Esta semana as trasniñas Alicia e Celia foron as protagonistas, elas cumpliron á perfección con todas as tarefas do seu posto e ademáis tivemos a sorte de poder compartir coas súas familias unha xornada no cole onde aprendemos cousas novas.
Alicia convidou a súa nai Sonia, o seu pai Jose e a seu irmán Hugo. Sonia pintounos as uñas e colocounos unhas pegatas súper chulas nelas. Jose fixo pulseiras e avións de papel e Hugo tiña moitas manualidades preparadas para facer cas trasniñas e trasniños, escollemos para facer unha maceta con flor e un verme que se move moi moi rápido. Ademáis Hugo sorpendéunos con dous trucos de máxia, foi alucinante!
Celia convidou ao cole ao seu papá Manuel e a súa mamá Sandra que xunto con Celia prepararon dúas actividades super chulas, por unha banda trouxeron ao cole o fantástico maletín de facer pulseiras que os trasniños e as trasniñas regalaron a Celia polo seu aniversario, todas e todos aprendemos a facer unhas fermosas pulseiras de gomas de cores. E ademáis aprendemos a plantar tomates, grazas ao avó de Celia que fixo os sementeiros; Manuel Sandra e Celia nos agasallaron cun fermoso tarro onde todas e todos puidemos plantar a nosa tomateira.
Moitas grazas familias!
Ningún comentario:
Publicar un comentario