Correlingua

Hoxe as trasniñas e trasniños participamos, xunto co resto do alumando do cole, no correlingua, unha actividade que promove a normalización lingüística da mocidade e a infancia.

Moi cedo, saímos por parellas do cole e chegamos a praza Massó

Mentres os maiores do cole desfilaban nunha marcha polas rúas de Bueu, nós fomos rotando nos diferentes xogos tradicionais que o clube Corredoiras tiña organizados para todo o alumando de infantil dos diferentes centros educativos.

Despois dos xogos foi a quenda de encher os bandullos e repoñer forzas. Baixo o lema "dende aquí até acolá, GALEGO XA!" puidemos desfrutar do concerto de "A gramola Gominola".