñas sobre a nosa vila. Descubrimos que o cole estaba en Galicia, na provincia de Pontevedra, península do Morrazo, no concello de Bueu, que ten tres parroquias, como cantan os nosos amiguiños da comparsa Vou nun Bou: "Bueu, Beluso e máis Cela". Contamos ata 12000, que son todos os habitantes de Bueu e descubrimos, cunha visita ao concello, como son a bandeira e o escudo grazas a Tensi e a Silvia.

Buscamos e investigamos sobre as festas máis importantes da nosa vila: o millo corvo, San Martiño, a Virxe do Carme, o Corpus e o Entroido!!! Coñecemos quen era Matide Bares e os servizos máis importantes do noso concello: as nosas pediatras, @s carteir@s, @s policías, @s bombeir@s...

Investigamos sobre as praias e parques e fomos todas e todas xuntos aos nosos favoritos: a praia da banda do río, o parque da tirolina, o parque do concello e o skate!!!

No Museo Massó descubrimos unha morea de cousas sobre as baleas e rematamos investigando sobre a nosa Illa, a Illa de Ons, as súas rutas e camiños, o faro e o seu castelo para defenderse dos piratas!!!!

Na nosa excrursión de fin de curso disfrutamos de todo o aprendido e sobre todo pasámolo fenomenal.

Despois de moitas semanas traballando sobre Bueu as trasniñas e trasniños queremos contarvos a todas e todos que......

                                 BUEU MOLA!!!!!!!

No seguinte vídeo poderedes ver algunhas das cousiñas que traballamos e aprendimos estas semanas. Grazas aos nosos amigos da comparsa Vou nun bou!!!

A ILLA DE ONS!

 Por fin chegou o día, os trasniños e as trasniñas hoxe fomos a explorar a Illa de Ons!!!

Hai uns días Papirus enviounos unha carta na que nos contaba que sabía que estabamos traballando moito no noso proxecto de investigación sobre Bueu e nos invitaba a descubrir mediante un código secreto o máxico lugar a onde iamos ir de excursión de fin de curso todas e todos xuntos...

Fomos quen de descifrar o código secreto e así descubrimos que o noso destino era a Illa de Ons!!

Nas clases preparamos a saída... fixemos o plan do día marcando as cousas que iamos facer...

1º Saimos do peirao de Bueu

2º O barco nos leva á Illa de Ons

3º Facemos a ruta do castelo

4º Comemos

5º Xogamos na praia 

6º O barco nos trae de volta para Bueu.

Tivemos que trazar a ruta que o barco faría pola ría, descubrimos a historia de Benxamín un cachalote da illa de Ons que quería ser golfiño... e marcamos como obxectivo descubir os restos do castelo que grazas aos libros que trouxeron os trasniños ao cole sabíamos que había na illa...

Traballamos moito moitísimo e por fin, logo de tanta preparación, chegou o día sinalado no noso calendario, e comezamos a nosa aventura!!

Foi super emocionante chegar ao peirao de Bueu!! Grazas Familias!!!

Saída ao Museo Masso

Traballando no noso proxecto sobre Bueu descubrimos que na nosa vila había un museo, o museo Massó. 

- que hai nese museo? 

- dinosaurios, arañas, peixes, barcos, tobogáns...... 

algúns sonáballes algo, outros xa o coñecían e outros non sabían ou non recordaban nada; así que hoxe as trasniñas e trasniños saímos do cole cunha misión: averiguar que hai no museo Massó.

Na nosa aventura tíñamos dúas paradas, nos nosos parques favoritos: no da tirolina e no do concello (no que aproveitamos para repoñer forzas).

Dentro do museo descubrimos que hai moitas especies de baleas. Puidemos tocar e agarrar un dente ou as barbas dunha balea de verdade. Tamén intentamos falar como as baleas e comprobamos cantos metros mide unha balea e que ocuparía todo o museo Massó do longa que é. Vimos nun vídeo os espiráculos das baleas e ata un mergullador axudando a quitar un anzol cravado na boca dunha balea!!!! 

Antes de rematar o obradoiro fixemos un enorme quebracabezas entre todos e todas sobre unha balea. Quedounos chulísimo!!!!

Moitas grazas a David e a todo o personal do museo Massó por contarnos e tratarnos con tanto cariño.

SAÍDA Á PRAIA DA BANDA DO RÍO

Dentro do noso proxecto sobre Bueu, hai uns días preguntábamos as familias dos trasniños e trasniñas cal era a praia que máis lles gustaba do concello de Bueu: Agrelo, Lapamán, Portomaior..... pero a que conseguiu máis votos foi a PRAIA DA BANDA DO RÍO. Así que hoxe decidimos ir a pasar o día a nosa praia favorita.

Ao chegar nos preparamos, escollemos a un amigo ou amiga e...... saímos rumbo á praia!!!!

Como non podía ser doutro xeito, paramos no skate do que tantas cousiñas contamos no cole; despois camiñamos un anaquiño e chegamos á Banda do río; tiñamos unha misión moi importante, atopar o coche da profe María no que onte cargamos cubos, palas, pelotas e as bolsas para recoller o lixo. 

Buscábamos un coche de cor branco, moitos coches eran brancos, pero..... os números non coincidían cos do seu coche. Tiñámos que atopar os 4 números e as 4 letras para poder coller os nosos cubos!!!!Cando o atopamos nos puxemos súper contentas e contentos e baixamos á praia a xogar!!!!

Merendamos para repoñer forzas e por equipos percorrimos a praia, dun lado ao outro, buscando e recollendo o lixo: unha chancleta, un anaco de cepillo de dentes, chapas de refresco, panos sucios, restos de plásticos..... 

Misión cumprida!!!!!! Pensamos que fomos quen de deixar a praia moi limpiña; non era moito lixo, pero aínda así temos unha bolsa chea, seguro que atopamos un xeito de darlle unha nova vida a ese material de refugallo!!!

Antes de regresar ao cole paramos un anaco no parque do barco pirata, é un dos nosos favoritos, aínda que outro día baixaremos ao parque que máis votos conseguiu polos trasniñ@s.

Foi un día xenial, chegamos moi cansos, pero pasámolo moi moi ben!!!!!

Día internacional da muller

Hoxe, 8 de marzo, os trasniños e trasniñas conmemoramos o día internacional da muller. 

Aproveitamos o noso proxecto sobre Bueu para traballar a MATILDE BARES. Coa axuda do conto "Pequena biografía de Matilde Bares, da colección mulleres galegas" (Lela edicións), descubrimos a esta mestra que exerceu a docencia e contribuiu a alfabetización e formación de moitas persoas da nosa vila. Descubrimos tamén a súa casa e ata unha rúa que leva o seu nome aquí en Bueu.

Imos ao Concello de Bueu

Hai uns días Papirus deixounos na aula unha imaxes misteriosas... observámolas e comezamos a pensar que poderían ser....

Tiñamos clara que unha era unha bandeira pero de onde?? fomos dicindo de onde pensábamos que era a bandeira, de Rusia, de Portugal, de España, de Galicia.... comprobamos buscando na pizarra máxica que a bandeira que nos deixou Papirus non era de ningún deses lugares e entón alguén dixo... de BUEU e... BINGO!!! era a bandeira de Bueu!!!

Buscando a bandeira de Bueu na pizarra máxica, tamén apareceu a outra imaxe misteriosa, e chegamos á conclusión de que tamén era algo de Bueu.... xunto ás imaxes Papirus deixara uns carteis con palabras escritas, nun cartel limos a palabra BANDEIRA e no outro a palabra ESCUDO polo que chegamos á conclusión de que a imaxe que tiña o barco era o escudo de Bueu.

Observamos a bandeira e o escudo, fixándonos nos seus elementos, pensamos que podían representar as raias brancas da bandeira: nubes, fume dun volcán.... e como non tiñamos claro que era nin por que estaban alí decidimos preguntar ás e aos que máis poden saber da bandeira e do escudo de Bueu e... chamamos ao concello; falamos con Tensi para preguntarlle se podíamos achegarnos ao concello para que alguén nos axudara na nosa investigación e Tensi xestionounos unha cita con Silva Carballo a concelleira de turismo e promoción económica. 

Hoxe mércores saímos da escola coa misión de descubrir os elementos do escudo e a bandeira e o por qué da súa presenza nos símbolos do noso concello.

De camiño fomos moi atentas e atentos por se nos atopábamos con escudos ou bandeiras de Bueu e tivemos moita sorte... descubrimos o escudo na entrada da piscina, e o logotipo do concello nos aseos do parque da tirolina, na máquina barredora que limpa as rúas, nas papeleiras e tamén nas entradas dos garaxes no sinal que indica que non se pode aparcar!!!

Ao chegar a praza Massó descubrimos o edificio do concello ao lonxe e ao achegarnos puidemos ver a bandeira de Bueu ondeando no balcón xunto ás bandeiras de Galicia e de España. E ademáis, un escudo enorme feito no chan...

Tensi e Silvia viñeron recibirnos e convidáronnos a entrar no edificio, subimos a enorme escaleira e chegamos á sala de plenos onde se reúne a corporación municipal e tamén se fan as bodas!! Tomamos asento e escoitamos a Silvia que moi amablemente respondeu a todas as nosas dúbidas; contounos que a bandeira e o escudo son os símbolos do concello de Bueu que nos identifican a todas e todos, e que neles se puxeron cousas moi representativas da nosa vila. Na bandeira as raias brancas son as ondas do mar, e no escudo aparece o barco e o mar porque Bueu é unha vila na que hai moitos mariñeiros, entre eles algún dos nosos pais, tíos, padriños...

Ademais de contarnos unha chea de cousas interesantes Silvia entregounos dous agasallos para levar ao cole: unha insignia co escudo de Bueu e unha bandeira!!! Si, Si unha bandeira de verdade!!! Quedamos alucinad@s!!

A nosas pescudas foron todo un éxito!!!

Esta visita non foi todo o fantástica que podería ter sido porque os trasniños e as trasniñas da profe Cris non puideron acompañarnos nesta misión por mor da covid. Pero... dentro do noso proxecto temos plantexadas moitas novas misións que agardamos poder vivir todas e todos xuntos como o gran equipo de somos!!!

Queremos agradecer ao Concello de Bueu a súa acollida e colaboración e sobre todo a Tensi e a Silvia que tan ben nos acolleron e tanto nos axudaron... GRAZAS!!!

Cantos somos en Bueu

 Dentro da nosa aventura sobre o aniversario do cole estamos traballando moitas cousiñas sobre Bueu.

O outro día estivemos pensando en todas as persoas que estudiaron no cole ao longo destes 50 anos, as que chegaron máis tarde, as que non foron á escola.... e falando falando de tanta xente de Bueu....  atopámonos cunha gran  incógnita, pero... cantas persoas viven en Bueu?

Buscamos no ordenador o número de habitantes e atopamos unha cifra moi moi longa, que non coñecíamos e que non sabíamos como se chamaba:  "o doce cero", o "cientomil"... eran cinco números: o un, o dous o cero, o cero e o cero.

Un trasniño tivo unha súper idea, completar a nosa táboa do 100 a ver si aparecía ahí o número buscado e averiguábamos o seu nome. A táboa xa estaba completa ata o 50, que son os anos que cumpre o cole, polo que colocamos os xefes das familias restantes, que son o 60, 70, 80, 90, 100 e a sua familia completa (61, 62, 63...) fixándonos na primeira fila da táboa (1, 2, 3...) para colocar correctamente cada número debaixo da súa pandilla. 

Cando chegamos ao 100 decatámonos que non aparecera o 12000, polo que buscamos a seguinte táboa, a do 200, despois a do 300, a do 400... o noso número seguía sen aparecer.... así buscando táboas e máis táboas, chegamos ata o número 1000. Escoitamos o nome do número buscado UN, DOUS, CERO, CERO, CERO... DOCEMIL!!!

Así que cando conseguimos os MIL, decatámonos que si seguíamos engadindo números era moi probable que chegásemos ao DOCE MIL, polo que.... seguimos engadindo táboas ata conseguilo, tivemos que poñer 12 táboas do 1000 para chegar ao 12000, o número de habitantes que ten Bueu.

Cada cadradiño cun número é un de nós, un pai, nuha nai, un irmán, soamente somos un cadrado pequeniño dentro de todos os cadradriños que forman a poboación de Bueu.

Quixemos xuntar as doce táboas do mil para ser conscientes da cantidade de habitantes que ten o noso concello,  tivemos que facelo no patio, porque era taaaaaannn longa que na aula non nos collía. Medimos cantos pés ocupaban, cantos saltos tiñámos que dar para chegar do habitante 1 ao habitante 12000, ata medimos cántos nenos, nenas e profes precisábamos estar tumbados para medir tanto coma a nosa táboa.

Conseguido!!!! Xa sabemos que en Bueu vivimos 12000 habitantes!!!

O aniversario do noso cole, a nova aventura dos trasnos!

 Hoxe na escola atopamos unha carta misteriosa....

Ao abrila descubrimos que era unha carta de Papirus!!!

Comezamos a especular sobre o que Papirus nos dicía na carta e chegamos á conclusión de que era algo dun cumpre porque o noso polbiño preferido levaba corona de aniversario e tamén un globo. Para saír de dúbidas decidimos ler entre todas e todos o que dicía a carta e así descubrimos que Papirus precisaba a nosa axuda!

Descubrimos que no globo de Papirus había números, o 5 e o 0 pero... non sabiamos que número era ese... así que... collemos a táboa do 100 onde viven os números e comezamos a colocar a cada número na súa casa, primeiro colocamos os 10 primeiros números que son os xefes das pandillas e logo, fomos colocando as familias das decenas completas en orde fixándonos en cada número para situalo no seu lugar correspondente, así ata chegar ao número que tiñamos que descubrir....ese que está formado polo 5 e o 0.

Cando chegamos ao número que buscábamos, decidimos contar para poder adiviñar que número era, e coa axuda do dedo mandón comezamos a contar dende o número 1 ata que chegamos ao final do camiño e descubrimos que o 5 e o 0 é o número cincuenta!!!

Xa sabemos cantos anos cumpre o noso cole.... 50!!!

Reflectimos o que descubrimos no papel que nos mandou Papirus onde puidemos ver unha foto de como era o noso cole cando se fixo, hai 50 anos....

Con esta misión os trasniños e as trasniñas comezamos unha nova aventura, un proxecto onde descubriremos unha chea de cousas sobre a historia do noso cole e do lugar onde está... BUEU.