hoxe na escola, os trasniños e as trasniñas participamos no "pekerecicla", unha actividade enmarcada dentro PONTE A ZERO un programa da Deputación de Pontevedra que ten como finalidade educar e sensibilizar sobre a redución e a boa xestión dos residuos urbanos.
A través de xogos e contos descubrimos a importancia da separación dos residuos nos colectores axeitados, descubrimos ideas para reutilizar e concienciámonos da importancia de reducir o lixo que xeramos así coma de coidar os recursos naturais.
Aprendemos moitas cousas e pasámolo xenial!!
Hoxe tivemos na escola unha visita moi moi moi especial, os nosos amigos e amigas da Asociación Juan XXIII viñeron ata o noso cole para convidarnos a participar na recollida de tapóns solidarios.
Xuntámonos no ximnasio e alí descubrimos un enorme contenedor que traían para deixar no noso cole!! Con Alejandra, Jacobo e Eva aprendemos moitas cousas sobre a reciclaxe e descubrimos a importante labor que a Asociación Juan XXII no obradoiro de manipulados no seu centro de Cangas; para reciclar os envases e tapóns e darlles una nova vida.
Fixemos unha proba para aprender que cousas podemos meter dentro do contenedor de Juan XXIII e cales non serven e temos de desbotalas no colector amarelo.
Xa somos uns expertos e expertas!!!!
Estamos emocionadas e emocionados por participar nesta fermosa iniciativa cos nosos amigos e amigas de Juan XXII e animávosvos a participar dende casa gardando os tapóns e depositándoos no colector que temos na entrada da escola!!
Dentro do noso proxecto sobre Bueu, hai uns días preguntábamos as familias dos trasniños e trasniñas cal era a praia que máis lles gustaba do concello de Bueu: Agrelo, Lapamán, Portomaior..... pero a que conseguiu máis votos foi a PRAIA DA BANDA DO RÍO. Así que hoxe decidimos ir a pasar o día a nosa praia favorita.
Ao chegar nos preparamos, escollemos a un amigo ou amiga e...... saímos rumbo á praia!!!!
Como non podía ser doutro xeito, paramos no skate do que tantas cousiñas contamos no cole; despois camiñamos un anaquiño e chegamos á Banda do río; tiñamos unha misión moi importante, atopar o coche da profe María no que onte cargamos cubos, palas, pelotas e as bolsas para recoller o lixo.
Buscábamos un coche de cor branco, moitos coches eran brancos, pero..... os números non coincidían cos do seu coche. Tiñámos que atopar os 4 números e as 4 letras para poder coller os nosos cubos!!!!Cando o atopamos nos puxemos súper contentas e contentos e baixamos á praia a xogar!!!!
Merendamos para repoñer forzas e por equipos percorrimos a praia, dun lado ao outro, buscando e recollendo o lixo: unha chancleta, un anaco de cepillo de dentes, chapas de refresco, panos sucios, restos de plásticos.....
Misión cumprida!!!!!! Pensamos que fomos quen de deixar a praia moi limpiña; non era moito lixo, pero aínda así temos unha bolsa chea, seguro que atopamos un xeito de darlle unha nova vida a ese material de refugallo!!!
Antes de regresar ao cole paramos un anaco no parque do barco pirata, é un dos nosos favoritos, aínda que outro día baixaremos ao parque que máis votos conseguiu polos trasniñ@s.
Foi un día xenial, chegamos moi cansos, pero pasámolo moi moi ben!!!!!
Esta semana os trasniños e as trasniñas vivimos no cole unha aventura apaixoante!!!
Da man do profe David descubrimos a Verdemán un superheroe que se dedica a coidar o noso planeta, todo comezou cunha carta na que Verdemán se presentaba e nos preguntaba se queríamos axudalo a reciclar para salvar ao noso planeta...
Aceptamos o reto e puxémonos a traballar, observamos e nos concienciamos das accións que favorecen ao medio ambiente (tirar o lixo na papeleira, camiñar sempre que sexa posible no canto de usar o coche, fábricas sostibles comprometidas co medio ambiente...) e das que non axudan nada a ter un planeta mellor (tirar o lixo na praia, non reciclar...).
Identificamos cada un dos contedores para o lixo pola súa cor e descubrimos que tipo de materiais temos que depositar en cada un deles: PAPEL E CARTÓN, ENVASES, VIDRO E ORGÁNICO
