Os trasnos levábamos días traballando e investigando, que sabemos do FIC?, que significan as súas siglas? que é unha curta?. Tamén tentamos adiviñar, a partir da observación dos seus fotogramas, a trama das sete curtametraxes que proxectarían nunha sesión cativa deseñada para nós!!!
Hoxe, por fin, chegou o día, en canto chegamos pola mañá, escollimos a un ou dous compañeir@s do noso equipo e puxemos rumbo ao Centro Social do Mar!!!!
Cando chegamos ocupamos as nosas butacas, apagaron as luces e puidemos desfrutar das curtas: "O taller de costura", "O barquiño que quería voar", "O tigre e o seu mestre", "Ao sol", "A gran escapada de Ray", "O elefante Hannibal" e "A pesca milagrosa", sete marabillosas historias feitas en diferentes lugares como Francia, China, Rusia ou España.
Xa de volta no cole, anotamos na papeleta de votacións cales eran as nosas favoritas, a historia do ovo que pasa todo o día ao sol, o barquiño que non quería nadar e quería voar ou os obxectos absurdos que un home pesca nun mar moi tranquilo fixéronnos rir durante moito tempo. Foi super divertido, pasámolo moi ben!!!
Se queredes saber máis e acceder a información das curtas que vimos premede na imaxe, as nosas curtas aparecen dentro do epígrafe "Sección cativa".
Ningún comentario:
Publicar un comentario