MISIÓN 6: REUTILIZAMOS

Despois duns días, os trasniñ@s por fin conseguimos xuntar un vasiño de iogur para cada un de nós como nos pedira Papirus no seu último vídeo, recordades?

Así que o noso polbiño máis querido cumpriu a súa promesa e deixounos a súa caixiña cunha nova misión.

Dentro estaban os envases de iogur, moitas pegatas super chulis, algodón, un pulverizador con auga e.... fabas, si si fabas!!!!

Nesta misión tiñamos que seguir reutilizando o lixo, desta volta tiñamos que converter o envase do iogur nunha casita para as fabas.....así que con moito cariño decoramos os vasiños de iogur.

Despois collimos un anaco de algodón e o colocamos no fondo do vaso, contamos ata tres para meter dentro tres fabas e as tapamos con outro pouquichiño de algodón, e.... o máis divertido regamos!!!!

Cumplimos tan ben a nosa misión que Papirus nos entregou un novo selo, que con moita ilusión puxemos no noso carné; nel aparece unha faba xermolada, pero.... nós non estamos moi seguros que dunha faba plantada en algodón poida saír unha plantiña.

 Polo momento os nosos vasiños están colocados na ventá, preto da luz e sempre co algodón mollado.

Observaremos cada día o que acontece cos nosos vasiños......