Exposición "El mundo de los sellos"

Esta semana os transiños e as trasniñas fomos ata o cole de Papirus para visitar a exposición "El mundo de los sellos" unha interesante proposta que patrocina Correos e que a Federación Española de Sociedades Filatélicas achegou á nosa escola da man de Juan Carlos, o seu monitor.

No corredor do Bibliocastelo atopamos distintos paneis onde puidemos ver distintos tipos de selos... de dinosaurios, dos Simpsons, de Starwars, de animais....

Percorremos a exposición acompañados por Juan Carlos que nos foi contando unha chea de cousas interesantísimas sobre o mundo dos selos e a correspondencia postal.

Ao final do corredor descubrimos un recanto especial onde sentamos para descubrir máis cousas sobre o servizo de correos e a súa evolución, vimos uniformes e utensilios dos carteiros de fai moitos moitos anos e dos actuais e descubrimos as diferenzas. Aprendemos como funciona o servizo postal e que cousas son necesarias para enviar unha carta.

Juan Carlos regalounos uns caramelos, unhas pegatas e uns debuxos para pintar e recortar.

Foi unha chulada de visita. Aprendemos moitas cousas!

Grazas polo convite!!!