Unha pizza deliciosa!

Hoxe convidámosvos a convertervos en pizzeros e pizzeras!!

Con esta actividade repasaremos o conteo de obxectos con diferentes patróns de colocación no espazo, traballaremos a atención, a memoria visual; e reforzaremos a asociación do número á cantidade e as grafías dos números.

Instruccións:

1º Crear a base da nosa pizza.
Podemos facela recortando un círculo nunha caixa de cartón reciclando ou ben usar un prato ou bandexa que teñamos na casa.



2º Buscar os ingredientes para a nosa pizza. Podemos usar calquera cousa que teñamos na casa, pezas de construcción, pequenos xoguetes ou animais, e tamén podemos debuxar e recortar nós mesmos os ingredientes que máis nos gustan na pizza, champiñons, xamón... etc

3º Facer a nosa pizza. Os cociñeiros e cociñeiras situarán sobre a base os ingredientes da pizza sen que os trasniños e as trasniñas vexan que cantidade poñemos de cada un.

4º "comer" a nosa pizza, contando. Os trasniños teñen que contar cantas unidades hai de cada un dos ingredientes e rexistar as cantidades nunha folla.

 Para contar, debemos ir "comendo" os ingredientes que contamos, retirándoos da pizza.

Un vez que sexamos quen de contar comendo (retirando) os ingredientes, pasaremos á seguinte fase. Temos que ser quen de contar os ingredientes da pizza,  imos intentar facelo sen tocalos, só cos ollos. Se non somos quen, podemos sinalar a medida que imos contando, pero non quitalos nin movelos do sitio. Que difícil!!! temos que estar moi moi atentas e atentos.

Para contar sen tocar, comezaremos por situar os ingredientes na pizza en liña, cando sexamos quen de contalos farémolo en círculo, logo cruzados e por último desordenados. Podemos poñer máis ou menos ingredientes en función da dificultade que queirades.

Estamos desexando ver as vosas deliciosas pizzas!!!

Que marabilla!! Ollade que pizzas máis deliciosas!!!