O proxecto da radio!!

As trasniñas e os trasniños seguimos avanzando na nosa investigación sobre a Radio, estamos a descubrir unha chea de cousas moi interesantes!!

Quixemos saber quen inventou a radio e procurando esa información na nosa pizarra máxica atopámonos cunha historia que ten dous protagonistas: Nikola Tesla e Guillermo Marconi, tivemos que ler distintas informacións e logo de analizar o que nos contaban sacamos as nosas propias conclusións, agora sabemos quen é o inventor da radio.

Das casas dos trasniños e as trasniñas chegan cada día novos obxectos que nos deixan alucinados e nos axudan a seguir aprendendo..... auriculares, casettes coas músicas preferidas de pais, nais, avós; un equipo de radio de verdade con micrófonos e ata chaleques... e tamén aparellos de radio con formas moi diversas, algúns con moitos moitos anos e outros máis modernos.

Analizando os aparellos de radio descubrimos que podemos cambiar de emisora e que se poñemos a raia nos mesmos números do dial se escoita o mesmo en todas as radios..... isto levounos a preguntarnos como é posible que escoitemos na nosa radio o que alguén está a dicir moi moi lonxe nun micrófono e como é posible que iso mesmo o poida escoitar calquera persoa que teña unha radio..... Investigamos e descubrimos como funciona a radio....

Hoxe, para sorpresa de todas e todos, recibimos unha mensaxe por correo electrónico....

Aceptamos o convite de Radio Voz para visitar a súa emisora en Vigo, poderemos ver o estudio de radio, coñecer ás persoas que traballan alí e ver como fan o seu programa de radio en directo!!!

Que marabilla!!!!