Un bo día ao chegar á escola descubrimos que algo na aula mudara, atopamos isto....
Logo de observar e emitir variadas hipóteses, chegamos á conclusión de que a nosa casiña tiña que converterse nun castelo e para facelo tiñamos que investigar nos libros, contos, e demais materiais que estaban na alfombra. Traballamos arreo e pouco a pouco, cada vez que descubríamos algo característico dos castelos buscabamos a maneira de plasmalo na nosa casiña/castelo e así...
Abrimos unha porta de arco porque as dos castelos teñen esa forma
Pintamos liñas por todo o exterior porque os castelos están feitos de pedras ou ladrillos grandes, duros e resistentes
Pegamos por dentro da porta uns picos con ferros como se foran barrotes, descubrimos que eses ferros con picos é o rastrillo e que era unha medida máis para protexer a entrada.
Fixemos a torre da homenaxe que é a torre máis importante do castelo, onde estaban as habitacións dos reis, raíñas, cabaleiros, e señores do castelo así coma na planta baixa o almacén para a comida e a bebida porque era o lugar máis fresquiño.
Con cartón e unhas tiras de papel negro enlazadas coma unha cadea fixemos a Ponte Levadiza. Que somentes baixamos cando os que queren entrar no castelo son os nosos amigos!
Situamos no alto do castelo unha bandeira co noso escudo. E na fachada un fermoso estandarte.
A nosa casiña xa é un fantástico castelo e hoxe á volta do patio.... no sillón do castelo atopamos isto....
Unha carta para nós, dun tal Pedro Madruga, nos invita a visitar o seu castelo pero... temos que cumplir unha misión crear o noso emblema... emblema??? non tiñamos moi claro que era iso pero saímos moi emocionad@s a buscar no patio tal e como nos dicía...
Sentamos na montaña para falar sobre o que atopamos e decidir que facíamos con todo iso.....
Descubrimos que había petos de dúas cores, azul e vermello así que decidimos que sería unha cor para cada clase. Nos petos descubrimos na parte traseira o debuxo dun castelo e unha palabra TRASNOS, e na parte dianteira escudos de moitas cores diferentes... Chegamos á conclusión que tiñamos que converter ese escudo no noso emblema coas pegatas que había na caixa e que unha vez que o tiveramos listo tiñamos que poñelos para poder ir de visita ao castelo de Pedro Madruga....
Coas ideas claras e moi pero que moi ilusionad@s voltamos ás aulas para poñernos a traballar. Cada un de nós creou o seu propio emblema coas pegatinas que Pedro Madruga nos deixou na caixa!! todos diferentes e todos preciosos!!!!
Misión cumplida!!
Xa temos listos os nosos petos de cabaleiros e cabaleiras!!
Agora temos que organizar a excursión para ir coñecer o Castelo de Pedro Madruga!!!
Ningún comentario:
Publicar un comentario