Irlanda é a protagonista!!

Esta semana, a nosa amiga Irlanda é a prota na aula da profe María e para comezar a súa semana especial quixo convidar ao cole ao seu papi Javier e a súa mami Belén.


Recibimos na alfombra a Irlanda e á súa familia que logo de presentarse explicáronnos que viñeran ao cole para convidarnos a xogar a algo moi divertido, entusiasmados escoitamos a proposta, e así descubrimos que iamos converternos en Detectives!!!!

O primeiro que fixemos foi ver se sabiamos que era iso de ser detectives, e o tiñamos moi claro.... os que buscan pistas e resolven misterios.... Para ser uns e unhas detectives de verdade, Irlanda, Javier e Belén déronnos unha lupa para usar na procura das pistas, un contrato que tivemos que asinar comprometéndonos a cumplir coa misión e un carnet de detectives!!! Cando estivemos perfectamente equipados, dividímosnos en dous grupos e comezamos a misión. Na alfombra descubrimos o problema... logo de poñer a lavadora desapareceran dous calcetíns!!! Tiñamos que atopalos...

Observamos as pistas: unhas pegadas e un pouco de pelo de cor rosa..... quen levaría os calcetíns???

Descubrimos que fóra un mounstro e que nos deixaba pistas para atopalos, percorremos distintas estancias da escola seguindo as pistas que os mounstros nos deixaron: no baño, na casiña, entre os contos, na caixa das tesouras ata que... finalmente no patio atopamos unha caixa cos calcetíns perdidos e unhas chuches que comimos entre todos para repoñer forzas logo da misión!!

Que ben o pasamos!!!

Xogar aos detectives foi xenial!!!