Unha coroa de nadal con moito brilli

Xa non queda nada para as vacacións de Nadal, así que esta semana aproveitamos a facer unha das  acividades favoritas das trasniñas e trasniños: pescar brilli brillis; mollando a puntiña dun pauciño en cola fomos escollendo unha morea de adornos navideños para decorar as árbores dunha coroa de Nadal; afianzando a nosa motricidade fina pescamos os nosos brillis favoritos, colocamos tantos troncos coma árbores tiña a coroa e puxemos unha estrela na punta de cada árbore. 

Mirade que chulada de coroas!!!

Coas coroas rematadas fixemos unha foto divertida e estreámolas visitando aos nosos veciños do Johan Carballeira, diante do seu instituto teñen unha decoración de nadal preciosa que fixo o alumnado do ciclo de Soldadura e Caldereiría, tivemos a sorte de poder ver de cerca os fermosos renos e a árbore de nadal con luces! e de coñecer aos seus creadores, que xunto co seu profe nos contaron como fixeron os renos e a árbore e incluso nos ensinaron a máscara que usan para soldar!!

As profes do insti convidáronnos a unha riquisima galleta que degustamos de volta ao cole! 

Grazas veciños, gustounos moito ver o que sodes quen de facer!!