20 de decembro de 2024

A visita dos Reis Magos!!

Hoxe foi un día moi moi máxico, a ANPA do noso cole conseguiu que as mesmísimas Maxestades viñeran dende Oriente ata o cole de A Pedra.

As trasniñas e trasniños quixemos facerlles un debuxo para que por un día foran eles quenes recibisen agasallos, así que moi cedo puxémonos a traballar.


Cando tivemos os debuxos listos subimos ao cole de primaria a agardar a nosa quenda, mentres aproveitamos para desfrutar dun dos nosos recunchos favoritos: o patio do primeiro ciclo!

Por fin chegou o momento, cunha morea de sensacións: ledicia, nervios, medo... entramos nun lugar marabilloso, cheo de globos, adornos, bolas... e o máis importante, un lugar onde Melchor, Gaspar e Baltasar agardaban por nós.

Os que quixemos metimos os nosos debuxos no buzón real, algúns preferimos non achegarnos tanto, e foron as profes as que levaron o noso debuxo ás SSMM. 



Depois escollimos cal era o noso rei mago favorito para pasar un anaquiño de tempo con él e recibir unhas chuches deliciosas.





Despedímonos ata o ano que ven, cantando panxoliñas xunto co resto do cole, moitas grazas a nosa ANPA por todo o traballo, esforzo, cariño e dedicación para que este día fose máxico; estamos desexando que chegue esa noite tan especial!!!


Deixámosvos un video resumo do que foi este nadal 2024 cheo de maxia para os trasniños e as trasniñas.


Que disfrutedes moito das vacacións vémonos o mércores 8 de Xaneiro do 2025!!!

Ningún comentario: