Superheroes e Superheroínas da reciclaxe co profe David!!

Esta semana os trasniños e as trasniñas vivimos no cole unha aventura apaixoante!!!

Da man do profe David descubrimos a Verdemán un superheroe que se dedica a coidar o noso planeta, todo comezou cunha carta na que Verdemán se presentaba e nos preguntaba se queríamos axudalo a reciclar para salvar ao noso planeta...

Aceptamos o reto e puxémonos a traballar, observamos e nos concienciamos das accións que favorecen ao medio ambiente (tirar o lixo na papeleira, camiñar sempre que sexa posible no canto de usar o coche, fábricas sostibles comprometidas co medio ambiente...) e das que non axudan nada a ter un planeta mellor (tirar o lixo na praia, non reciclar...). 

Identificamos cada un dos contedores para o lixo pola súa cor e descubrimos que tipo de materiais temos que depositar en cada un deles: PAPEL E CARTÓN, ENVASES, VIDRO E ORGÁNICO

Recompilamos todos os nosos traballos nun libriño e preparamos unha portada chulísima onde puxemos a nosa foto para converternos en Verdemán!!

O capitán verdemán estivo toda a semana observando o ben que traballábamos, xa identificábamos as accións que benefician ao planeta,  os diferentes tipos de contedores e que lixo debemos botar en cada un... estaba súper orgulloso de nós pero.... recibimos unha carta na que nos pedía axuda.....

"No ximnasio aconteceu un desastre e está cheo de lixo"

Cando chegamos alí o profe David e Verdemán tiñan preparadas unhas capas para a nosa ÚLTIMA MISIÓN: limpar e reciclar todo o lixo do ximnasio.

Puxemos as iniciais de CAPITÁN VERDEMAN (CV) nas nosas capas e convertémonos en:

 SUPERHEROÍNAS E SUPEHEROES DA RECICLAXE

Percorremos todo o ximnasio... envases, botellas de vidro e plástico, latas de refresco, caixiñas de hamburguesas, cunchas de ameixas, mondas de plátano.... con moito coidado para non mesturar e colocar todo o lixo na papeleira correcta conseguimos limpar o ximnasio!!!!!

MISIÓN CUMPRIDA!!!

O profe David entregounos a cada un de nós un diploma feito e firmado polo mismísimo CAPITÁN VERDEMÁN por converternos en superheroínas e superheroes e  axudarlle a salvar o mundo contra a a contaminación 

Grazas Profe David por ensinarnos tantas cousas dun xeito tan divertido!!!!