Estrea da nosa peli "Papirus e os sete trasniños"

Dentro da aventura sobre os Dereitos Humanos, os trasnos decidimos crear unha historia que nos permitira explicar ao noso modo esas cousas ás que todos e todas temos dereito e que son tan tan importantes: a familia, o tempo de lecer, a vivenda, o traballo, a igualdade, a educación, a sanidade....  e foi así como naceu "Papirus e os sete trasniños" unha adaptación dun conto ben coñecido por todos e todas.

O noso benquerido Papirus e o protagonista desta historia na que se atopa con sete trasniños que lle contan que é iso dos dereitos fundamentais.

O conto de Papirus e os sete trasniños gustounos tanto nas aulas que, decidimos convertelo nunha película e durante semanas traballamos arreo para conseguilo. Metemos as imaxes no ordenador e démoslle movemento pero... non falaban de modo que.. decidimos que o mellor era poñer as nosas voces na película e así foi como nos iniciamos na técnica da dobraxe prestándolle a nosa voz aos personaxes da historia

E pouquiño a pouco a nosa peli foi collendo forma ata que...... chegou o gran día da estrea!!!

Falamos sobre que nos apetecía facer para estrear a peli e todos e todas coincidimos... UNHA FESTA!!

De modo que preparámonos para a festa de estrea. Fixemos unha lista da compra coas cousiñas que queriamos de merendar e convertemos unha aula nunha sala de cinema, para iso tivemos que mover cadeiras e mesas pero... somos un gran equipo!!!

Coas butacas preparadas preparamos no fondo da aula a merendola....

Cando todo estivo listo os artistas e as artistas fixeron a súa entrada triunfal na sala para poder asistir á estrea da súa obra!

Ocuparon as súas localidades, apagamos as luces e comezou a proxección!!!

A estrea foi todo un éxito!! e logo da proxección festexamos todas e todos o gran traballo con merendola e baile!!

Queredes ver a nosa peli?? pois luces, cámara, acción!!!