Os trasnos e os alimentos

Co inicio do segundo trimestre, os trasnos metémonos de cheo no proxecto "Unha enchente de libros".

O proxecto sobre a alimentación parte da nosa biblioteca escolar, o Bibliocastelo onde Papirus conseguiu implicar a todo o cole para investigar e aprender unha morea de cousas sobre a alimentación nunha apaixoante aventura.

Nas clases dos trasnos comezamos o proxecto cunha avaliación inicial onde os nenos e nenas plasmaron nun papel que era iso dos alimentos.... debuxaron: coches, unha cabaza, escaleiras, a patrulla canina.... Logo de analizar todas as producións comezamos a tirar conclusións e a desbotar as ideas que non considerábamos cercanas aos alimentos ata que chegamos a conclusión de que....

"Os alimentos son as cousas que se poden comer, e beber. Sirven para medrar e ter forza"

A partir desa definición comezamos a traballar descubrindo alimentos, establecendo categorías e clasificacións, xogando coas letras, palabras e números....

 

No medio de tanto traballo recibimos na escola un sobre misterioso...

 

Unha carta de Papirus!!!!

 

Logo de ler a carta, ordenamos as letras misteriosas e descubrimos unha palabra

+

Na festa do entroido do cole imos ir disfrazados de amorodos!!! Comezamos a falar dos amorodos da súa cor, da súa forma, temos que coñecelos ben para poder facer o noso disfraz.

Falando e falando descubrimos que a moitos dos trasniños e as trasniñas encántanlles os amorodos, sabemos que nacen dunha planta así que preguntamos... que vos parece se plantamos amorodos na escola???