MISIÓN CUMPRIDA! Somos superheroes e superheroínas!!!

Hoxe pola mañá Papirus deixounos unha nova misión, moi emocionados descubrimos a súa caixa dos peixes e dentro unha nota onde o noso benquerido polbiño nos anunciaba a misión número 10, a última misión do noso reto, se a superábamos conseguiríamos o último selo para o noso carné e estaríamos preparad@s para converternos en superheroes e superheroínas comprometidos co noso planeta.

Papirus nos pedía axuda para coidar o noso planeta aforrando recursos e enerxía, contounos a importancia de apagar as luces cando non as precisamos ou cando marchamos dun lugar como por exemplo ao saír do baño ou cando saímos ao recreo, pechar as portas e ventás cando temos a calefacción posta para que non escape o calorciño, e pechar as billas para non desperdiciar nin unha gota de auga...

Papirus pediunos que percorreramos o cole para comprobar luces, portas e billas e apagar e pechar todo o que non fose necesario e así aforrar enerxía.

Moi moi emocionad@s, revisamos os baños, o ximnasio, a biblioteca, as aulas, as portas de entrada e saída......

Co traballo feito voltamos a clase e pegamos o noso selo no carné

Era o último selo... só nos quedaba agardar á maxia de Papirus para converternos en superheroes e superheroínas....

E á volta do patio chegou a maxia.... unha imaxe de Papirus na pizarra máxica!!! Que emoción!!!!

- Profe é un video.. dálle dálle!!!

Queredes ver o que pasou???

Grazas ao noso esforzo e compromiso hoxe convertémonos en superheroes e superheroínas comprometid@s co noso planeta, a culminación das dez misións nas que, da man de Papirus aprendemos moito, moito, moito...

Foi una aventura fantástica coa que ao longo deste segundo trimestre traballamos os distintos obxectivos de desenvolvemento sostible (ODS). O noso compromiso co planeta é firme, estamos dispost@as a traballar día a día para ter un mundo mellor!