QUEN É QUEN?

Hoxe imos xogar ao quen é quen dos trasnos, así que moi atentos, seguide as pistas e atopade ao trasniño agochado.

Para conseguir o reto precisamos: lápiz, papel e 16 obxectos que servan para contar (pezas, garabanzos, animais...)

Preparados.... seguide as indicacións:

Pensa e escribe o nome dos 25 nenos e nenas da clase da profe María (sen apelidos nin abreviaturas).  Procurade que pensen e escriban eles soíños (iso sí, é importante escribir ben o nome para poder seguir o xogo). Deixamos o listado completo abaixo, pero consultadeo só no caso de que non sexan quen de acordarse de todos os nomes.

Imos tachando os nomes que non corresponden coas pistas dadas: 

1º - O noso trasniñ@ escondido ten tantas letras no seu nome como número de dedos temos no pé dereito. Tachamos todos os nomes que non teñan ese número de letras.

2º - Ten 1 letra repetida no seu nome. Tachamos os nomes que non teñan letras repetidas.

3º - É un nome trisílabo. Preparade as mans e damos palmadas para averiguar cales teñen tres sílabas e tachar o resto.

4º - Xa casi o conseguimos!!! collede os obxectos que preparamos e a sumar!!! As letras do noso trasniñ@ agochado suman 16. 
Cómo o facemos? Cada letra ten asociado un número, "sumade as letras" e averiguade que é!

 Fíxadevos no exemplo co nome de CRIS!!!

Agora atopamos ao trasniñ@ agochado da clase da profe Cris, ao igual que antes, tacharemos os nomes que non sigan as pistas, ata quedarnos soamente con un: 

Pensa e escribe o nome dos 25 nenos e nenas da clase da profe Cris (sen apelidos nin abreviaturas).  Igual que antes procurade que pensen e escriban eles soíños.

1º - O noso trasniñ@ escondido ten tantas letras no seu nome como o número de letras que ten a localidade onde está o noso cole. Tachamos todos os nomes que non teñan ese número de letras.

2º - É un nome bisílabo. Preparade as mans e damos palmadas para averiguar cales teñen dúas sílabas e tachamos o resto.

3º - Soamente ten unha A no seu nome. Tachamos os nomes que non teñen a letra A ou  que teñen máis de unha.

4º - Non ten a primeira letra de LUNS

5º - Xa estamos pretiño de averiguar ao noso trasno agochado. Collede os obxectos que preparamos, como antes cada letra leva asociado un número, fai a suma e aveigua ao noso trasniñ@. As súas letras suman 15

OS TRASNOS DA CLASE DA PROFE MARÍA SON: 

ALEJANDRO, ALEXANDRA, ANA, ANTÓN, ASHLEY, BOSCO, CELIA, COSME, DIEGO, HUGO, HUGO, 

IRENE, IRLANDA, ISAAC, JULIA, JULIA, LAURA, LÍA,  MAR, MARÍA, MARIÑA, MAURO, NOA, SARA

XABIER

OS TRASNOS DA CLASE DA PROFE CRIS SON: 

ABEL, ADRIÁN, ALBA, ALEXIS, ANTÍA, DANIEL, ENZO, ERIKA, JUAN, LAIA, LOLA, LUCA, LUCA, MARIO, MARTíN, MARTINA, MATILDA, NAARA, PAULA, ROI, ROI, SIMÓN, UNAI, VERA, YERAI

SE XA SABEDES A RESPOSTA COMPROBÁDEO  PREMENDO EN PAPIRUS  

Bo traballo campións e campionas!!! atopastedes aos trasniños agochados!!!