Esta é a SEMANA DAS LETRAS GALEGAS, este ano dedicada a Ricardo Carvalho Calero.
Se clicades na imaxe accederedes a unha actividade interactiva que o Seminario Galán propón para coñecer este día tan especial para os galegos e ao autor homenaxeado este ano.
Se queredes saber máis e ter acceso a máis propostas e actividades visitade o blog de dinamización do noso cole, ENREDEMOS
Para desfrutar desta semana das letras imos participar no RETO REFRANEIRO, proposto por Galiza Visual, un grupo de nove docentes galegos que promove o interese no pensamento visual e a potencialidade que pode ter nas nosas aulas.Coñecemos unha morea de refráns, como contán en aulas galegas, son coma petiscos crocantes que che permiten xogar coa sonoridade e coa metáfora que adoita ter detrás. Convidannos a un xogo que vai pór en marcha a nosa creatividade e nos vai a conectar a través dos refráns e as imaxes que evoquen en nós.
Se vos apetece participar pensade nalgún refrán, facede un debuxo, colaxe, mestura de imaxes e palabras ou o que se vos ocorra; con lápiz, acuarela ou tablet; como máis vos guste.
Cando o teñades listo enviádeo ao noso correo infantilapedra4anos@gmail.com, estamos desexando descubrir as vosas creacións deste reto refraneiro!!
Das casas dos trasniños e trasniñas están chegando marbillosos refráns,
animádevos!! pintar refráns é moi divertido!!!
Ningún comentario:
Publicar un comentario