Trasnos crea palabras

Atención trasniños!!! Hoxe imos formar palabras! Buscade caixas de galletas, cereais, revistas, xornais, folletos de publicidade..... e despois buscade as letras que aperezan neles e recortádeas. 

Con esta actividade fomentamos a atención e concentración dos trasniñ@s, a motricidade fina e a coordinación óculo-manual cando recortamos, a asociación de maiúscula a minúscula, os agrupamentos, e a composición e creación de palabras.

A primeira misión será facer equipos coas letras, agrupalas, xuntar as que son iguais (sexan en maiúscula ou minúscula). 
Contamos cantas letras temos de cada, se falta algunha letra podemos encribila nun anaquiño de papel. 

A segunda misión é unha misión moi especial para os trasniñ@s máis valentes!!! temos que formar o maior número de palabras posible; Podedes formar os nomes dos vosos amiguiñ@s do cole, dos familiares, das profes, ou calqueira palabra que se vos ocorra.

Despois podedes pegalas nunha folla ou escribilas, contade o número de letras que ten cada unha e  agrupalas polo número de sílabas que teñen, así que veña, preparade as vosas mans e....

Cantas palabras fuches quen de facer? Se queres compartilo con todos e todas envíanos a túa foto ao email.

Xa chegan as primeiras palabras formadas, noraboa trasniños!!